ကိုယ်ရေးရာဇ၀င်

ကိုယ်ရေးရာဇ၀င်

ခြေလှမ်းလေးကပြောတယ် ….
ငါက ထွက်သွားတော့မှာတဲ့ …………။

သစ်ရွက်တွေထဲမှာ သစ်ပင်ကို ပြန်ရှာတယ်။
မောတယ်။
ဘ၀ဟာ မောတယ်။
ဘ၀မှာမောတယ်။ မနေ့က အတွေးတွေနဲ့ ဒီနေ့ကိုနေသူလို မောတယ်။

ပြက္ခဒိန်တစ်ရွက်ကို လှန်လိုက်သလို …
အတိတ်ကို ဖျပ်ကလှဲ လှန်ပြီး နောက်ထဲထိုးထည့်ထားလိုက်တယ်။
ပြန်မဆုံတဲ့ ခြေလှမ်းတွေ တစ်နေ့နေ့ …..။

Zephyr ….

တံထွေးလိုအပ်မှု

ကဗျာလေးတစ်ပုဒ်ရေးဖြစ်ပါတယ်။

တံထွေးလိုအပ်မှုလို့ နာမည်ပေးထားပါတယ်။

စာရွက်ပေါ်မှာ စာမရေးတာ လေးနှစ်ပြည့်ခါနီးမှာ ..... အမှတ်တရပြန်ရေးတဲ့အတွက် မြင်ရတဲ့အတိုင်း တောင်တက်တောင်ဆင်းဖြစ်နေတာကိုတွေ့ရပါမယ်။

အမေရိကန် အက်ဆေးတွေဖတ်ရင်း အေးအေးဆေးဆေးနားနားနေနေ နေနေရာက ရုတ်တရတ် ရေးမိတဲ့ကဗျာဖြစ်ပါတယ်။

ကဗျာကို ရွတ်တာ အဆင်မပြေဖြစ်နေတာနဲ့ မပြေတဲ့အတိုင်းထားလိုက်ပါတယ်။ နားနည်းနည်းပိုကောင်းတဲ့သူတွေနားထောင်နိုင်ပါတယ်။ မကြားရရင်တော့ ကံကောင်းတာဖြစ်ပါလိမ့်မယ်။

The Need of Saliva

ရင်ခုန်နေရတဲ့ မျက်တောင်လေးတစ်ခုအကြောင်း ….

ဒီတစ်ခါ ချစ်စရာကောင်းတဲ့ ကဗျာလေးတစ်ပုဒ် တင်လိူက်ပါတယ်။

ပျင်းနေတာနဲ့ ကဗျာကို အိပ်ချင်မူးတူးရွတ်ထားတဲ့ အသံနဲ့ပါ တင်လိုက်ပါတယ်။ နောက်ခံသီချင်းက Olivia ရဲ့ I honestly love you ဖြစ်ပါတယ်။

ရင်ခုန်နေရတဲ့ မျက်တောင်လေးတစ်ခုအကြောင်း ….


မလှမ်းမကမ်း အကွာအဝေး …
မျက်တောင်လေး မြင်နေရရုံနဲ့
လူ့ဘ၀ဟာ ဒုလ္လဘ …။
သက်တစ်ရာတမ်းလုံး ထိုင်ကြည့်နေချင်တဲ့ မျက်တောင်လေး…
ဖြောင့်ချက်ပေးထားတဲ့ နှလုံးသားရုံးချိန်းတွေဝင်နေရသလို ပ၊
စိတ်ထဲပွင့်ခွင့်ပြုလိုက်တဲ့စံပယ်စိုစွတ် ညနေဖျော့….
လွမ်းနေရတာက မျက်တောင်လေးတစ်ခုဆိုတော့ …
မြေက ရယ်မှာစိုးတယ်။

မျက်တောင်လေးရဲ့
အလင်းပြန်ဆုံမှတ်ဟာ နှလုံးသားတစ်ခုဆိုပါတော့ ..
အဲဒီနေရာလေးမှာ ကံ့ကော် တစ်ပင် စိုက်ခွင့်ရချင်တယ်။
သိပ်လှတဲ့ ကံ့ကော်ရွက်နုလေးတွေဟာ မျက်တောင်လေးတစ်ခုရဲ့ ကယုကယင် အမူအယာ …
သိပ်နူးညံ့လွန်းလို့ စိတ်နဲ့ပဲကြည့်နေလိုက်ရတယ်။

