အကြွေစေ့သုံး တယ်လီဖုန်း

အကြွေစေ့သုံး တယ်လီဖုန်း

တစ်ခုခုအတွက် ရှိနေသေးသလိုလို၊
မေ့လျော့စွာ
ကြွင်းကျန်ရစ်သလိုလို
နံရံကိုမီတွယ်ထားတယ်၊
အရေးကြီးခေါ်ဆိုမှုတစ်ခုကို စောင့်နေရသလို၊
ပုံပြင်ဟောင်းတစ်ခုကို ပြောပြမလို၊
စောင့်နေခဲ့သေးတယ်။                  ။

Zephyr

ဇရာ

ဇရာ

အရင်လိုမဟုတ်တော့ဘူးဆိုတာ
အရင်ကထက် ပိုသိလာတဲ့ ခံစားချက်။

Zephyr

ခေတ်ကာလသားသမီးများ

ခေတ်ကာလသားသမီးများ

ကြယ်၊
ကောင်းကင်၊
ငှက်၊
အလှမွေးငါး၊
ပြေးလွှားဆော့ကစားခြင်းများကို
လက်ကိုင်ဖုန်းအတွင်း
ရှာမတွေ့ခဲ့ကြသူများ။                  ။

Zephyr

ဂီတ

ဂီတ

မရှိပေမယ့်
ရှိနေတယ်။
တိုက်ဆိုင်မှုတစ်ခု
တုန်ခါမှုတစ်ခု
နာကျင်မှုတစ်ခုကနေ
လှပတဲ့ သံစဉ်တစ်ခုကို
လှစ်ခနဲထုတ်ပြပြီး
ဟုပ်ခနဲ ငြိမ်းသွားတဲ့ သင်္ခါရတရား။

Zephyr

ငါး

ငါး

တစ်နေ့မှာ
ရေနည်းအိုင်ကနေ
သေခြင်းတရားအစစ်ဆီ
ခုန်ထွက်သွားတယ်။

Zephyr

သေသူ

သေသူ

စိတ်ထဲမှာမရှိတော့သူဟာ
သေသူပဲ၊

ကုမုဒြာရနံ့နဲ့ လရောင်အောက်မှာ ...
ပျောက်သွားခဲ့ကြသူတွေ။                    ။

Zephyr

ဗလာ

ဗလာ

ဗလာထဲမှာ
အားလုံးရှိပေမယ့်၊
ဗလာထဲမှာ
ဗလာမရှိဘူး။                 ။

Zephyr

အကောင်းမြင်။

အကောင်းမြင်။

မတော်လိုက်ရတဲ့ ယောက္ခမထက်
တော်လိုက်ရတဲ့ ယောက္ခမက ပိုကောင်းတယ်။

လက်ပစ်ဗုံးကို စနက်တံဖြုတ်ပြီး
မပစ်မိသေးဘူး၊

အဝေးကိုငေးကြည့်ရင်
အဝေးက အငေးစာ နီးတယ်။

ရွယ်တူ သူငယ်ချင်း သုံးယောက် ဆုံးနှင့်ပြီ။
ငါ့မှာတော့ မနက်ဖြန်တစ်ရက်စာ အပျော်တွေကျန်နေသေးတယ်။

ပြဒါးမသုတ်ထားတဲ့မှန်ကို ပြုံးပြရသလို၊
လက်ဖက်သုတ်ထဲက ငရုပ်သီးကို ရွေးစားကြသလို၊

အလကားရတဲ့နေရောင်အောက်မှာ၊
မိုးတွေရွာနေတာ ယာယီပါ။

အားလုံးမကောင်းသွားတောင်
အားလုံးကောင်းသွားစရာမလိုတော့ပါဘူး။

ကြယ်ငေးသူဟာ
ကြယ်ငေးသူပေါ့။

စံပယ်ဖြူလွဟာ
စံပယ်ဖြူလွပေါ့၊

ရေအကြောင်းမတွေးရင်
လက်ထဲမှာ ဖန်ခွက်လေးရှိနေသေးတာ ပျော်စရာပေါ့။

Zephyr

သင်္ကေတဝါဒီ။

သင်္ကေတဝါဒီ။

သံယောဇဉ်ဟာ
ဘူတာများစွာဖြတ်ကျော်လာတဲ့ရထားလေး။
နှင်းဆီပန်းရောင်ရထားလေး၊
ချောကလက်အင်ဂျင် ရထားလေး၊

မသေချာခြင်း ဒိုင်မင်းရှင်းထဲက
အသေချာဆုံးသော တွဲလက်များ ခုတ်မောင်းကြစေ၊
ဟန်ဆောင်ခြင်းကင်းသော
အပြုံးပန်းများ ခုတ်မောင်း၊
နွေးထွေးသော နှလုံးခုန်သံများ ခုတ်မောင်း။

14th February
ဇီဇဝါပွင့်ဖတ်များသာ ဝါသွားမည်။
ချစ်ခြင်းသည် ဝါရော်မသွားတော့ပါ။ ။

Zephyr

ဒုတိယအကွက်မရှိဘူး။

ဒုတိယအကွက်မရှိဘူး။

ဘာအဖွင့်လာလာ၊

ဘာမှမထိုးဘဲ၊

ပွဲပြီးတဲ့အထိ ငြိမ်ထိုင်နေလိုက်တယ်။ ။

Zephyr

(ဆရာဇော် ကွယ်လွန်ခြင်း အမှတ်တရ)

အလွယ်ရေးထိုးထားတဲ့လက်မှတ်

အလွယ်ရေးထိုးထားတဲ့လက်မှတ်

စင်ရော်လည်း အစာရှာမရတဲ့ရက်ရှိတယ်၊
 ကောင်းကင်မှာလည်း တိမ်တွေမပါတဲ့နေ့ရှိတယ်။
 မနက်ခင်း နှင်းတွေမှာပါတဲ့ အက်စစ်ဟာ
အလန်းဆန်းဆုံး ဆောင်းပန်းကလေးများကို
ညှိုးနွမ်းသွားစေနိုင်တယ်။

