ကုမ်တွေထွက်သွားပြီဆိုရင် တကယ်ထွက်သွားပြီမှတ်ပါ။

ကုမ်တွေထွက်သွားပြီဆိုရင် တကယ်ထွက်သွားပြီမှတ်ပါ။

လမ်းတွေဟာ ခြေရာတွေကို သိမ်းထားနိုင်သလောက်သိမ်းထားဖို့အသုံးဝင်ခဲ့ကောင်းပါရဲ့ .......

ဒီအတွေးဟာ မဆုံးလိုက်ဘူး။

ဆုံးသွားဖို့ မလိုသောအတွေးများပေါ့။

စုသိမ်းလိုက်တဲ့

စာအုပ်တွေဟာ အဖြေပဲ။

ပြန်ပေးလိုက်တဲ့ လက်စွပ်ဟာ အဖြေပဲ။

အသုံးမလိုတဲ့အချစ်ကို

ပြန်လိပ်လိုက်တာ

မှားတယ်ဆိုလည်း မှားတယ်မှတ်။

ငါ ဘယ်သူပါလိမ့် ...၊

boomerang မပစ်တတ်တဲ့ aborigineလား။

ဥပေက္ခာကို ခပ်ဝေးဝေးက ကြားနိုင်သူလား ...

မြားတွေချွန်ရင်း

စစ်ပွဲပြီးသွားတဲ့ လေးသမားလား

လေချွန်သံနဲ့ယဉ်ပါးတဲ့ သိမ်းငှက်တစ်ကောင်လား၊

လိုအပ်လို့ ခေါ်လိုက်တိုင်း

ထထပြေးသွားတတ်တဲ့ တယ်ရီယာတစ်မျိုးလား၊

မသိနိုင်ဘူး။

ဘာမှမရခဲ့တာကို

ဘယ်လိုပြန်ဆပ်ရမလဲ၊

တစ်ခါတစ်ခါ စဉ်းစားမရဘူး။

ရင်နာရတဲ့ဟာသဟာ ပဲ့တင်သံများလွန်းတယ်။

အစစအရာအရာအတွက် ကျေးဇူးပါပဲ။

ပြန်မလာတော့မယ့်သူဟာ

အမှတ်တရတစ်ခုမှမကျန်တဲ့စိတ်နဲ့

သူ့လမ်းသူ လျှောက်ရတာ ပျော်သတဲ့။

Happy Easter...................

ပြီးဆုံးသွားတဲ့တေးသံထဲမှာ ............

ဘာတစ်ခုမှ မကျန်ရစ်တော့တာဟာ ပျော်စရာ တကယ် ကောင်းခဲ့ပါတယ်။               ။

Zephyr

ကမ္ဘာ့ကဗျာနေ့

2013 03 21

ကမ္ဘာ့ကဗျာနေ့။

မဖတ်ဖြစ်တော့တဲ့ ကဗျာစာအုပ်တွေအားလုံးကို
ဆာလာအိတ်ထဲထည့်ပြီးသွားပြီ။

ကဗျာစာအုပ် လက်ဆောင်ပေးခြင်း အထူးသည်းခံပါ။

Zephyr

ဟာသ

ဟာသ

ရယ်စရာဘဝကြီးထဲ
ရယ်နေ
မောနေ
မျက်ရည်စက်များ
တ
  လိမ့်
    လိမ့် ........................။                 ။


Regards,
Z

https://www.youtube.com/watch?v=x1SgFl2v_PU
လောလောဆယ်တော့ ဒီဂျပန်ကီမိုနိုနဲ့တစ်ယောက် Canon တီးတာကို ခိုက်နေမိတယ်။

ပိုက်ဆံ

ပိုက်ဆံ

ဖိုးကျော်ရဲ့ပိုက်ဆံ ...................။

ငွေအကြောင်းသိပ်မပြောပါနဲ့။

ဝမ်းနည်းဖို့ရာကောင်းတယ်။ ....