ဘဒ္ဒကမ္ဘာထဲမှာ မျက်တောင်လေးတစ်မျှင်ကို ချစ်ကြင်နေသူတွေဘယ်လောက်များခဲ့လဲ …………။ … မျက်တောင်ကလေး အဖူးရစေ …ဆိုတဲ့ ကျိန်စာတွေကိုကြောက်ရွံ့ခဲ့ …၊
မျက်တောင်လေးနဲ့ ပိုမို နီးကပ်မသွား .. ပိုမိုဝေးကွာမသွား …
လက်တစ်ကမ်းအကွာမှာ သံလမ်းတွေကျိန်စာသင့်ခဲ့သလိုမျိုးပါပဲ။

မျက်တောင်လေးဟာ
ကျွန်တော်အိပ်နေတုန်း ဘုရားသခင် ထုတ်ယူသွားတဲ့ မျက်တောင်လေးပဲဖြစ်တယ်။
မျက်တောင်လေးဟာ
မိုးစွေငှက်ကလေးရဲ့ ဖျတ်လတ်မှုတွေနဲ့
သဘာဝတရားထဲ စူးစမ်းရှာဖွေလေ့လာသူ၊
မျက်တောင်လေးဟာ ကျွန်တော့်နှလုံးခုန်သံတွေကို
နားကြပ်တပ်မထားဘဲကြားနေလိမ့်မလား …
ဇီဇ၀ါပန်းတွေပွင့်တဲ့လမ်းမှာ
ကျွန်တော်တွေးနေမိတယ်။

ကိုယ်ဆိုတဲ့သီချင်းကိုယ်ပြန်သာယာနေတဲ့ ငှက်ကလေးတစ်ကောင်လိုပါပဲ …
သတိရနေတဲ့စိတ်ဟာ သတိရနေခြင်းကို သာယာနေမိတယ်။
မျက်တောင်လေးငြိမ်းချမ်းပျော်ရွှင်နေကြောင်း …
မြက်ခင်းမှာနားနေတဲ့ သပိတ်လွယ်ငှက်ကလေးပြောပြတဲ့အခါ …
ကျွန်တော်နဲ့အတူ …. ကံကော်ရွက်နုလေးတွေလည်း နားကိုစွင့်လို့ပါပဲ …..။ ။

ခင်မင်စွာဖြင့်
Zephyr

download Poem mp3 from Media Fire

ချစ်သောမြွေမလေး

ချစ်သောမြွေမလေး

ငါ့ကိုနမ်းနိုင်မလား
ရင်ခုန်နေတဲ့မြွေဟောက်လေးလို . . .
ချစ်သူရှေ့မှာငါ . . လျှာထုတ်ပြမိတယ် . . .
လျှာနှစ်ခွဖြစ်နေလား အချစ်နှစ်ခွဖြစ်နေတာလား
သူရယ်လိုက်ရုံနဲ့ပဲ အဆိပ်တက်တက်လာတယ် . . ငါ့ကိုမလှောင်ပါနဲ့ကွယ် . . .
လှောင်အိမ်နဲ့လည်းမလှောင်နဲ့ အပြုံးနဲ့လည်းမလှောင်ပါနဲ့ . . .
ငါက မင်းရှေ့မှာ အဆိပ်ထုတ်ထားတဲ့ အဆိပ်ထုပ်ပါ . . .
ငါ့ရင်ခုန်သံက ရေမြွေတွန်သလို . . .
မင်းငါ့ကိုရင်မခုန်ရင်တောင်
ရင်ခုန်နေတဲ့ငါ့ကိုမလှောင်ပါနဲ့ . . .။
………..(မြွေမလေးရယ်သံ). ……………..