တစ်နေ့လုံး စိုက်ခင်းကို ရေပက်နေတာ
တစ်နေ့လုံးတောင်ပေါ်ကို သစ်သီးဗန်းလေးနဲ့ လမ်းလျှောက်တက်နေတာ
တစ်နေ့လုံး နွားအုပ်ကိုကျောင်းနေတာ
တစ်နေ့လုံး တံတားဆောက်ဖို့ ကျောက်သယ်နေတာ
လုပ်အားဟာ ငွေကျပ် ၂၀၀၀ မျှသာ တန်သတဲ့။

တောင်တွေကိုကျော်ပြီး တစ်နေ့မိုင် ၂၀ လျှောက်ရတာ
လှေတစ်တန်၊ကားတစ်တန်၊ ခြေကျင်တစ်တန် လမ်းများကိုဖြတ်သန်းနေတာဟာ
ကျောင်းကိုသွားနေတာတဲ့၊
ဒီမျှော်လင့်ချက်ကို ဒီပညာရေးက ဖြည့်ပေးနိုင်မလား စိုးရိမ်တယ်။
ကျောင်းလွယ်အိတ်အလေးကြီးကို
အဝေးကြီးလွယ်သွားတဲ့
ကျောင်းသားလေးရဲ့ မျက်ဝန်းများ
တောက်ပနေသလောက်၊
သူ့ကျောင်းဝတ်စုံဟာ
ဟောင်းနွမ်းနေတယ်။

မိမိကိုယ်ကို
တတ်နိုင်သမျှ ကွေးကောက်ထားခြင်းဆိုတဲ့ အနွေးထည်ကလွဲရင်
ဘာမှမရှိတဲ့
ခွေးတစ်ကောင် အအေးလွန်ကဲ ဆောင်းရာသီကုို ခုခံနေသလိုမျိုး
ခက်ခဲလွန်းတဲ့ ဘဝတွေဟာ
ဆင်းရဲခြင်းကို လက်ဗလာနဲ့ ခုခံနေတာ။

ပြည့်စုံခြင်းအထိလည်းမမျှော်လင့်ကြပါဘူး၊
အဆင်ပြေရုံ၊ ဝမ်းဝလို့ခါးလှရုံထက်မပိုကြပါဘူး၊
ဒီမျှော်လင့်ချက်သေးသေးလေးကို
ခြေဖဝါးသေးသေးလေးထဲမှာ ထိန်းသိမ်းပြီး၊
တစ်နေ့တစ်နေ့ ကျောင်းကို ရောက်အောင်သွားနေသေးတာ
မြင်ရရုံနဲ့ ကြေကွဲစရာ၊

ဒီမြင်ကွင်းလေးကို
ကျွန်တော်တို့က
နှလုံးသားနဲ့မကြားရတော့၊
လက်ကိုင်ဖုန်းလေးထုတ်ပြီး ဓာတ်ပုံရုိုက်
#ခက်ခဲသောဘဝများ#ကျောင်းသားလေးတွေ#လေးလံသောလွယ်အိတ် ဆိုပြီး
social media တစ်ခုခုမှာ တင်ရုံထက်မပိုတဲ့ စာနာမှုနဲ့ ရက်စက်လိုက်ကြတာပေါ့။

ကျနော်တို့လာကြည့်ရတဲ့
သူတို့ရဲ့ အလှပဆုံး ရှုခင်းတွေကို သူတုို့မခံစားနိုင်ကြပါဘူး။
ဘဝဟာခက်ခဲလွန်းတဲ့အခါ ရသခံစားမှုဟာ ချို့တဲ့သွားတယ်မဟုတ်လား။
ခေတ်ပြောင်းတော်လှန်ရေးတွေဟာ
လူချမ်းသာတွေ ပိုချမ်းသာသွားဖို့မဟုတ်ခဲ့ပါဘူး၊
ဆင်းရဲသားလူတန်းစားရဲ့ ဟောင်းလောင်းပွင့် အစာအိမ်ထဲ
အစာကြမ်းတစ်ချို့ရှိနေရေးအတွက်ပဲ ဖြစ်ခဲ့ပါတယ်။

ဖွံ့ဖြိုးမှုမညီမျှမှုရဲ့ အကြပ်အတည်းကို
ကျောင်းသားလေးတစ်ယောက် ဘယ်နှစ်မိုင်လျှောက်မှ
ကျောင်းကိုရောက်သလဲဆိုတာနဲ့ တိုင်းတာကြည့်ရင်
နီးစပ်တဲ့အဖြေရနိုင်မယ်ထင်ပါတယ်။
သူ့ရဲ့ ထမင်းဘူးထဲက နေ့လည်စာကုိုဖွင့်မကြည့်မိခင်
ကျွန်တော်တို့ရဲ့ လက်ကိုင်ဖုံးများကို
အရင်ဆုံးပိတ်ထားလိုက်ဖို့လိုမယ်ထင်တယ်။                ။

Zephyr

ကြောင်တစ်ကောင်ရဲ့ရှင်သန်မှု

ကြောင်တစ်ကောင်ရဲ့ရှင်သန်မှု
------------------------------------------------
မျက်လုံးကလွဲရင်
ဘယ်နေရာမှာမှ အားမရှိဘူး။
ဒီတော့
သံဝေဂကလွဲရင်
ဘာတွေများရနိုင်သေးလဲတွေးမိတယ်။

ပန်ကာဒလက်ဟာ တစ်ခုခုကိုစုပ်ယူပြီး
တစ်ခုခုကို တွန်းထုတ်တယ်။
မိပြီးသားငါးတွေကို ပင်လယ်ထဲပြန်လွှတ်ခဲ့ကြတယ်။
လှဲလျောင်းနေတယ်။
အကြောတွေကိုဆန့်ထုတ်တယ်။
ခါးကုို မြှင့်တင်တယ်။
အမြီးကုို လက်သီးလက်မောင်းလိုတန်းတယ်။
ခုန်ကြွပြေးလွှားတယ်။

