Sunday, December 13, 2009

((( (( ((((အမေ ...))) )) )))

((( (( ((((အမေ ...))) )) )))
အဲဒီ
စကားလုံး
ရဲ့
တည်နေရာ၊ နယ်နိမိတ်၊ အကျယ်အ၀န်း
ဟာ ..
နှလုံးသားတစ်ခု
အခြေချနေထိုင်ဖို့လုံလောက်ရုံ
ထက်ပို
လျှံ
လိမ့်မယ်။

အမိမဲ့ဆိုတဲ့
ဆင်းရဲသားရပ်ကွက်
တစ်ခု
မိုးခေါင်
ရေရှား ...
ဖြေဆည်ရာ
ရှား၊
မေတ္တာ
ရှား ....
အမေ့အပြုံးတွေလည်းရှား
ခဲ့
တယ် .....။

ပန်းမပွင့်နိုင်
တဲ့
ဆာ
ဟာ
ဝတ်ရုံနဲ့ ...
အမှောင်တွေ
အပြည့်ဖမ်းမိထားမိသူ ...
ရေတွင်းပျက်ထဲ
ခြေချော်လက်ချော်ကျတဲ့သစ်
ရွက်လို ...
လရောင်ကလွဲရင် ဘာကိုမျှော်
နေဦးမှာလဲ .....။

အလင်းကို
ချိန်တွယ်ရောင်းချ
တဲ့
အရှေ့အရပ်ကို
ကျော
ခိုင်း
နာကျင်နေရတယ် ။
ကိုယ့်အရိပ်ထဲ
ကိုယ်
သေမိန့်ကျနေတဲ့နေ့တွေ ...
ခါးခါးစူးစူး မျက်မျက်ရှရှ၊
မျက်ရည်ကျခွင့်မရတဲ့အခါ
သွေးတွေ အငွေ့ပျံကုန်တယ်။

အမေ ...
အချိန်မီရောက်လာတဲ့
ကမ္ဘာပျက်နေ့တစ်ခုလို ...
အချိန်မီတည်ဆောက်ပြီးတဲ့
မဟာကရုဏာတော်လို ...
အချိန်မီ ညာလက်သွင်သွင်ကျိုးသွားတဲ့
ဘုရားသခင်လို ...
မေတ္တာသက်သက်နဲ့ ... အဖြူရောင်တွေ ဖန်ဆင်းပစ်ခဲ့တယ်။

အမေ ...
စိမ်းမြပြာလဲ့နေတဲ့ ရီနေဆန်းပိုက်ကွန်တစ်ခု ..
ခြေ၊လက်၊စိတ်နဲ့ စေတသိက် ၅၂ လုံး
အားလုံးကို အုပ်မိခဲ့တယ်။

အမေ ...
ဘုရားသခင်ရဲ့အမှားပြင်ဆင်ချက်။
ကံတရားရဲ့ နောက်ဆက်တွဲသတင်း၊
ဒီဘ၀ရဲ့
ဒုလ္လဘတရားစစ်စစ် ....။ ။


ခင်မင်စွာဖြင့်
Zephyr...

Dedicated to my mom.

Happy and Joyous and Peaceful BIRTHDAY ...
May God Bless you Mom.

Notes:

အစီအစဉ်တွေကို ပြတ်တောင်းပြတ်တောင်းဖြစ်အောင်
သေချာလုပ်ထားတာပါ။ မတော်တဆ စာကြောင်းတွေ ပြုတ်ကျကုန်တာမဟုတ်ပါဘူး ....။ :) .....
စီထားချင်သလို မဖြစ်ပေမယ့် .... အတတ်နိုင်ဆုံး ဖြတ်ထားပါတယ်။ အသံစီးဆင်းမှုကို တုံ့ဆိုင်းသွားစေချင်တာရယ်၊ ကြေကွဲနာကျင်စွာရွတ်ဆိုမှုကို လုပ်ကြည့်တာပါ။ အဆင်မပြေဖြစ်သွားရင်လည်း ...အားနာပါတယ်။ ဟဲဟဲ ....။ နောက်မှ ကဗျာစာအုပ်မှာ လက်ရေးနဲ့ရေးပြီး Scan ပြန်ဖတ်ပြီးတင်ကြည့်ပါဦးမယ်။ ....အမေရှိပြီး ...အမေကို ချစ်တဲ့သားတိုင်းအတွက် တရိုတသေရေးလိုက်တဲ့ကဗျာပါ။ .....။ အမေတွေအားလုံးစိတ်ချမ်းသာကြပါစေ .....။ သားသမီးတွေအားလုံး လိမ္မာကြပါစေ .... ဆိုတဲ့ မပြည့်နိုင်သလို ဖြစ်နေတဲ့ ဆုတောင်းတစ်ခုကို ထပ်ခါတလဲလဲ ဆုတောင်းရင်း အမေ့မွေးနေ့မှာ သိပ်မလိမ္မာတဲ့ သားက ကဗျာတစ်ပုဒ် လက်ဆောင်ပေးပါတယ်။