စိမ်းမြနေတဲ့မြက်ခင်းလေးမှာ ….
ငါမင်းကိုပေါက်သတ်ချင်လိုက်တာ ………
အသည်းယားနေတဲ့မြွေဟောက်လို အံကြိတ်မိတယ်……..
ချစ်စရာကောင်းလွန်းတာကို
ငါဒီထက် မဖွဲ့တတ်တော့ဘူး……
ငါမှာ အရည်ခွံလဲထားတဲ့မေတ္တာနဲ့ …… အရည်ခွံလဲမရတဲ့ လွမ်းဆွတ်မှုရှိတယ်…
ငါ့ကို မနမ်းရင်တောင် မျက်စောင်းမထိုးပါနဲ့ …….
ငါကမင်းနှလုံးသားရဲ့ မျက်စောင်းထိုးမှာနေနေရတာ မွန်းကြပ်လို့ပါ ……
…………(မြွေမလေးရယ်သံ) ……….

ငါတွန်နေတာ ချစ်လို့ပါ …….
ငါပါးပျဉ်းခွက်နေတာကို မကဲ့ရဲ့ပါနဲ့ ……….
ငါ့အချစ်တွေ ပြားကပ်နေတယ်လို့ မပြောလိုက်ပါနဲ့ ………..
ငါယိမ်းနေတာ ချစ်လို့ပါ …….
ငါအယူတိမ်းပြီး ယိမ်းနေတာမဟုတ်ဘူး ………
အသည်းကွဲပုလွေသံလည်း ငါမကြားချင်ဘူး
မင်းငါ့ကို မနမ်းရင်တောင် မနမ်းခင်ပြုံးလိုက်သလို ပြုံးပြပါလား ………
…………..(မြွေမလေးရယ်သံ) ………

ငါ ဟာဖြေဆေးထိုးထားတဲ့ အဆိပ်ပြင်းပြင်းမြွေပါ
ငါ့ကိုမနမ်းရင်တောင် ………. မင်းထွက်မပြေးပါနဲ့ ……..
ငါ့ကိုမနမ်းရင်တောင် မင်းဝင်မပြေးပါနဲ့ ……..
ငါ့ကိုပေါက်မယ်ဆိုရင်တောင် မင်းမမဲ့လိုက်ပါနဲ့ ………..
ငါ့ကိုပေါက်မယ်ဆိုရင်တောင် မင်းမမဲ့ပြန်ပါနဲ့ …………..
ငါဟာ မြွေယောင်ဆောင်ထားတဲ့ မြွေယောင်ယောင်ပါ ………..
အဲဒီလိုမင်းမြင်ရင်တောင် ငါ့ကိုမင်းမမြင်ဘူး ……….
ငါတို့ နှလုံးသားမှာ အမြေးပါးတစ်ခုခံနေတယ် ………
မင်းငါ့အချစ်ကို မမြင်သေးသရွေ့……….
တွေ့သမျှအရိပ်တွေ ငါပေါက်သတ်မယ် ………..
တွေ့သမျှငါပေါက်သတ်နေတာ အရိပ်တွေ့လို့ မင်းရယ်မနေပါနဲ့
ငါ့ကိုမနမ်းရင်တောင် ………..။
………… (မြွေမလေးရယ်သံ) …………..

ငါဟာ ခပ်တုံးတုံး မြွေတစ်ကောင်ပါ ……..
မင်းရဲ့အနမ်းကို ပခြုပ်လိုယက်ပြီး ………..
တစ်သက်လုံးဝင်ခွေနေချင်တာ တစ်ခုတည်းနဲ့၊
ငါ့ကိုမရယ်လိုက်ပါနဲ့ ………..
ငါ့ကိုမရယ်သွားပါနဲ့ …………….
ငါ့ကိုမရယ်ပြေးပါနဲ့……………
……….
…………….(မြွေမလေးရယ်သံ) …………

ချစ်သောမြွေမလေးရေ ……….
ငါ့ကိုမနမ်းရင်တောင် ………
ငါကမင်းကိုချစ်နေတာကို
မင်းငါ့ကိုပြန်မချစ်တာနဲ့
မချေလိုက်ပါနဲ့ ……….
ချစ်သောမြွေမလေးရေ ………
ငါ့ကိုမနမ်းရင်တောင် …... ………. ……….။
………….(မြွေမလေးရယ်သံ) ………..
………….(မြွေမလေးရယ်သံ) ……….
Zephyr

Idea Magazine 2009, August

လွတ်ထွက်သွားမှပဲရလိုက်တယ်။

လွတ်ထွက်သွားမှပဲရလိုက်တယ်။

အဲဒီအကြည့်တစ်ချက်ကနေစတွေ့တာပါပဲ ...။

သေပြီဆရာလို့ အခါ တစ်ထောင့်လေးရာကိုးဆယ့်ကိုး ...