လေထဲက ရနံ့တွေကိုသိတယ်။
မမြင်ရတဲ့အသံတွေကိုကြားတယ်။
မပြောဖြစ်တဲ့ စကားတွေကိုနားလည်တယ်။
တိမ်တွေကိုမော့ကြည့်တော့
တိမ်ဟာ လေဖိအားနည်းရပ်ဝန်းထဲကိုပြေးဝင်သွားတယ်။
အကြွေးပြန်မရဘူး၊
သင်ခန်းစာပဲရလိုက်တယ်လို့အဓိပ္ဗာယ်ရတဲ့နားရွက်တစ်ချက်ခတ်လိုက်တယ်။

ရေသောက်နည်းလာတယ်။
ညညအိပ်မပျော်ဖြစ်တယ်။
ကြောင်ဆေးပင်ဟာ ကြောင်ဆေးပင်မဟုတ်မှန်း
သူ့ဟာသူသိလာတယ်။

အပြင်လောကဟာ အန္တရာယ်ရှိတယ်လို့
အပြင်ဘက်က ကြောင်ကပြောတယ်။
အိမ်ထဲမှာနေရင် ၁၄ နှစ်၊ အပြင်မှာနေရင် ၆ နှစ် ဆိုတော့
ပိုလာတဲ့ရှစ်နှစ်ကို ငါတို့ဘာလုပ်ကြမလဲ၊
မှန်ထဲကကြောင်က ပြန်မဖြေဘူး။

လက်သည်းအရှည်တွေဟာ
ပန်းကန်ဆေးရခက်စေတယ်လို့ သူသိလာတယ်။
လက်သည်းအရှည်ထားရတာ
မိန်းမနောက်တစ်ယောက်ယူလုိုက်ရသလုိုပဲလို့ သဘောပေါက်သွားသလိုလိုနဲ့
ညောင် ဝေါင်ဝေါင်လုပ်နေတယ်။
သူ့အမြီးကို ပြန်ဖမ်းခဲ့တဲ့ အရွယ်ကို လွန်မြောက်ခဲ့ပါပြီလို့၊
သူ့အဖေဆီ ပို့(စ်)ကဒ်ပို့တယ်။

အရှေ့အရပ်ကကြောင်တစ်ကောင်က
နောင်တတွေလှည်းခုနစ်စီးစာရနေတယ်ပြောတယ်။
မနက်တီးနေကျ ကြေးစည်သံမှာ
သူ့အတွက်လည်းပါတယ်။
ကြေးစည်သံရဲ့အဆုံးနားမှာ
ပျောက်ကွယ်သွားခါနီး
သာယာမှုလေးတစ်ခုရှိတယ်၊
လည်ပတ်ထားခဲ့သမျှ ပြန်ပြေသွားတာပဲ၊
ထိခတ်မှုဟာ ဂီတပဲ၊
ဖဿ ပစ္စယာ ဝေဒနာပဲ၊
အညောင်းဆန့်ရင်း အပျင်းထူနေလိုက်တယ်။

စိတ်ရှုပ်လာတော့
မျက်စိတွေကို ပိတ်ထားလိုက်တယ်။
ကိုယ့်ကိုယ်ကို ပြန်ဖက်ထားသလို
လုံလုံနွေးနွေး ဝပ်နေလိုက်တယ်။
ဒါ ငါ့အလုပ်မဟုတ်ဘူးဆိုပြီး
နေလည်တစ်ခင်းလုံး အိပ်ပစ်လိုက်တယ်။
ညဘက်မှာလည်း အထွေအထူးလုပ်စရာမရှိပါဘူး။
အစာဟာ
သခင် မသေမချင်း ရောက်ရောက်လာတယ်။

ညည
မှန်တွေကို ကုတ်ခြစ်တယ်။
ကမ္ဘာပတ်လမ်းထဲကြွေကျနေတဲ့ ကြွက်တွေရှိမှန်း သိနေတယ်။
စိတ်ရူးပေါက်နေတဲ့သူ့သခင်က
youtube ထဲက အမျိုးသမီးဆီသွားပြီး၊
ကြောင်မွှေးအိတ်လုပ်ဖို့
သူ့ဆံပင်တွေမညှပ်သေးသ၍
ဒီအိမ်မှာနေဦးမယ်စိတ်ကူးတယ်။

လူတွေနဲ့နေရတာခက်တယ်။
ဘာသာစကားအခက်အခဲရှိတယ်။
နေပူထဲမှာထိုင်နေတာဟာ
ဘာအတွက်လဲလို့မေးတယ်။
ဘာအတွက် ဘာအတွက်လို့မေးတာလဲလို့ ပြန်မေးလိုက်တယ်။
သူ နားမလည်ဘူး။

နွေရာသီရဲ့
ရှည်လျားတဲ့အရိပ်တွေထဲမှာ
မြက်ခင်းထဲဆင်းထိုင်နေလိုက်တယ်။
လိပ်ပြာဟာ
ထိကရုဏ်းပင်ပေါ်နားဖို့ကြိုးစားတယ်။
ထိကရုဏ်းပန်းလေးဟာ
ပေါက်ကွဲထွက်လာတဲ့ စကြဝဠာသစ်တစ်ခုလုိုပဲ။

ညည
ယောဂီစင်္ကြံမှတ်နေသလို
အိမ်ထဲမှာ ပတ်လျှောက်နေတယ်။
ကြောင်အမေကြီးဆုံးသွားပြီဆိုတဲ့ ကြေးနန်း
ခုနစ်နှစ်ကြာတော့ရောက်လာတယ်။
စံပယ်ရနံ့တွေသင်းပျံ့နေတဲ့ အခန်းထဲမှာ
ရနံ့ဟာ တစ်ချက်ရပ်သွားတယ်။
staccato တစ်ချက်ဝင်လာတယ်။
ပြီးတော့ .. ရပ်ထားတဲ့အသက်ကို ဆက်ရှူတယ်။

နောက်တစ်နေ့ ....၊
ကြောင် ပျောက်သွားတယ်။                     ။

Zephyr

(It had been 7 years, mother. RIP.)