poem1_mother

Sunday, November 22, 2009

ငွေအကြောင်းပြောသူများ ...


ငွေအကြောင်းပြောသူများ ...

အဲဒါကငွေတဲ့ ...
ကျောက်တုံးဝိုင်းကြီးကို ငွေ ..
လှတပတ အရာလေးတွေကို ငွေ ..
သတ္တုတွေကို ငွေ ...
စက္ကူတွေကို ငွေ ...
ဘဏ်ချက်လက်မှတ်ကို ငွေ ...
နောက်တော့ စတော့ရှယ်ရာကို ငွေ ...။

ပျော်ရွှင်မှုကိုငွေ ..
ခံစားချက်ကိုငွေ ...
မိသားစုဘ၀ကိုငွေ ...
ဂုဏ်သိက္ခာကိုငွေ ...
နောက်တော့ မျိုးချစ်စိတ်ကို ငွေ ..။

ရောဂါကို ငွေ ..
ဇရာကို ငွေ ..
မရဏကို ငွေ ..။

တစ်ယောက်အပြုံးကလည်း ငွေ ..
တစ်ယောက်ခင်မင်မှုကလည်း ငွေ ...
ကိုယ်ချင်းစာမှုကလည်း ငွေ ...
ပွေ့ဖက်မှုကလည်း ငွေ ...
အရိပ်အာဝါသကလည်း ငွေ ...။

ဒီငွေနဲ့ ...
လောကုတ္တရာကိုးပါးကလွဲရင်
အားလုံးဝယ်လို့ရတယ် ...။ ။

ခင်မင်စွာဖြင့်
Zephyr

Notes: ကဗျာလေးကိုရေးတဲ့အချိန်မှာ ငွေရှာနေတာ တစ်နှစ်လောက်ပဲရှိပါသေးတယ် ...။ အခုတော့ နှစ်နှစ်ပြည့်ခါနီးပါပြီ ...။ တစ်သက်လုံးကျောင်းတက်လာတဲ့လူတွေအတွက် ငွေရှာရတာဟာ စိတ်ပိုင်းဆိုင်ရာ ပင်ပန်းမှုပါပဲ ....။ ကျောင်းဆရာဖြစ်ချင်တာ မဖြစ်တဲ့အတွက်လည်း ဖြစ်ချင်တာ မဖြစ်ခဲ့ဘူးလို့ ပြောလို့ရပါတယ် ...။ အလုပ်မှာပျော်ပေမယ့် .. ကိုယ့် အစွမ်းအစကို အပြည့်အ၀ သုံးရတယ်လို့ မထင်ပါဘူး။ ကိုယ်လုပ်နေတဲ့ အလုပ်က ငွေရဖို့ထက်ပိုပြီး အဓိပ္ပာယ်ရှိရမယ်လို့ ခံစားမိပါတယ် ...။ အလုပ်မှာ ပေးလိုက်ရတဲ့ဘ၀အတွက် ငွေတစ်ခုတည်းပြန်ရရင်တန်တယ်လို့မထင်ပါဘူး ....။ ငွေကြေးရဲ့လိုတာထက်ပိုပြီးအရာရောက်နေတာကို မခံစားနိုင်လို့ရေးတဲ့ကဗျာမို့လို့ ... ဒီကဗျာဟာ အားလုံးနဲ့သက်ဆိုင်တဲ့ အမှတ်တရ တစ်ခုဖြစ်ပါလိမ့်မယ် ...။