ငါ့နှလုံးသားလည်းမရိုးတော့ဘူး။

သမုဒယပစ္စယာဆိုရင်တောင် မင်းကို ငါချစ်မှာပါပဲ။

သံသရာ ဆက်လည်စေတဲ့အကြည့်တွေမရုတ်သိမ်းလိုက်ပါနဲ့ ....

လက်ကျန်ဝိုင်တွေခါးစေတဲ့အကြည့် ...ဒါထက်စကားမစပ် ... မင်းချီထားတာ မင်းရဲ့သမီးလေးမဟုတ်လား။

ပုဒ်မနှစ်ချောင်းချထားတဲ့သက်ပြင်းကို မင်းမမှုတ်ထုတ်လိုက်ဘူးမဟုတ်လား .... ။

အို ... မာတုဂါမ .... သင့်စိတ်ကို သက်သာအောင်ထားလော့။

ဒါနဲ့ပဲ လမ်းလျှောက်ထွက်လာတယ်။

ပန်းပွင့်တွေနဲ့ ပိုက်ကွန်ရက်ပြီး သစ်သီးကို ဖမ်းဆီးကြမလို့တဲ့ ....

အင်းဆက်တွေမပါတဲ့လောကမှာ နေထိုင်သီတင်းသုံးမယ့် တစ်ချိန်ကလိပ်ပြာတွေ  ...

ငါ့နားကို ငါမယုံဘူး ...။

အင်းလေ ... ငါ့မျက်စိကို ငါမယုံသလိုပါပဲ ...။

လူဝတ်ကြောင်ဘ၀ကို

လူကြောင်ဝတ်နေရတာ ခက်တယ်။

သင်္ကန်းအရေခြုံရတာလည်း အိုက်စပ်အပ် ....။

ဒီလိုနဲ့ တောတန်းလေးမှာ မျိုးမည်မသိ အရည၀ါသီ ဆန်ခဲ့တယ်။

စမ်းချောင်းက ကွေ့ပတ်ခေါ်ငင်လာတဲ့

သန့်စင်မှုထဲမှာ ..

ငါ့စိတ်ကို ငါ ပြန်ရှာတယ်။

တိမ်တွေသယ်လာတဲ့

အပြာရောင်ဖျော့ဖျော့ ရေခဲလေတွေကြားမှာ ..

ငါ့စိတ်ကို ငါပြန်ရှာတယ်။

ကြွေဆဲအခိုက် သစ်ရွက်လေးတစ်ရွက်ရဲ့ သံဝေဂ ပိုဒ်စုံ ရတု တစ်ပုဒ်မှာ ..

ငါ့စိတ်ကို ငါပြန်ရှာတယ် ....။

နေ့တွေညတွေကို သတိမပြုတဲ့အတွက် ...

ငါဟာ အချိန်ကာလနဲ့ ရန်မဖြစ်ဘူး ....

သဘာဝတရားနံရံထဲ အမြစ်စွဲဖို့ ကြိုးစားနေတဲ့နွယ်ပင်လို ....

ငါစိတ်တွေ မာကျောကျစ်လျစ် အသင့်ဖြစ်နေခဲ့တယ်။

ဒါအကုန်ပဲလား ...နေ့တိုင်းငါမေးနေတဲ့စကား ... ဘုရားအဆူဆူကြားသင့်တယ်။

ဒါပဲလား ... ဘ၀ဆိုတာ ဒီလောက်လေးပဲလား။

ဒီလောက်လေးပဲလား .... ဒီလောက်လေးပဲလား .....။

နောက်ဆုံး သိလိုက်ရတာက ဘာမှလည်းမဟုတ်ပါလား ဆိုတာလေးတစ်ခုပါပဲ ....။

လူဝတ်ကြောင်ဘ၀ကို ငါပြန်ရောက်ပြီ။

အားလုံးဟာ အသစ်ပဲ ...။

ကလေးတစ်ယောက်ရဲ့ ရယ်သံဟာအသစ် ...