မိသူ။

မိသူ။

ကြယ်ကြွေငေးနေရင်း၊
ကြယ်ဖြစ်သွားတဲ့ညမျိုး ....၊
အိမ်မက်ထဲက လန့်နိုးလာပြီး၊
ရောက်နေတဲ့ဘဝထဲက ပြန်ထွက်မရတော့တဲ့အဖြစ်မျိုး၊
တံခါးတွေပွင့်နေပြီး၊
အပွင့်ထဲပိတ်မိနေတဲ့ ခံစားချက်မျိုး၊
မျက်ရည်အပြည့်ရှိပြီး
ငိုစရာအဖြစ်မရှိတော့တာမျိုး၊
ကိုယ့်စိတ်ကို ကိုယ့်စိတ်ထဲ
ခွေခေါက်ပိတ်သိမ်းလိုက်တဲ့ သော့ခလောက်လိုမျိုး၊
ဖဿပစ္စယာ မပါဘဲ ဝေဒနာဖြစ်နေတာမျိုး၊
ရောက်လာတဲ့နေရောင်ခြည် ပြန်ထွက်သွားတာကို နှမြောနေမိသလိုမျိုး၊

မွေးနေ့ရှင်မရှိတဲ့ မွေးနေ့ထဲ
ခါးခါးသီးသီး ပိတ်မိနေခဲ့တယ်။ ။

Zephyr
(Happy Birthday, Mother)

ရုိုးရိုးပိတောက်

ရုိုးရိုးပိတောက်

ပိုင်ဆိုင်မှုတစ်စုံတစ်ရာမရှိတဲ့ ကောင်လေးတစ်ယောက်အတွက် ....
အစောဆုံးပွင့်တဲ့ ပိတောက်ထက်ပိုပြီး ဘာကိုပေးနိုင်မှာလဲ ....
နူးညံ့ပွင့်ဖတ်ထဲမှာ
ချစ်ခြင်းအဝါဟာ
ရွှေလိုသိပ်သည်းပြီး
သိမ်မွေ့လွန်းနေခဲ့တယ်။

အလှဆုံးခူးထားတဲ့ ပိတောက်ပန်းဟာ
သူ့ရင်ခွင်ဆီကုို ဘယ်နှမိနစ်အတွင်းရောက်သွားမှာလဲ၊
စီးစရာယာဉ်ဆုိုလုို့
ခြေထောက်နှစ်ချောင်းသာရှိတဲ့ကောင်လေး ...
ပြေး .... ပြေးရုံပေါ့ ......။

မနက်ခင်းဟာ လင်းသလား၊
ချစ်သူ့မျက်နှာဟာ ဝင်းသလား၊
အိမ်မက်ဖိနပ်အသစ်ကြီးစီးထားတဲ့ ဆင်းရဲသားလေး၊
ပိတောက်ပန်းပုိုက်ပြေးနေပုံက
ဘုရင်ဆန်လွန်းနေခဲ့တယ်။

တိမ်အပြာတွေ ဖျော့မသွားပါဘူး၊
အရုဏ်ကြိုငှက်ကျေးတွေ လူပျော်လေးကို ရပ်ငေးနေခဲ့တယ် ....။
ချစ်ခြင်းဟာ လူငယ်လေးရင်ဘတ်ထဲက တုတ်ထောက်ခုန်သမား ....၊
မျှော်လင့်ခြင်းအမြင့်ကို
နှလုံးသားရုန်းအားနဲ့ ခုန်ကျော်ပြမတဲ့။

တစ်ချို့အိမ်ရဲ့ ခြံဝင်းတံခါးဟာ
လူတုိုင်းဝင်ဖုို့မဟုတ်ဘူးတဲ့၊
အထူးသဖြင့်
ပိတောက်ပန်းနဲ့ချစ်ခြင်းကလွဲပြီး၊
အရာရာချွတ်ခြုံကျနေတဲ့ ကောင်ငယ်လေး ...ဝင်ခွင့်မသာတော့
တံခါးရှေ့ရပ်ငေး ...
ဆွေး ... ဆွေးရုံပေါ့ ........။              ။

Zephyr

မဟာသင်္ကြန်တက္ကနို

မဟာသင်္ကြန်တက္ကနို

ထိုထိုနှစ်များကုန်လွန်သွားသည်ကို
မဏ္ဍပ်ပေါ်မှ ငုံ့ကြည့်ရင်း ...
ပိတောက်တွေ
ဘယ်လိုအင်အားနဲ့ပွင့်ထွက်လာတာလဲ၊
ဝီစကီလုံမေလေးများ ဘယ်လိုသောကရှိနေသလဲ၊
မဏ္ဍပ်ပေါ်မှ တွေးနေရင်း
ရေမကျတဲ့ပိုက်နဲ့၊
သိကြားမင်းမကြိုက်တဲ့ ဘီယာနဲ့၊
ရေတွက်ရမှာပျင်းစရာကောင်းတဲ့
ငါးထောင်တန်ထုပ်တွေနဲ့၊
wy စာတန်းပါ ပျော်စရာဆေးပြားများနဲ့၊
ကလေးများပျော်ရွှင်ရုံ ecstasy ကဒ်များနဲ့၊
ဆူညံတဲ့ မြန်မာပြည်လုပ် တက္ကနိုဂီတနဲ့၊
ငါရွေ့ပြီး တိမ်တွေ ရပ်နေတာ သိပ်မကြာသေးသလိုပဲ။

မူးယစ်ဆေးမပါဘဲ၊
ငါတို့တွေ ဘယ်လောက် ပျော်နိုင်ခဲ့သလဲ။
ရေတွေမပါဘဲ
ငါတို့တွေ ဘယ်လောက်အေးခဲ့ပါသလဲ။
ဒါကိုသိဖို့ ....
ကားကိုနောက်ပြန်မောင်းပြီး
လမ်းကျဉ်းထဲ drift ဆွဲကွေ့လိုက်ရာက
သံသရာဟာ
တာယာတွေနဲ့အတူပါးလျသွားခဲ့တာ။