Sunday, November 8, 2009

ပလေတိုးနစ်ချစ်ခြင်း


ပလေတိုးနစ်ချစ်ခြင်း

အိုးခြမ်းပဲ့လေးပါ ..
သမုဒ္ဒရာရဲ့ရေခံခွက်လေး အဖြစ်မှာ ရောင့်ရဲစွာ ...။

အလင်းပြာရီလက်နေတဲ့ ကြယ်လေးတစ်စင်းပါ ...
အိုခြမ်းပဲ့လေးထဲမှာ လင်းဖြာလက်ပနေတာ ...။

သိပ်ပြီးဝေးပါတယ် ...
ဒါပေမယ့် ...အိုးခြမ်းပဲ့လေးရင်ထဲမှာ ကြယ်လေးမရှိဘူးလို့တော့
မထင်လိုက်ပါနဲ့ ... မှားသွားလိမ့်မယ် ....။

Zephyr

Monday, October 26, 2009

ရေထဲမှာ လမ်းလျှောက်နေရတာ ငါးရဲ့အရသာ...။
လေထဲမှာ ပိတ်မိနေတာ ငါ့ရဲ့ အရသာ ...။
အရသာအတွက် အာရုံခံမိတယ် ...
ငါးရဲ့ ငါနဲ့
ငါ့ရဲ့ ငါ ...
သစ်ရွက်ချင်းအတူတူ ..
ငါ့ရဲ့ငါက ခေါက်ချိုးမညီခဲ့ဘူး။

လေထဲမှာ လမ်းလျှောက်နေတာ ငှက်ရဲ့ အရသာ...။
ပျက်နေတဲ့စိတ်ထဲ လာလာဖြစ်နေတာ ငါ့ရဲ့ အရသာ...။
လမ်းသွားရင်း ကျပျောက် သွားတဲ့
ငှက်ရဲ့ ငါနဲ့
ငါ့ရဲ့ငါ ...
သံလိုက်အိမ်မြှောင်ချင်းအတူတူ ..
ငါ့ရဲ့ငါက ... ချစ်သူကို ညွှန်တယ် ။

သွေးထဲမှာလမ်းလျှောက်နေတာ သွေးနီဥရဲ့အရသာ ....။
အယောနိသောမနသီကာရထဲ ချော်လဲနေတာ ငါ့ရဲ့ အရသာ .။
သွေးနီဥရဲ့ငါနဲ့
ငါ့ရဲ့ငါ ...
ပုံပြင်တွေကြိုက်တာချင်းအတူတူ ...
ငါ့ရဲ့ငါက ရင့်ကျက်မလာခဲ့ဘူး။

(လမ်းတွေအားလုံးကို ခပ်တည်တည်နှုတ်ဆက်နေတာ အ၀ိုင်းပတ်ရဲ့ အရသာ ...။
လမ်းခွဲတစ်ခုထဲနဲ့လုံလောက်ခါးသက်သွားတာ ငါ့ရဲ့ အရသာ ..။
အ၀ိုင်းပတ်ရဲ့ ငါနဲ့
ငါ့ရဲ့ငါ ..
အစဉ်အတိုင်းပြိုလဲခွင့်ရတာတောင် ...
ငါ့ရဲ့ငါက အလျင်စလိုနိုင်တယ်။)

စကားလုံးတွေရဲ့ အပြင်ဘက်ကို လမ်းလျှောက်ထွက်တာ ၀ိမုတ္တိရဲ့ အရသာ ...။
စကားလုံးတွေနဲ့ တည်ဆောက်ဖြိုဖျက်နေချင်တာ ငါ့ရဲ့ အရသာ ...။
ဝိမုတ္တိရဲ့ ငါနဲ့
ငါ့ရဲ့ငါ ...
ဖြစ်တန်စွမ်းချင်း အတူတူ ...
ငါ့ရဲ့ငါက ကံဆိုးပါတယ်။

စိတ်ထဲမှာလမ်းလျှောက်ထွက်တာ စိတ္တာနုပဿနာရဲ့ အရသာ ...။
ထမင်းစားပြီး ပျင်းရိလဲလှောင်းနေချင်တာ ငါ့ရဲ့အရသာ ...။
စိတ္တာနုပဿနာရဲ့ငါနဲ့
ငါ့ရဲ့ငါ ...
ဒိုင်ပွဲရပ်တာချင်းအတူတူ ...
ငါ့ရဲ့ငါက ပိုဖူးယောင်ခဲ့တယ်။