တိုက်ခတ်နေတဲ့ လေပြည်ဟာ အသစ် ....

ကုန်ကုန်ပြောရင် ... မင်း ချလိုက်တဲ့ သက်ပြင်းတစ်ခုဟာလည်း အသစ်ပဲ .....။

အို ... မာတုဂါမ .... သင့်စိတ်ကို သက်သာအောင်ထားလော့။       ။

Zephyr 
29th December 2009

Notes:

ဒီကဗျာလေးက အေးရိပ်ထဲရောက်နေတဲ့အခါ နွေလည်နေ့လေးတစ်ခုကို ပြန်တွေးမိသလို ခံစားဖြစ်တဲ့အချိန်ကရေးထားးတာပါ။ တစ်ချို့တွေက အေးချမ်းပြီး တိတ်ဆိတ်တဲ့ဘက်ကို တိုးဝင်သွားတယ်။ တစ်ချို့တွေက ဆူညံစီဝေတဲ့ လောကလေးထဲကို ခြေစုံပစ်ဝင်သွားတယ်။ ဘယ်သူမှမမှားပါဘူး ....  ကိုယ့်ရဲ့ philosophy of life အတိုင်းဆက်လက်နေထိုင်သွားကြတယ်။ ပထမတစ်ခေါက် တွေ့လိုက်တဲ့အခါမှာ တစ်ယောက်က နောက်တစ်ယောက်အတွက် သက်ပြင်းချတယ်။ နောက်အချိန်တွေကြာသွားတဲ့အခါမှာ ... တစ်ယောက်က တစ်ယောက်အတွက် မေတ္တာပို့ပြီး တစ်ယောက်ကို တစ်ယောက် လေးလေးစားစား ခင်ခင်မင်မင် ... ရှိနေကြတယ်။ ... ဘ၀ဟာ သိပ်တိုတောင်းလွန်းတဲ့အတွက် မတော်တဆတွေအားလုံးအတွက် ... တစ်ယောက်ကို တစ်ယောက်ခွင့်လွှတ်လိုက်ကြတယ်။ .... တစ်ယောက်ရဲ့ လမ်းမှာ တစ်ယောက်က ဆူးတွေဖယ်ပေးခဲ့ပြီး တစ်ယောက်ရဲ့ မျက်ရည်မှာ တစ်ယောက်က အအေးဓာတ်ဖြည့်ပေးခဲ့ကြတယ်။ ....မြင့်မြတ်သော ခင်မင်မှုများစွာအတွက် ကျေးဇူးတင်နေမိပါတယ်။

......................................................................................................

Comment of Mom,

အို ဒကာလေး စိတ်ခိုင်ခိုင်ထားလော့

mnhy

မနေ့ကအကြောင်း ...

မနေ့က ...
ရွှေဖြစ်နေတဲ့ Midas အိမ်မက်တွေတွေ့တယ် ...
ကရုဏာ သီတလ ဟဒယံ အစချီတဲ့ .... တိမ်ကလေးတွေ ဖြတ်သွားတာတွေ့တယ် ...
ကဗျာတစ်ပုဒ်ရဲ့ မြစ်ဖျားခံရာဒေသကိုလည်းတွေ့တယ် ....
အမှောင်ထဲမှာ ရပ်တန့်စောင့်ဆိုင်းနေတဲ့ သစ်ကိုင်း ရဲ့ စိတ်ရှည်တဲ့ အသက်ရှူသံကိုတွေ့တယ် ...
စစ်ပွဲတွေစတင်ရာအကြောင်းတရားမဲ့မှုကို တွေ့တယ် ....
ပတ်စာခွာ ဖျာလိပ် .. ငြိမ်းချမ်းရေးရဲ့ အသံတိတ်နေတာကိုလည်း တွေ့တယ် ....။