ရေစိုခံအိတ်ထဲက
ဖုန်းတစ်လုံးရဲ့ဘဝလို
အန္တရာယ်ရနံ့ကို ရနေတာမျိုးလား၊
ဖြတ်ခနဲဆွဲထုတ်လိုက်တဲ့
baseball bat ဟာ
လူငယ်ဘဝရဲ့
အနုပညာသက်သက်ပါပဲ။

အလှပြကား၊
ကိုယ်ဝန်ဆောင်နဲ့၊
သာသနာ့ဘောင်ကလူတွေကလွဲရင်
သင်္ကြန်က
အားလုံးကို ဖျန်းပက်ခဲ့တာပါပဲ။
ရေနဲ့ဖြစ်စေ၊
သွေးနဲ့ဖြစ်စေ၊
ဖျန်းပက်ခဲ့တာပါပဲ။

သင်္ကြန်မိုးကားဟာ
ထုံးစံအတိုင်း ကြေကွဲစရာကောင်းနေပြီး၊
ကောင်းကင်ဟာ
အပြစ်မဲ့တန်ခူးလအပြာရောင်နဲ့
ကြည်လင်တောက်ပနေခဲ့တယ်။

တိတိကျကျ
ချစ်မိခဲ့တဲ့ ...
အမိုးဖွင့် Jeep ကားတစ်စီးဟာ
သင်္ကြန်ရဲ့
ချုပ်ရိုးကြောင်းလို
ပြေးလွှားနေဆဲ၊

ရုိုသေစွာလွမ်းဆွတ်လိုက်တဲ့
ပိတောက်ပန်းရဲ့အဝါ ....
ရင်ဘတ်ထဲမှာပွင့်လို့ ....
ရင်ကျိုးခဲ့ရတာလား။
အိမ်မက်မှန်းသေချာအောင်
ပြန်နိုးထဖို့ကြိုးစားရင်း ...
တစ်ခုသော သင်္ကြန်ကနေ ထွက်မရတဲ့
Jeep တစ်စင်း ....၊
ခင်ဗျားတို့ရှာတွေ့ချိန်မှာ ....
မီးလောင်ပြီးရောပေါ့ .....။              ။

With Peace,
Zephyr

အနက်ရောင်များကို ခုခံခြင်း

အနက်ရောင်များကို ခုခံခြင်း

မလွယ်ကူတာတွေဖြစ်လာတော့
မလွယ်ဘူးပေါ့၊
မလွယ်ပေမယ့်လည်း
မခက်အောင် နေမယ်။

မခက်အောင်နေဖို့
လွယ်လွယ်ပဲပြောတယ်။
မလွယ်တာတွေ ဖြစ်နေပေမယ့်၊
မခက်အောင် နေကြ။

ဆရာဝန်ကပြောမယ်၊
စိတ်မကောင်းစရာတွေ၊
မလွယ်ပေမယ့်၊
မခက်အောင် နေလိုက်တော့ အပူကင်းတာပေါ့။

ရွေးချယ်စရာမရှိတာကို
ဘာကိုဆွေးနေမလဲ၊
မခက်အောင် နေလိုက်ရုံပေါ့။

ခေါင်းကိုဆင်နင်းသည်ဖြစ်စေ၊
ဒဏ်ရာများ နက်ရှိုင်းသည်ဖြစ်စေ၊
ကြေကွဲစရာများ အုံဖွဲ့သည်ဖြစ်စေ၊
မခက်အောင်နေကြဖို့ပါပဲ။

မလွယ်တာတွေ ဖြစ်လာပေမယ့်၊
မခက်အောင်နေဖို့ သတိထားပါတယ်။

တိုတောင်းလွန်းတဲ့ ရှင်သန်ချိန်မှာ
ကျနော်တို့ဟာ
မခက်အောင် နေထိုင်သူများပါပဲ။

မလွယ်တာတွေဖြစ်လာရင်
ဒီကဗျာကို နာနာဖတ်ပါ။            ။

Regards
Zephyr

နာကျင်စရာ အတွေ့အကြုံတွေကသာ လူကို ရင့်ကျက်ပြည့်စုံစေတာပဲ။ လူဟာ အခက်အခဲကြုံရတာ ထုံးစံပါပဲ။ ဒီအခက်အခဲကို ဘယ်လို တုန့်ပြန်သလဲဆိုတာက လူတစ်ယောက်စီရဲ့ လွတ်လပ်မှုနဲ့အသိဥာဏ်တိုးတက်မှုဖြစ်စဉ်ကို ပြဌာန်းတာ။ လောကကြီးမှာ (ကိုယ့်ကိုယ်ကိုယ်) ဒီလူကြီး မတုန်မလှုပ်နေသွားတယ်ဆိုတာကိုတွေးကြည့်လိုက်ရင် အရသာရှိတာပါပဲ။ ကိုယ့်ကိုယ်ကို လေးစားနိုင်ဖို့ မခက်အောင်နေတတ်ဖို့ လိုမယ်လို့ ကျွန်တော်ထင်မိတယ်။

ဘူတာရုံ ၃၃

လမ်းကျဉ်းလေးထဲကထွက်ပြီး၊
လမ်းမကျယ်ကြီးမတွေ့ခဲ့။

တောင်ထိပ်ပေါ်တက်ပြီး၊
တိမ်တိုက်တွေ မတွေ့ခဲ့၊

ဟိုဟိုဒီဒီ ငေး၊
ဟိုဟိုဒီဒီ သွားရင်း၊
ဟိုဟိုဒီဒီ လွဲချော်နေမြဲ။

ဗျပ်စောင်းလေး လမ်းမှာချပြီး၊
ကြိုးညှိပြန်တော့
သုံးရာသီတေးတွေ၊
ခေါ်သံတွေ၊
ဆာလောင်မှုတွေ၊
လှမ်းခေါ်လို့ မကြားမယ့်အရပ်က
မြူခိုးတွေ၊
ရေမရှိဘဲ
ရေတိမ်နစ်နေတဲ့ ဂီတနဲ့၊
ထမင်းမဝတဲ့ အကြည့်တွေ။