ငွေအကြောင်းပြောဖို့လိုနေသေးလား တွေးရုံနဲ့ ............။

လောလောဆယ် ဒီသီချင်းဟာလည်း ကဗျာတစ်ပုဒ်လိုလိုပဲ။

http://www.youtube.com/watch?v=KLgJqd00Ack

ကျနော်စောင့်ဖမ်းနေတဲ့ လရောင်ဟာ သန်းခေါင်ယံ အနောက်နားမှာ

ကျနော်စောင့်ဖမ်းနေတဲ့ လရောင်ဟာ သန်းခေါင်ယံ အနောက်နားမှာ 

ဝပ်ပုန်းနေလိုက်တယ်၊ တရွှီးရွှီးဖြတ်သန်းသွားတဲ့ ကျည်ဆံတွေ၊ ခမောက်ပေါ်ကနေကျော်တက်၊ တစ်ချို့လည်းပွတ်ကာသီကာလေး၊ ဝပ်ကျင်းထဲမှာ အချိုရည်ကိုငှဲ့တယ်၊ ကျေးဇူးတော်ကို မချီးမွမ်းဘူး၊ သောက်ချပစ်လိုက်တယ်၊ အဲဒီလို နံနက်ခင်းထဲမှာ နေထိုင်တယ်။ ထွက်မပြေးဘူး၊ တစ်နေရာထဲမှာ ခုခံတယ်။ ရန်သူက ကိုယ့်စိတ်၊ နလံမထူနိုင်သော ဒဏ်ရာတွေနဲ့၊ ကိုယ့်ကိုယ်ကိုသနားဖို့ ဖဲတစ်ချပ်လိုသွားတာမျိုး။ မနက်ဖြန်အတွက်လည်း သိုးနေတဲ့ ပေါင်မုန့်တစ်လုံးတော့ အမှိုက်ပုံးထဲကနေ ရနိုင်သေးတယ်။ လူသားဂုဏ်သိက္ခာနဲ့ ထွန်းညှိထားတဲ့ ဆီမီးရောင်မှိန်မှိန်၊ ကြယ်ရောင်ဖျဖျ၊ အနန္တစကြဝဠာမှ မမှိုင်းမနိုင်သော တန်ခိုးရှင်ကြီးများ၊ တန်ခိုးရှင်လေးများ၊ တန်ခိုးအာနုဘော် လုံလောက်ဟန်မတူသေးသော ပုဂ္ဂိုလ်ထူးပေါက်စလေးများ၊ ရှိခိုးပူဇော်ခြင်းကို ခံယူတော်မူထသော ကျွန်ုပ်၏ အနာဂတ်အလင်းရောင်၊ ကျွန်ုပ်လဲကျလျှင် ဖေးမထားပေးမည်ဟု ယုံကြည်ယူဆထားသော လက်များ/လေဟာနယ်များ၊ မင်းကျရှုံးတိုင်း အတူရှိမယ်ဆိုခဲ့သော သူငယ်ချင်းများ/မြေနိမ့်ချိုင့်ဝှမ်းများ နေရောင်ခြည်ကအစ သိုးနေပြီ။ ကျွန်တော်တို့နေ့တွေမှာ သိုးနေတဲ့ပေါင်မုန့်ပေါ် သိုးနေတဲ့နေခြည်တန်းကျတာကို ကျေနပ်ထွေးပွေ့နိုင်တဲ့ အမှိုက်ပုံးကို ကြည့်ရင်းပျော်တတ်လာ။ ရှင်သန်နေထိုင်ခြင်း=သေဆုံးလဲကျခြင်း ဖြစ်မှန်းမသိဖြစ်လာ ချစ်သူခင်သူများ=လူစိမ်းများ ဖြစ်မှန်းမသိဖြစ်လာ ကိုယ့်အရိပ်ထဲ ကိုယ်ပြန်ခိုဝင်လောက်အောင် ပျော့ပြောင်းသူတော့မဖြစ်ခဲ့ဘူး။ ဘဝတိုတိုလေးမှာ သံယောဇဉ်တိုတိုလေးနဲ့ ပြဇာတ်တွေတိုတောင်းလာ။ ညနေခင်းကိုရောက်ဖို့ တစ်နေကုန်ဖြတ်သန်းရတာပဲ၊ စက္ကန့်တံတွေ အသံကျယ်ကျယ်ပြုလာတဲ့ ငြီးငွေ့ဖွယ် ဧည့်ခန်းထဲ တစ်ယောက်တည်းဖြတ်သန်းနေသလိုပေါ့၊ ခေါင်းပေါ်က ကျည်ဆံတွေဟာ ပျံနေတဲ့ပျားတွေလား ပျံနေတဲ့မြားတွေလား၊ အိမ်ပြန်သွားတဲ့စိတ်ကို ဘယ်လိုပြန်မျှားယူရမလဲ၊ သေခြင်းတရားနဲ့နီးလာတိုင်း စိတ်တွေဟာ ပိုလွင့်သွားတတ်တာမျိုးလား။ မရှိခြင်းတရားရဲ့ အဂ္ဂဘုံကို ဒီလိုပဲ လှိမ့်ဆင်းသွားလိုက်မှာလား၊ ပန်းပွင့်တွေ၊ တိမ်တိုက်တွေ၊ စစ်ပွဲတွေနဲ့၊ ရန်ငြှိုးတွေ၊ ဒါတွေကို ထားခဲ့ပြီး ဟိုဘက်ကို ကူးလိုက်ရမှာလား၊ အတုအယောင်ချစ်ခြင်းတွေ၊ ဗလာမျက်လုံးတွေ ဒါတွေနဲ့ဝေးရင်ကောင်းတာပဲ။ တေးသံတွေမရှည်စေနဲ့၊ ဓားသွားတွေမလိပ်စေနဲ့၊ ပေါက်ကွဲစေတတ်တာတွေ စနက်တံဖြုတ်ပြီးရင် ဝေးဝေးကိုပစ်၊ လက်ထဲဆုပ်ကိုင်မထားနဲ့၊ နှလုံးသားနဲ့ဆုပ်ကိုင်မထားနဲ့ တွဲကိုဖြုတ်ချလိုက်တော့၊ လှေကို ကြိုးဖြည်လိုက်၊ ရေအိုးကိုလည်းခွဲလိုက်၊ ကျည်ဆံတွေတဖြောဖြော၊ အလဟဿပျံသန်းနေတယ်။ ပစ်မှတ်ရဲ့စစ်မှန်မှုအတွက် သက်သေလား၊ ငြီးငွေ့ခြင်းရဲ့ သင်္ကေတလား မယ်မယ်ရရ မကွဲပြားဘဲ ဝပ်နေရာက ထရပ်လိုက်မိတော့ လရောင်ထဲ အနီရောင်ဆေးတွေ နည်းနည်းရောသွားတယ်၊ မချိုလွင်တဲ့ပုံပြင်တွေဟာ ဘုတ်ခနဲပြန်ပြုတ်ကျသွားတဲ့နောက်မှာ ကျွန်တော့်ကိုယ်ကျွန်တော် ပြန်ရှာမရတော့ပြန်ဘူး။                       ။

Regards,
Zephyr
၁၃ ရက် ၃ လ ၂၀၁၃

ရောင်စဉ်ကန်းငှက်

ရောင်စဉ်ကန်းငှက်

တစ်ချိန်ချိန်မှာ
တစ်ယောက်ယောက်ဟာ
ဒါကို ကြုံရတာပဲ။

ကိုယ့်ဒုက္ခသေးသေးလေးကို
ပိုးမွေးသလိုမွေးထား၊
မိုးသစ်တောထဲ ကြီးပြင်းတဲ့
အတောင်မဲ့ငှက်များ ပျံမရသလို၊
ဦးခေါင်းတယမ်းယမ်းနဲ့
ငှက်ကုလားအုတ်တစ်ကောင်ရဲ့
သိပ်လှတဲ့ မျက်လုံးနဲ့မျက်တောင်
ပျံတက်မသွားနိုင်ဘူး၊
အပြေးဘယ်လောက်မြန်မြန်။