မတော်တဆတစ်ခုရဲ့ငါနဲ့
ငါ့ရဲ့ငါ ...
ကဗျာရေးခွင့်ရတာချင်းအတူတူ ...
ငါ့ရဲ့ကဗျာက ခေါင်းစဉ်မပါခဲ့ဘူး ....။ ။

Zephyr


Saturday, October 17, 2009

သမိုင်းဦးဝေါဟာရ


သမိုင်းဦးဝေါဟာရ
တစ်ခုခုပြောချင်ခဲ့တာတဲ့ ...
သွားလေသူတိမ်တိုက်တစ်ခုက..
ပြောခဲ့ဖူးတယ် ...။

မဆွဲဖြစ်ခဲ့တဲ့ ငါ့စိတ်ရဲ့ကွန်တိုမျဉ်းတွေ ...
တောင်တန်းဒေသလား
ပင်လယ်ချောက်တစ်ခုလား
တစ်နေရာရာမှာ သူမကို ကျပျောက်သွားတယ်....။

စိတ်တစ်ခုယုတ်ကိုးဆယ် ...တဲ့
ယုတ်တစ်ခုကရောဘယ်လောက်လဲ ...
(ဆုတ်)ယုတ်နေတဲ့တစ်ခုဟာ သစ်ရွက်ခြောက်တစ်ခုရဲ့ ပဲ့ကျသွားတဲ့ အနားစလေးလား ..
ဒါမှမဟုတ် .. သူမနဲ့အတူကျပျောက်ခဲ့တဲ့ ...
နှလုံးသားမှတ်ပုံတင်မူရင်းပဲလား ..။

တစ်နေ့နေ့မှာတော့
ရုပ်ကြွင်းဖြစ်နေတဲ့ ငါ့စိတ်ထဲမှာ ...
သူမနဲ့အတူ ငါ့မှတ်ပုံတင်မူရင်းကို
ရှေးဟောင်းကဗျာတူးဖော်သူတွေ ...
တွေ့ချင်လည်းတွေ့ကြလိမ့်မယ်။ ။
Zephyr

Friday, October 2, 2009

ခရမ်းရောင်မိုးစက်များနှင့် မိတ်ဖြစ်ဆွေဖြစ်


တစ်နေ့တာအသေတွေကိုသွန်ချဖို့
အရာရာ လုံလောက်စွာညစ်ညမ်းနေ...
မနေ့ကရုပ်နဲ့ ပဲ ဒီနေ့ပွင့်တဲ့ပန်းဟာ ဟောင်းနွမ်း ..
မနေ့က စ်ိတ်တွေနဲ့လူတစ်ချို့
ပုပ်နေပြန်တယ် ....။

ရရစားစားပါပဲ ..
အဲဒါဟာ ဘီလ်ဂိတ်ရဲ့လက်သုံးစကားဖြစ်နိုင်ကောင်းရဲ့ ...
တောရမ်းမယ်ဖွဲ့ရတာ ၁၁ ယောက်စီပဲလား ..
နေရာယူထားပြီး အဆင်သင့်ဖြစ်ခါမှ
နောက်ဆုံးညစာက ရောက်မလာပြန်ဘူး ...။

ဒါမျိုးကဖြစ်တတ်ပါတယ်တဲ့လား ...
ဟမ္ဘူရာဘီတောထွက်သွားတဲ့အကြောင်းနဲ့
တောက ဟမ္ဘူရာဘီဆီထွက်သွားတဲ့အကြောင်း
လက်တို့ပြောနေတာကြာခဲ့ပြီ ..
ကြာခဲ့လုပါပြီ ...။

ရှက်တတ်ရင် မျက်နှာကို ဓားနဲ့လှီးဖို့ကောင်းတယ်ဆိုတာနဲ့
မျက်နှာတစ်ခုလိုက်ရှာရတယ် ..
အဲဒီတော့မှ မျက်နှာမရှိတာ သတိရတယ်
အဲဒီကမှတစ်ဆင့် ခေါင်းမရှိမှန်း သိသွားမိတယ် ....
ဒီလိုပါပဲလေ ... ဘယ်သူက သူ့အကြောင်းသူသိခဲ့လို့လဲ ...။