ပြဿနာတွေ မရှိတော့တာမဟုတ်ဘဲ၊
ပြဿနာတွေ ရှိနေတာ သိတဲ့စိတ် မရှိတော့သလိုမျိုးပေါ့။

အရာရာကို
ကြယ်လိုငေးနေရုံနဲ့
ပြည့်စုံသွားစေခဲ့တယ်။

မိသားစု ထမင်းပွဲကလေးကနေ
မိသားစု ထွက်ခွာသွားတဲ့နောက်
ထမင်းပွဲချည်းသက်သက် ကျန်ခဲ့သလို
နေသားကျမှုမျိုးပါပဲ။

ပြည့်စုံမှုဆိုတာ
မလိုအပ်တဲ့အခါ
ခါးသီးစရာ လွဲချော်မှုတစ်ခု။

သိပ်အေးတဲ့ တောင်တန်းပေါ်က
ဖွင့်ဖို့မလိုတော့တဲ့
လေအေးပေးစက်လေးတစ်ခုလို
ချစ်ခြင်းဟာ
အကောင်းအတိုင်း
စက်သေနေခဲ့တာပေါ့။

ကော်ဖီခွက်ဟာ
ကော်ဖီမပါလည်း
ကော်ဖီခွက်တော့ ကော်ဖီခွက်ပေါ့။
သောက်လို့မရတာကလွဲရင်
ဘဝဟာ
ကော်ဖီခွက်ပေါ့။    ။

ဦးဇက်ဖှာ။
ခေတ္တ ၃၃

ချစ်ခြင်းတရား

ချစ်ခြင်းတရား။

စကားလုံးတွေက
အပေါ်ယံကိစ္စတွေကိုပဲ ဖော်ပြနိုင်တယ်။
စိတ်ရဲ့ အနက်အရှိုင်းက
အပြာရောင်မီးတောက်လေးရဲ့
အေးမြလောင်ကျွမ်းမှုကို
ဘယ်လိုဖွဲ့မလဲ။

စကားလုံးတွက
စကားလုံးတွေပါပဲ။
တစ်ချို့စကားလုံးတွေအတွက်၊
ဘဝကုို၊
တစ်ချို့စကားလုံးတွေအတွက်
အသက်ကို
စွန့်ခဲ့ကြပေမယ့်၊
စကားလုံးတွေဟာ
စကားလုံးတွေပါပဲ။

ပညတ်ကနေ
ပရမတ်ကိုသွားတဲ့
ရထားကြီးပေါ်ကနေ
ချစ်ခြင်းတရားကို
ပရမတ်တည့်ဖို့
ထိုင်တွေးနေတဲ့ ခရီးသွားရဲ့
အတွေးမီးခိုးမျှင်တွေကို
ဘယ်လိုချည်မျှင်နဲ့ ရက်လုပ်ကြမလဲ။

လွမ်းဆွတ်ခြင်းဟာ
ဂီတတွေနဲ့ဆုပ်ကိုင်လို့မမိတဲ့အခိုးအငွေ့တွေ၊
တိမ်ထဲမှာ ပေါ်လာတဲ့
သူ့ရဲ့မျက်တောင်လေးတစ်ချောင်းကို
ခင်ဗျား ဘယ်လိုဖွဲ့မလဲ၊
ကျွန်တော် ဘယ်လိုဖွဲ့မလဲ၊

ဓာတုဗေဒပြောင်းလဲမှုတွေရဲ့နောက်ကွယ်မှာ၊
နှလုံးသားအပြည့်လောင်ကျွမ်းနေတဲ့
အပြာရောင်မီးတောက်လေးရဲ့
အေးမြမှုကို
စိတ်နဲ့ပဲတွေးကြည့်ရမှာပဲ။

ဟိုးရှေးရှေးတုန်းက
ကျောင်းသွားဖော်လေး၊
ဟုိုးရှေးရှေးတုန်းက
ဘယ်ဖက်လက်ထဲဖွက်ထားမိတဲ့
လက်ဖဝါးလေးတစ်ခုရဲ့
အရေးအကြောင်းတွေဟာ
သမုိုင်းတစ်ခု ဆိုကြပါစို့။

နူးညံ့လွန်းတဲ့အချစ်ဟာ
နဂုိုနေ အလှရှိတာပါပဲ။
ချစ်ခြင်းတရားဟာ
လူ့ဘဝမှာ
တွေ့ခွင့်မြင်ခွင့်ရတဲ့
အမြင့်မြတ်ဆုံး တရားတစ်ခုပဲ။

အိမ်မက်တစ်ခုရဲ့
တည်ရှိချိန်ဟာ
တဒင်္ဂပေမယ့်၊
အိမ်မက်ထဲမှာတော့
အဖြစ်အပျက်တွေ သိပ်များခဲ့တာပါပဲ။

ငယ်ရွယ်မှု၊
အောင်မြင်မှု၊
ချစ်သူနဲ့
ကြွယ်ဝမှု
ဒီလေးခုဟာ ဘယ်တော့မှ တစ်ပြိုင်နက် ဖြစ်မလာဘူး။

ဘယ်လောက်ပဲ
စနစ်တကျသိမ်းထား၊သိမ်းထား၊
ဒဏ်ရာဟောင်းကတော့
ကောင်းမလာနိုင်ဘူး။

တစ်ချိန်ချိန်မှာ
ဒုက္ခပေးဖုို့
စနစ်တကျ
စိတ်ရှည်ရှည်နဲ့
ထုိုင်စောင့်နေတတ်တဲ့
အူအတက်ရယ်၊
ကံကြမ္မာရယ်၊
Sniper သမားရယ် မရှိတဲ့ ကမ္ဘာဟာ
ဒီထက်တော့ နည်းနည်း ပိုပျော်ဖုို့ ကောင်းလိမ့်မယ်။