ပင်ဂွင်းတွေပျောက်ဆုံးသွားတဲ့နိဗ္ဗာန်၊
ရတုန်းကလည်း
သိလိုက်ပုံမရဘူး။
အခုတော့
ငါးတောင်းသလို
တောင်ပံလေးတကားကား၊
ချစ်စရာလိုလို၊
သနားစရာလိုလို၊
ရေခဲငွေ့ပေးထားတဲ့ လေထုလေးတစ်ခုကလွဲရင်
အခန်းကျဉ်းလေးတစ်ခု၊
ရေကူးကန်ပါတဲ့
ငရဲဘုံအသေးစားလေးတစ်ခု ရခဲ့ရုံပဲ
အန္တာတိကရဲ့ ရနံ့ချိုလွင်
တစ်စမှမရတာတော့ အသေအချာ။

တစ်နေရာကို
ပျံထွက်သွားဖို့
တစ်ကောင်ကောင်ကို
နှုတ်သီးနဲ့ဆိတ်ဖို့၊
ပိုက်ကွန်မပါတဲ့ကောင်းကင်မှာ
တစုံတရာကိုရှာဖွေချင်တယ်။

ပျားစားငှက်လေးဟာ
အတုပ်မခံရအောင်
ဖမ်းမိတဲ့ ပျားကို
တစ်ခုခုနဲ့အရင် ရိုက်သတ်လိုက်တယ်။
ကျွမ်းကျင်ရာလိမ္မာ၊
ခံစားချက်များ မလိမ္မာ၊
တိတ်ဆိတ်တဲ့စိတ်ထဲ
အမှိုက်ဖွသူများကို
၁။သတိပြု၊
၂။သတိကြီးစွာပြု၊
၃။ အလွန်သတိကြီးစွာ  သတိပြု၊
၎။လွမ်းဆွတ်၊
၅။မကြံစည်တတ်တော့ပါ။
အဖြေမှန် နံပါတ် ၅(ဟုထင်)။

မိုးသည်းထန်စွာရွာပြီး
စိုကျန်ခဲ့တဲ့ဖယောင်းတောင်ပံ
တဖျပ်ဖျပ်ခါလိုက်ရုံနဲ့
ခြောက်သွေ့သွားတဲ့
အပြာရောင် ကြက်တူရွေးလေးတစ်ကောင်ကို
ငေးကြည့်၊
စိုစွတ်နေသော မိုးရေစက်များ၊
စိုစွတ်နေသော မျက်ရည်များ
စိုစွတ်နေသော စိတ်ခံစားချက်များ
...
...
...
ဒီဘဝရဲ့
ရေစိုတောင်ပံတစ်စုံ
ပြန်ခြောက်နိုင်ဖို့
တစ်ကောင်တည်းကျန်တဲ့အောက်ချင်းငှက်
အမြင့်ဆုံးအထိပျံတက်သွားတယ်။                            ။


Zephyr
(Current Track: Love is a losing game-Amy Winehouse)

Notes: မိုးရွာတုန်း စင်ကာပူ ငှက်ဥယျာဉ်ထဲ tram နဲ့ပတ်စီးလိုက်ရင် ဒါမျိုးလေး ရလာတာပဲ။