မိုးကြိုးလွှဲလိုပဲ ...
နေရာတကာ အပေါ်ဆုံးမှာရပ်တယ် ..
တကယ် မိုးကြိုးပစ်တော့
မြေကြီးကို လွှဲပေးလိုက်တယ် ..
စေတနာပါ .. စေတနာပါ ... စေတနာပါ ...
ရွှန်းရွှန်းဝေနေပုံကိုက ရိရွဲလွန်းပါတယ် ...။

မသိလို့လိုချင် အစရှိသဖြင့်
ရသမျှဟာဒုက္ခ .
ဒီလိုနဲ့ပဲ နေ၀င်မိုးချုပ် ..
ဘ၀ကို ကြိုးလိုတုပ်ခဲ့တာ ..
တစ်ပတ်ပြီးတစ်ပတ် ...
ခိုင်မြဲမယ်ထင်လို့နှောင်ထုံးဖွဲ့ခဲ့တာ
တစ်ရက်ပြီးတစ်ရက် ...
ဖန်ခွက်အကွဲတွေနဲ့ ..
ချစ်သူခင်သူအချင်းချင်း မို့...
လက်သင့်ခံလိုက်တာ ...
ချီးယားစ်ပါကွယ် ... ငါ့ခွက်ထဲ ငှဲ့လိုက်စမ်းပါ့ ၃၁ ဘုံ (လက်ကျန်လေးကို.....)။

အလျော်အစားများသလောက်
ကြေးမကြီးလှတဲ့ဘ၀တစ်ခုပါ ...
အ၀ိဇ္ဖာမြင့်တုံ မြက်မြင့်တုံနဲ့ ...
စိမ်းစိုထူထပ်ခဲ့ပါတယ် ...
စိမ်းစိုထူထပ်ခဲ့မိပါတယ်.....
စိမ်းစိုထူထပ်မိခဲ့ပါတယ်.....
စိမ်းစိုထူထပ်ခဲ့တယ် ...
။ ။

ခင်မင်စွာဖြင့်

Zephyr ...
(အနည်းငယ်အပြောကြီးသော သား)

Notes:

(ကဗျာမရေးလိုက်ရတဲ့ရက်ဟာ ဘုရားသခင်သေဆုံးတော်မူတဲ့နေ့လိုပဲ ကြေကွဲစရာကောင်းလွန်းတယ် ...။)
(ကဗျာရေးလိုက်ရတဲ့ရက်ဟာ မေမေ ပြုံးနေသလိုပဲ သိပ်ကျေနပ်ဖို့ကောင်းတယ်)

ဒီကဗျာက ရုံးမှာရေးခဲ့တာလို့ မှတ်မိပါတယ်။ ..... ကဗျာ အသစ်မရေးဖြစ်တာကြာနေလို့ ရုံးမှာ ရေးချင်စိတ်ပေါ်တုန်း ရေးထားတာပါ။ လွန်ခဲ့တဲ့ နှစ်လ(August 11 )ကရေးထားတဲ့ ကဗျာပါ။

စိတ်ချင်းတူသူတွေ တစ်ခုခု ထိတွေ့လိုက်ရမယ်လို့မျှော်လင့်ပါတယ်။

Tuesday, September 29, 2009

သွက်သွက်လက်လက် အိမ်မက်

သွက်သွက်လက်လက် အိမ်မက်

ရက်လွန်ခါနီးတဲ့ဘ၀တစ်ခုထဲ
လူခန္ဓာမှာ စိတ်တစ်ခု ၀င်ကစွပ်လုပ်တမ်းကစားနေသံကြားလား ....
မြင်းကောင်းတွေ ခွာလိပ်နေပုံ ဆိုပါတော့ ...
အတိအကျပြောရရင်တော့
မြင်းကောင်းတွေ စနစ်တကျခွာလိပ်နေပုံ ဆိုပါတော့ ....။

ရထားမှားသွားပြီ ...
ရထားမှားသွားပြီ ...
မြို့ပတ်ရထားပေါ်က ငုံးဥသည် အော်သံ .....
လမ်းမှားသွားပြီ ..
လမ်းမှားသွားပြီ ...
သံလမ်းပေါ်က မြို့ပတ်ရထား အော်သံ ...
မပူကြနဲ့
မပူကြနဲ့ ...
ကမ္ဘာကြီးပေါ်က သံလမ်းအော်သံ .....။

ဘာရယ်မဟုတ်ဘဲ
လမ်းသွားရင်းလက်အလိုလိုလွှဲမိသလိုပေါ့ ..
အစီအစဉ်မရှိဘဲမတော်တဆလို့ပဲပြောရမယ်ထင်တယ် ..
ဒါမှမဟုတ် အဓိပ္ပာယ်ချွတ်ခြုံကျမှုလား
နောက်တစ်ခုဖြစ်နိုင်တာက ယုတ္တိဗေဒ ကားမှောက်တာလား ..
ဒါမှမဟုတ် .. သူငါမဟုတ် နာမ်နဲ့ရုပ်က
သူငါမဟုတ် နာမ်နဲ့ရုပ်ကို
သူငါမဟုတ် အလွမ်းချည်းသက်သက်လွမ်းနေတာလား ..
အင်း .. အဲဒီလိုပဲပြောရမယ်ထင်တယ်နော်....။

Euthanasia ပေးပါ ...
ချစ်လို့ခင်လို့မကြည့်ရက်လို့ ...
မဟာကရုဏာရှင်တစ်ယောက်
သေခြင်းတရားကို တည်ဆောက်ပေးထားခဲ့တယ် ...။
ချစ်လို့ခင်လို့မကြည့်ရက်လို့ပါ ...
ရှေ့စိတ်ကို နောက်စိတ်က သတ်လိုက်ရတယ် ....။ ။


Notes:

Euthanasia (from the Greek ευθανασία meaning "good death": ευ-, eu- (well or good) +θάνατος, thanatos (death)) refers to the practice of ending a life in a painless manner. Many different forms of euthanasia can be distinguished, including animal euthanasia and human euthanasia, and within the latter, voluntary and involuntary euthanasia. Voluntary euthanasia and physician-assisted suicide have been the focus of great controversy in recent years.

As of 2009, some forms of active euthanasia are legal in Belgium,[1] Luxembourg,[2] The Netherlands,[1] Switzerland,[1] Thailand,[3] and the U.S. states of Oregon[4] and Washington.[5]
ဒီကဗျာက ၂၀၀၃ လောက်ကရေးထားတာတစ်ခုကို ပြန်စဉ်းစားပြီး ထပ်ဖြည့်ထားတာပါ။
ငယ်တုန်းကရေးခဲ့တဲ့ ကဗျာတွေကို မယူလာမိလို့ ပြန်ရေးခါနီး စဉ်းစားပါတယ်။ သတိရတဲ့ အခါ ပြန်ရေးဖြစ်ပါတယ်။ အဲဒီတုန်းက မှတ်မိတာက သနားလို့ သတ်ခြင်း mercy killing အကြောင်းကို အသိအမြင်စာအုပ်မှာဖတ်မိတာနဲ့ ရေးထားတာပါ။ သူငယ်ချင်းဆရာဝန်တွေကြောင့် မတော်တဆ သေသွားတာတွေ ခဏခဏကြားနေရတော့ ပြန်ရေးဖို့စိတ်ကူးရလာတာပါ။ ကဗျာ workshop ကနေပြန်ထွက်လာတဲ့ ကဗျာတစ်ပုဒ်ပါ။

အသက်အရွယ်အရ ကဗျာရဲ့ အဆုံးသတ်တွေမှာ နိမိတ်ဆိုးတာတွေ မသုံးချင်တော့လို့ ပြောင်းထားတာတွေရှိပါတယ်။

ကဗျာမှာ ကွန်မန့်ဖွင့်ထားတာက သူငယ်ချင်းတွေ မိတ်ဆွေတွေ ပျော်ပျော်ပါးပါးရေးသွားလို့ရအောင်ပါ။
ဘယ်သူတွေ ဘယ်လောက် အထိ ခံစားနိုင်လဲ စာမေးပွဲစစ်နေတာမဟုတ်လို့ ... အောင်စာရင်းထုတ်တဲ့ အလုပ်ကိုတော့ မလုပ်ပါဘူး ....။ ကိုယ်ရေးတဲ့ကဗျာတိုင်းကို ရေးပြီးတာနဲ့ သိပ်မကြိုက်တော့တဲ့ အကျင့်ရှိလို့ နောက်ဆုံးရေးတားတဲ့ တစ်ပုဒ်ကလွဲရင် ဘယ်ဟာမှ အဆင်မပြေဘူးလို့ထင်နေတတ်ပါတယ်။
ပြင်လေ ပိုဆိုးလေဖြစ်လို့ မပြင်ရဲသလောက်ဖြစ်နေပါတယ်။