ဘာတစ်ခုမှ
နာကျင်မနေတော့အောင်
ထုံသွားခဲ့တဲ့
စိတ်ခံစားချက်တွေဟာ
အရောင်တွေ ဖြစ်လာတာပဲ။

တောင်ဆိတ်အတွက်
 ၈၀ ဒီဂရီမတ်နေတဲ့ တောင်တန်းဟာ
မြေပြန့်ပဲ။
အရောင်တွေဟာ
ပရမတ်တရားဆီ ပြေးဝင်နေတယ်။

ပိရမစ်တွေကို လူတွေမအံ့သြပါဘူး။
လူတွေအံ့သြတာက
အရွယ်အစားပါ။
လူ့စိတ်ဟာ
ခန္ဓာအတွင်းမှာ သေးခဲ့သလောက်
စကြဝဠာအဖြစ် ပြန့်ထွက်လာတော့
အံ့သြကြရတာပါပဲ။

စိတ်ဟာ
စွမ်းအင်တစ်မျိုးပဲ၊
ခန္ဓာထက်ကြီးတဲ့ စိတ်ဟာ
ပုိုမြင့်မားတဲ့ ဘက်ကို ပြေးထွက်ဖုို့
ခန္ဓာကုို စွန့်ထားခဲ့တယ်။

ဒါဟာ
အလွမ်းဇာတ်တစ်ခုပါပဲ။
ပြေးထွက်မှုကုို လွမ်းကြတာမဟုတ်ပါဘူး။
ကျန်နေခဲ့ရတဲ့
သေဆုံးခန္ဓာရဲ့ အမှတ်အသားအရ
လွမ်းဆွတ်ကြရတာ။

တေးသံတွေဟာ
တိတ်ဆိတ်မှုရဲ့စပေ့စ်ကို
အလှဆုံးဖော်ပြနေတာ။
ချစ်ခြင်းတရားဟာ
ရှင်သန်မှုရဲ့စပေ့စ်ကို ဖော်ပြနေတာ။

စွမ်းအင်ဟာ ပြိုကွဲမှုမရှိဘူးဆိုရင်
ချစ်ခြင်းဟာ ပြောင်းလဲသွားတဲ့ စွမ်းအင်တစ်ခုပါပဲ။
ဒီစွမ်းအင်နဲ့
စကြဝဠာအသစ်တစ်ခုကို
ဖွင့်ယူကြတယ်။
ပန်းပွင့်တစ်ပွင့်ကို
ဖွင့်ယူကြတယ်။
ပန်းရနံ့ဟာ
လွမ်းဆွတ်စိတ်ရဲ့
ပြောင်းလဲစွမ်းအင်။

စကြဝဠာဟာ
စိတ်ဒဏ်ရာရှိသလောက်
ပြန့်ကားထွက်နေတယ်။

ချစ်ခြင်းတရားဟာ
ကြယ်တွေကို
လောင်ကျွမ်းသွားစေတဲ့ ကျိန်စာဆန်တဲ့
စွမ်းအင်များပါပဲ။

တခါတလေ
လွမ်းဆွတ်နေတာမဟုတ်ဘူး။
စကြဝဠာထဲ
တွင်းနက်အသစ်ပေါ်နေတာ။        ။


Zephyr
==============================

ကြည့်မိတဲ့ရုပ်ရှင်များ - theory of everything

အရာအားလုံးအတွက် သီအိုရီ

သိပ်မြင့်မားတဲ့ ရည်မှန်းချက်တွေနဲ့
ရူပဗေဒကျောင်းသားလေးတစ်ယောက်ရဲ့ဘဝ။

ချစ်သူကုိုတွေ့ရှိတယ်။
အချိန်ရဲ့ ကနဦးကို ရှာဖွေတယ်။
မဟာပေါက်ကွဲမှုကြီး မတုိုင်ခင်က
တွင်းနက်ကြီးထဲပိတ်မိသွားတဲ့
အလင်းအကြောင်းကို သူတွေးတယ်။

ချစ်တဲ့သူအကြောင်းကိုတွေးတယ်။
မျှော်လင့်ချက် တလှေကြီးနဲ့
စကြဝဠာကြီးကို တွေးခေါ်နေတယ်။

ထင်မှတ်မထားတဲ့ထောင့်ချိုးကနေ
မော်တာနျူရုန်းရောဂါက ရောက်လာတယ်။

ဦးနှောက်ကလွဲရင်
ကြွက်သားတွေ သေကုန်မတဲ့။
ခန့်မှန်းခြေ နေထိုင်ခွင့် ၂ နှစ်တဲ့။
မျှော်လင့်ချက် အကြီးကြီးနဲ့  ပီအိတ်ခ်ျဒီ ကျောင်းသားတစ်ယောက်
နာကျင်နေတယ်။

ချစ်သူနဲ့ခွဲရမယ်ဆိုတဲ့အသိဟာ
ခေတ်အဆက်ဆက် နာကျင်စရာ အကောင်းဆုံး အတွေးတစ်ခုမဟုတ်လား။

ရဲရင့်တဲ့ ချစ်သူက
နှစ်နှစ်တာ ရှင်သန်ခွင့်ထဲမှာ
လိုအပ်ချက်တုိုင်းကို အချစ်နဲ့ဖြည့်မယ်ဆိုပြီး လက်ထပ်လိုက်တယ်။

တဖြည်းဖြည်း ယိုယွင်းလာတဲ့ ကြွက်သားတွေနဲ့ပဲ
ရူပဗေဒရဲ့ ဥသျှောင် ဖြစ်လာတယ်။
ယိုယွင်းလာတဲ့ ကြွက်သားတွေနဲ့ပဲ
ကလေးသုံးယောက်အဖေဖြစ်လာတယ်။