မနေ့က ...
အသက်ရှူရတာကိုမေ့တယ် ...။
လူတွေရဲ့ လောက၀တ်ကို မေ့တယ် ....။
ဖြောင့်တန်းစွာ ဆက်လက် ခရီးမဆက်နိုင်တော့တဲ့ အလင်းတန်းကို မေ့တယ် ...။
လူတွေဝိုင်းဝန်းပစ်ချထားတဲ့ သက်ပြင်းချသံရဲ့ dB (decibel) ကိုမေ့တယ် ...။
ကတိက၀တ်ကိုမေ့တယ် ...။
ဘဏ်ငွေလက်ကျန်ကိုမေ့တယ် ...။
မိဘကျေးဇူးကိုမေ့တယ် ...။
လေထုထဲ အောက်ဆီဂျင်ဆက်လက်ပါဝင်နှုန်းကို မေ့တယ် ...။


မနေ့က ...
လက်ပံပွင့်ချိန် မရူးသေးတဲ့ခွေး အဖော်မဲ့တဲ့အကြောင်းတွေးတယ် ။
မပွင့်သေးတဲ့ ပန်းတစ်ပွင့်ရဲ့ရနံ့အကြောင်းတွေးတယ် ...။
မတည့်အတူနေတဲ့ ရုပ်နဲ့နာမ်အကြောင်းတွေးတယ် ...။
ခရမ်းရောင် အပြည့်သိပ်ထည့်ထားတဲ့ မိုးပျံပူဖောင်းတစ်ခုအကြောင်းတွေးတယ် ...။
စကြ၀ဠာထဲ ပစ်လွှတ်လိုက်တဲ့ ဘူမာရင်း အကြောင်းတွေးတယ် ...။


မနေ့က ...
ဇီဝနာရီ သဲတွေနည်းလာတာကို ပျော်ရွှင်တယ်။
စကားလုံးခွဲခြမ်းစိတ်ဖြာထားတဲ့ကဗျာဖတ်ရတာပျော်ရွှင်တယ်။


မနေ့က
သက်တစ်ရာတမ်းကို မနေ့ကဟုယူဆပါ ... ဆိုတဲ့ စာတစ်ကြောင်း ကဗျာအစမှာ အရင်ရေးဖို့ မေ့ခဲ့တယ်။ ။

Zephyr
နိုဝင်ဘာ ၂၁၊ ၂၀၀၉

Comments :

မနေ့က
အဖြူရောင်စစ်စစ်မေတ္တာတရားကို တွေ့ရှိခဲ့တယ်
မနေ့က
တရားသဘောနဲ့ ခွဲခွာခဲ့တဲ့ လမ်းတွေကို ပြန်လှည့်ကြည့်မိတယ်
မနေ့က
ဗျာဒိတ်တော်အရ စတင်ခဲ့တဲ့ ဆုံမှတ်တစ်ခုအကြောင်း စဉ်းစားမိတယ်
မနေ့က…
……………
မနေ့က……….
………….
မနေ့က……..
အရာအားလုံးက ဒီနေ့နဲ့သိပ်ကွာခြားနေခဲ့ပြီး ထပ်တူလည်းကျနေခဲ့တယ်။

.............................

မနော်ဟရီ

((( (( ((((အမေ ...))) )) )))

((( (( ((((အမေ ...))) )) )))

အဲဒီ

စကားလုံး

ရဲ့

တည်နေရာ၊ နယ်နိမိတ်၊ အကျယ်အ၀န်း

ဟာ ..

နှလုံးသားတစ်ခု

အခြေချနေထိုင်ဖို့လုံလောက်ရုံ

ထက်ပို

လျှံ

လိမ့်မယ်။

အမိမဲ့ဆိုတဲ့

ဆင်းရဲသားရပ်ကွက်

တစ်ခု

မိုးခေါင်

ရေရှား ...

ဖြေဆည်ရာ

ရှား၊

မေတ္တာ

ရှား ....

အမေ့အပြုံးတွေလည်းရှား

ခဲ့

တယ် .....။

ပန်းမပွင့်နိုင်

တဲ့

ဆာ

ဟာ

ရ

ဝတ်ရုံနဲ့ ...