ကဗျာနဲ့ပတ်သက်ရင် အမြဲတမ်း အားမနာတမ်းပြောပေးတဲ့ အမေနဲ့ မိတ်ဆွေတွေ(ကဗျာကိုဝေဖန်ချက်ပေးသူမှန်သမျှ)ကိုကျေးဇူးတင်ပါတယ်။

ဟာသ သမားတစ်ယောက်ပြောတာကို သတိရလို့ ပြောပြချင်တယ် ...။ သတ်သေတယ်ဆိုတာ လူက ဘုရားကို အနိုင်နဲ့ ပိုင်းလိုက်တာတဲ့ ... မင်းမထုတ်ခင် ငါထွက်တယ် ...လို့ ပြောလိုက်တာပါပဲ တဲ့ ....။

ကဗျာထဲကို တိုးဝင်သွားပြီး ကျွန်တော်မရခဲ့တာလေးတွေ ရှာတွေ့သွားနိုင်ပါစေ လို့ ရည်ရွယ်ပါတယ် ...။

............................................................................

ကန်လန့်ကာချထားတဲ့ ကန့်လန့် တစ်ခုပါ ...
အနိုင်နဲ့ ပိုင်းလိုက်မိတာက ကိုယ့်ဘ၀ ငှက်ပျောပင်ပဲ ...။
ကာရံမညီတဲ့ အကာအရံတွေမပါတဲ့အခါ သင်ဟာ သင်မဟုတ်ကြောင်းသင်ပဲသိတယ် ...။ ။

Monday, September 28, 2009

နှလုံးသွင်းမှားခြင်း

ပျားတစ်ကောင်ရဲ့
ကိုးပါးသီလ
မာလာဂန္ဓရောက်တိုင်းပျက်တယ်

ကျားတစ်ကောင်ရဲ့
ကိုးပါးသီလ
ဝိကာလရောက်တိုင်းပျက်တယ်

ဝိုင်ပုလင်းရဲ့
ကိုးပါးသီလ
သုရာမေရယမှာပျက်တယ်

ငါ့ရဲ့
ကိုးပါးသီလ
မေတ္တာသဟဂတေနမှာပျက်တယ်

ငါ့ရဲ့ လုံးစုံများစွာသတ္တ၀ါမလေးရယ် ...
ငါ့ကို သာဓုခေါ်ပါ။ ။

ဖြောင့်ချက်

လောကမှာနေရတာ လွယ်လွယ်လေး

မနက်မိုးလင်းရင် လင်းမှန်းသိ၊

မေတ္တာပို့ပြီးရင် ပို့မှန်းသိ၊

ခြေသလုံးကို ခွေးဟပ်ရင် ဟပ်မှန်းသိ၊

နောက်ကျောကို ဓားနဲ့ထိုးရင် ထိုးမှန်းသိ၊

မျက်နှာကို တံထွေးနဲ့ထွေးရင် ထွေးမှန်းသိ

ခေါင်းပေါ်ကို ရေလောင်းချရင် လောင်းမှန်းသိ

ဖွယ်တယ်တယ် အပြုံးတွေ တွေ့ရင် တွေ့မှန်းသိ

ချစ်သူကို မြင်ရင် မြင်မှန်းသိ

ချစ်သူကို နမ်းရင် နမ်းမှန်းသိ

ချစ်သူက နမ်းရင် ...

(ဒီနေရာမှာ အမှတ်တစ်ချက်လွတ်တယ် ...။)

အလုပ်ပင်ပန်းရင် ပင်ပန်းမှန်းသိ၊

စိတ်တိုရင်တိုမှန်းသိ၊

သစ်ပင် အကိုင်းထွက်ရင် အကိုင်းထွက်မှန်းသိ

ဘီလ်တွေလာရင် လာမှန်းသိ

စားတဲ့အခါ စားမှန်းသိ၊

စကားပြောရင် ပြောမှန်းသိ၊

အိမ်ပြန်ရင်း အိမ်ပြန်မှန်းသိ၊

ရေချိုးရင် ချိုးမှန်းသိ ...