နှစ်နှစ်အတွက် ပေးဆပ်နိုင်ပေမယ့်
နှစ်တွေကြာလာတော့
ဇနီးသည်က အပြောင်းအလဲလိုချင်လာတယ်။
အချစ်ဟာ
မေတ္တာတရားလုို
ရေရှည်မခံဘူးပဲ။

အချိန်ဟာ
လောကကြီးကို သိပ်ခြယ်လှယ်တာပဲ။
ချစ်တဲ့သူတွေ လမ်းခွဲကြ၊
ချစ်တဲ့သူတွေ ပေါင်းဆုံကြ၊
ချစ်တဲ့သူတွေ ဝေးကွာသွားကြ၊
တစ်ချို့တွေ တွင်းနက်ထဲကျ။

အချိန်ဟာ စကြဝဠာရဲ့ တစ်နေရာမှာ စတင်ခဲ့၊
ဖွံ့ဖြိုးတိုးတက်လာခဲ့။

နာကျင်စရာတွေကို
မေ့သွားဖုို့လည်း အချိန်လိုအပ်တာပဲ၊
အချိန်ရဲ့ သမိုင်းအကျဉ်းစာအုပ်ကို
လှုပ်နိုင်တဲ့ လက်ချောင်းလေးနဲ့ ရေးသားသွားခဲ့တယ်။

သူ အခုအထိ ရှင်သန်နေတုန်းပဲ။
အခုအထိ အလုပ်လုပ်နေတုန်း၊
ခုနစ်ဆယ်ကျော်ပြီ .....
သူ့ရဲ့ အကြောင်းကို သူပြန်ကြည့်ရင်း
တစ်ချို့နေရာတွေမှာ
သူ့ကိုယ်သူ ပြန်မြင်နေရသလိုပဲပြောတယ်။

သူ့ရဲ့စကားပြောစက်ကို
ရုပ်ရှင်ရုိုက်တဲ့သူတွေကို
ပေးသုံးလုိုက်သေးတယ်။

အခုတော့
မြေးကလေးတွေရဲ့ အဖိုးဖြစ်နေပြီ။
လောကကြီးကို
ဘီးတပ်ကုလားထုိုင်ပေါ်မှာထုိုင်ရင်း
ခြယ်လှယ်သွားနုိုင်တဲ့
ပါရမီရှင်ကြီးတစ်ယောက်ရဲ့ ဘဝဟာ
တွေးချင်စရာ၊
ငေးချင်စရာ။

သူသည်
အချစ်ကိုတွေ့ရှိခဲ့ပြီး၊
အချစ်ကုိုယ်တုိုင်ဟာ
အချိန်ရဲ့ ခြယ်လှယ်မှုမှာ
ကျဆုံးသွားတာကို
ကုိုယ်တုိုင်ကြုံခဲ့သူတစ်ဦးပါပဲ။

စကြဝဠာထဲမှာ
ရှင်သန်နေရတာကိုက အလွမ်းဇာတ်ပါပဲ။        ။

With Peace,
Zephyr

ကြည့်မိတဲ့ရုပ်ရှင်များ - Night Crawler

သူခိုးတစ်ယောက်
သတင်းထောက်အလုပ် ဝါသနာပါသွားတော့
စက်ဘီးခိုးရောင်းပြီး ကင်မရာ တစ်လုံးဝယ်လိုက်တယ်။

အောင်မြင်ဖို့ဘာမဆို လုပ်မယ်ဆိုတဲ့ စိတ်ကူးဟာ
ကြောက်စရာ။

အနိဌာရုံကိုမှ
သတင်းထင်တဲ့ကမ္ဘာကြီးမှာ ....
လူဟာ သတင်းကို ဆာလောင်လာကြတယ်။
အဝေးက လှမ်းမြင်ရတဲ့
ကြောက်စရာကမ္ဘာကြီးမှာ
အန္တရာယ်ကင်းနေတဲ့ ခံစားချက်ကို
ကြိုက်လာကြတာပဲ။

အောင်မြင်လာတဲ့
ညသတင်းထောက်ဟာ
ပါးနပ်သထက် ပါးနပ်လာတယ်။

သူ့ကိုယ်သူ မြှင့်တင်တယ်။
တခြားသူတွေကို နင်းတက်တယ်။
အခွင့်အရေးသမားဖြစ်လာတယ်။

စွန့်စားပြီး ရိုက်ကူးတယ်။
ကင်မရာနှစ်လုံးနဲ့ ရိုက်ကူးတယ်။
အခင်းဖြစ်ပွားရာကို
ရဲတွေထက် အရင်ရောက်အောင်သွားတယ်။

သတင်းအတွက်
ဘာမဆို လုပ်မယ် ဖြစ်လာတယ်။

နောက်ဆုံး
လွတ်နေတဲ့ လူသတ်သမားတွေကို
လိုက်ရှာပြီး
ဖြစ်ရပ်မှန်သတင်းတစ်ပုဒ်လုပ်ဖို့
အကွက်ကျကျ စီစဉ်တယ်။

လစာတိုးတောင်းတဲ့
လက်တိုလက်တောင်း ကောင်လေးကို
သူ့ သတင်းတစ်ပုဒ်အတွက် စတေးပစ်လိုက်တယ်။

တကယ့်ကိုကြောက်စရာ
လူ့သဘာဝကြီး။

၂၀၁၄ မှာ တုန်လှုပ်သွားစေတဲ့
ရှားရှားပါးပါး ဇာတ်ကားလေးတစ်ကား ဖြစ်သလို၊
အလွန်နာကျင်စရာကောင်းတဲ့၊
လူသားတစ်ယောက်ရဲ့  အသိဥာဏ်ကို အလွဲသုံးစားလုပ်မှု တစ်ခုပါပဲ။
တုန်လှုပ်သွားမိပါတယ်။          ။


With Peace,
Zephyr

၂၀၁၄ ရဲ့ မကြည့်မဖြစ်ဇာတ်ကားထဲကို ထည့်လုိုက်ပါတယ်။