ပြန်မလာတော့သောတိမ်တိုက်များ

ပြန်မလာတော့သောတိမ်တိုက်များ

လေနှင်ရာ
တသုန်သုန်မျောလွင့်ရင်း
အလန့်တကြား
ကြေကွဲလိုက်ဖို့
အသင့်မဖြစ်မီ

ပြိုပျက်သွားသော
တိမ်တိုက်တွေကို ငေးလွင့်နေသည့်အကြည့်များကိုကောက်သိမ်း သပ်ရပ်ချိတ်ဆွဲဒဏ်ရာများကိုပွတ်သပ်၊ပိုလျှံ သောကများကို စနစ်တကျစွန့်ပစ်၊ထားရာနေစေရာသွားလေ့မရှိသော လွမ်းဆွတ်မှုအမည်နာမများဖြင့် အိပ်မွေ့ချခံလိုက်ရသော သူရူးတစ်ယောက်၏ ပျောက်ဆုံးလမ်းသွယ်များကိုရေတွက်ရင်း ပျော်ရွှင်မှုအကြောင်း အနည်းငယ်ပါဝင်သော ဂီတကို သွေးပြန်ကြောအတွင်းသို့ထိုးသွင်းခြင်းဖြစ်စဉ်ကို ကြိမ်ဖန်များစွာပြုလုပ်။ ကြိုးများစွာတို့၏ ရှုပ်ခြင်းတဒင်္ဂ။

ဟန်ဆောင်မျက်နှာဖုံးများ၏ အရောင်အသွေး လှပဆန်းကြယ်မှုကို လေးနှစ်တိုင်အံ့သြမင်သက်၊ ကျေးကျွန်များကျွန်ဘဝမှလွတ်မြောက်သွားသည့်ရသကိုစာနာနားလည်၊ ကျယ်ပြောသည့်လောကအတွင်း ခိုင်းဖတ်ရှာသူနှင့် ထိုသူကို ချစ်မိသူတစ်ယောက်အကြောင်းဟာသတစ်ပုဒ်ကို ဖတ်ရှုနာကျင်၊ အထီးကျန်ချိန်ပျော်တော်ဆက်တစ်ယောက်၏ နိဂုံးသည် ထင်သလောက်ရယ်စရာမကောင်းခဲ့ပါ။

စိမ့်ဝင်ပျော်ကျသွားသော ခါးသက်သက်စကားလုံးများ၊ "ကိုယ်ချစ်တဲ့ လူတစ်ယောက်ရင်ဘတ်ထဲမှာ ကိုယ်ဘာကောင်ဖြစ်နေမလဲဆိုတာ သူထုတ်ပြောမှ သိလိုက်ရမှာ"ဆိုသည့် ဒဿနတရား၏ စစ်မှန်ရိုးရှင်းမှန်ကန်အကြွင်းမဲ့မှုကို သံဝေဂကြီးစွာနာယူ၊ အိမ်မက်များသည် စေးပျစ်ကြပ်ခဲနေသောကြောင့် အိပ်စက်ခြင်းများဖြတ်သန်းစီးဆင်းခွင့်မရ၊ နေမကောင်းသောစိတ်များ၊ နေမကောင်းသောစိတ်များ၊ နေမကောင်းသောစိတ်များ၊ ကျစ်ကျစ်လျစ်လျစ်ဖြစ်လာသော နေမကောင်းသောစိတ်များ၊ မာခြင်းအဆင့်နှင့်အတူ စုစည်းဝန်းဖွဲ့လာသော နေမကောင်းသောစိတ်များ။ အလင်းပြန်နေတတ်သော မှန်များကျကွဲသွားပြီးနောက် ပုံရိပ်ယောင်ကင်းမဲ့ခြင်း၏ အထီးကျန်သွေ့ခြောက်မှုကို ကျကျနနလက်ခံလိုက်သည့်တစပ်တဆက်ဖြစ်စဉ်ကိုပင် ကောင်းချီးမင်္ဂလာတော်မြတ်ဟုထင်နေ။

သိပ်ပျော်စရာကောင်းခဲ့ပါသည်ခင်ဗျား။                   ။

Regards,
Zephyr