ဆန်ပြုတ်သောက်ရင် သောက်မှန်းသိ

ကဗျာရေးရင်...

(ဒီနေရာမှာ အမှတ်လုံးလုံးလွတ်တယ်)

ကဗျာက ငါရေးမှန်းသိပြီး

ကဗျာက ငါ့စိတ်ကိုရှုမှတ်တယ် ...

အဲဒါ ..

ကဗျာတောမထွက်သွားခင်

ငါနောက်ဆုံး သိရသမျှဖြောင့်ချက်ပဲ ...။

ထွက်သွားပါ ...။ ။

တနင်္လာက ငါ့ကိုအော်ထုတ်လိုက်တယ် ..။
ဘယ်ကိုပြန်ရမှာလဲ ..
တနင်္ဂနွေက ငါ့ကိုလက်မခံသလို၊
အင်္ဂါက ငါနဲ့ဝေးလွန်းတယ်။
တနင်္လာက ငါ့ကိုတွင်တွင်အော်ထုတ်တယ်....။
ငါဟာ အိမ်ခြေမဲ့ပါ။
ကျောတစ်ခင်းစာငါ့ကိုနေရာပေးပါ။
တနင်္လာက ငါ့ကိုအော်ထုတ်တယ် .... ကျောရရုံမကြံပါနဲ့ ထွက်သွားပါ ...
ငါပြောတဲ့ကျောက နောက်ကျောပါ ...
တနင်္လာက ငါ့ကိုအော်ထုတ်တယ် .... နောက်ကျောဆိုဓားပေါ်အိပ်မှပေါ့တဲ့ ...။
ငါတစ်ရက်တော့နေပါရစေ ...
ရောမမြို့ကို တစ်ရက်နဲ့ဆောက်ခဲ့တာမဟုတ်ဘူး .. ရှင်ထွက်သွားပါ ....။
ငါ့မှာနေစရာမရှိလို့ပါ .... မနက်ဖြန်ရောက်တာနဲ့ငါ ထွက်သွားမှာပါ ....
ဒီနေ့ဟာ မနက်ဖြန်စစ်စစ် ဖြစ်ခဲ့ဖူးတာပေါ့ ... ရှင်ထွက်သွားပါ ....
ဒီလောက်ခါးသီးနေရင်တော့ ငါထွက်သွားရမှာပေါ့ ....
ဒီလိုမှပေါ့ရှင် .. အကောင်ပြရင် အရိပ်ထင်မှပေါ့ ....
ငါထွက်သွားရင် မင်းပျော်မှာပေါ့နော် ...
သိပ်ကိုသေချာတာပေါ့ရှင် ...။
ငါဘယ်သူလဲမင်းသိလား။
ရှင်က အိမ်ခြေမဲ့လေ ...။
နောက်တော့ရော ...
မသိဘူး .. သေချာတာကတော့ ရှင်က အိမ်ခြေမဲ့ပဲ ...။ သွားပါ . မြန်မြန်ထွက်သွားပါ ...။
.....
...................
..................................
.............................................။

ဒီလိုနဲ့ တနင်္လာရဲ့နှလုံးသားက
တနင်္လာနဲ့ဝေးရာကို ထွက်ခွာခဲ့ရတယ် ...။ ။


Foot Notes: ... ကျေးဇူးပြု၍ နှလုံးသားတွေကို ဂရုစိုက်ပါ .....။

Zephyr

Zephyr

ဝိမုတ္တိလေညင်း ..

ကဗျာတွေ တယုတယရေးပြီး
ပဲ့တင်သံမဲ့နှလုံးသားတွေဆီ ပစ်ပေါက်ပျိုးကြဲချင်သူ။

ကဗျာတရားနှလုံးသွင်းပြီး ...
ကဗျာနဲ့ပဲ ကိလေသာ ပယ်သတ်ချင်သူ။ ။


.............



ကဗျာဆိုတာ
ကဗျာရေးသူရဲ့
နှလုံးသွင်းမမှန်တဲ့ စိတ္တာနုပဿနာပါပဲ ................။ ။