အမှောင်တွေ

အပြည့်ဖမ်းမိထားမိသူ ...

ရေတွင်းပျက်ထဲ

ခြေချော်လက်ချော်ကျတဲ့သစ်

ရွက်လို ...

လရောင်ကလွဲရင် ဘာကိုမျှော်

နေဦးမှာလဲ .....။

အလင်းကို

ချိန်တွယ်ရောင်းချ

တဲ့

အရှေ့အရပ်ကို

ကျော

ခိုင်း

နာကျင်နေရတယ် ။

ကိုယ့်အရိပ်ထဲ

ကိုယ်

သေမိန့်ကျနေတဲ့နေ့တွေ ...

ခါးခါးစူးစူး မျက်မျက်ရှရှ၊

မျက်ရည်ကျခွင့်မရတဲ့အခါ

သွေးတွေ အငွေ့ပျံကုန်တယ်။

အမေ ...

အချိန်မီရောက်လာတဲ့

ကမ္ဘာပျက်နေ့တစ်ခုလို ...

အချိန်မီတည်ဆောက်ပြီးတဲ့

မဟာကရုဏာတော်လို ...

အချိန်မီ ညာလက်သွင်သွင်ကျိုးသွားတဲ့

ဘုရားသခင်လို ...

မေတ္တာသက်သက်နဲ့ ... အဖြူရောင်တွေ ဖန်ဆင်းပစ်ခဲ့တယ်။

အမေ ...

စိမ်းမြပြာလဲ့နေတဲ့ ရီနေဆန်းပိုက်ကွန်တစ်ခု ..

ခြေ၊လက်၊စိတ်နဲ့ စေတသိက် ၅၂ လုံး

အားလုံးကို အုပ်မိခဲ့တယ်။

အမေ ...

ဘုရားသခင်ရဲ့အမှားပြင်ဆင်ချက်။

ကံတရားရဲ့ နောက်ဆက်တွဲသတင်း၊

ဒီဘ၀ရဲ့

ဒုလ္လဘတရားစစ်စစ် ....။ ။

ခင်မင်စွာဖြင့်

Zephyr...

Dedicated to my mom.

Happy and Joyous and Peaceful BIRTHDAY ...

May God Bless you Mom.

Notes:

အစီအစဉ်တွေကို ပြတ်တောင်းပြတ်တောင်းဖြစ်အောင်

သေချာလုပ်ထားတာပါ။ မတော်တဆ စာကြောင်းတွေ ပြုတ်ကျကုန်တာမဟုတ်ပါဘူး ....။ :) .....

စီထားချင်သလို မဖြစ်ပေမယ့် .... အတတ်နိုင်ဆုံး ဖြတ်ထားပါတယ်။ အသံစီးဆင်းမှုကို တုံ့ဆိုင်းသွားစေချင်တာရယ်၊ ကြေကွဲနာကျင်စွာရွတ်ဆိုမှုကို လုပ်ကြည့်တာပါ။ အဆင်မပြေဖြစ်သွားရင်လည်း ...အားနာပါတယ်။ ဟဲဟဲ ....။ နောက်မှ ကဗျာစာအုပ်မှာ လက်ရေးနဲ့ရေးပြီး Scan ပြန်ဖတ်ပြီးတင်ကြည့်ပါဦးမယ်။ ....အမေရှိပြီး ...အမေကို ချစ်တဲ့သားတိုင်းအတွက် တရိုတသေရေးလိုက်တဲ့ကဗျာပါ။ .....။ အမေတွေအားလုံးစိတ်ချမ်းသာကြပါစေ .....။ သားသမီးတွေအားလုံး လိမ္မာကြပါစေ .... ဆိုတဲ့ မပြည့်နိုင်သလို ဖြစ်နေတဲ့ ဆုတောင်းတစ်ခုကို ထပ်ခါတလဲလဲ ဆုတောင်းရင်း အမေ့မွေးနေ့မှာ သိပ်မလိမ္မာတဲ့ သားက ကဗျာတစ်ပုဒ် လက်ဆောင်ပေးပါတယ်။

poem1_mother