Love

အထက်ပါပုံကို ကလစ်ခေါက်ဖြစ်အောင်ခေါက်ပါ။

(မခေါက်သဖြင့် အိုင်လွယ်ပန် မိန်းမရသွားကြောင်း။ ခေါက်သွားသဖြင့် လင်းဒီပ အိပ်ရာထဲခွေနေသေးကြောင်း။

ခေါက်မလိုလိုနဲ့ မခေါက်တဲ့မဂျူ ကုလားပြည်တွင် ထီပေါက်သော်လည်း လက်မှတ်ပျောက်သွားကြောင်း။ နှစ်ခါတိတိခေါက်မိ၍ မယ်ကိုးကို သစ်ပင်က တရားပြန်စွဲကြောင်း။ မြန်မာပြည်ကနေ မျက်မှန်ကြီးဖြင့် ကလစ်ခေါက်သောကြောင့် ကိုရင်နော် အပြန် ကားခေါင်းခန်းတွင် သီလရှင်တစ်ပါးကျကျန်ရစ်သော ငါးထောင်တန်ကို အချောင်ရလိုက်ကြောင်း၊ တန်းတန်းမတ်မတ် ကလစ်ခေါက်သောကြောင့် ဆွိ အရပ်တစ်လက်မ ပိုရှည်လာကြောင်း၊ ကလစ်မခေါက်အားတဲ့အတွက် မဒါတစ်ယောက် သင်္ကြန် တရားစခန်းတွင် ခုနစ်ရက်လုံးရေမချိုးလိုက်ရကြောင်း၊ အချိန်မအားတဲ့ကြားက ကလစ်တစ်ချက်ခေါက်သွားသောကြောင့် မွေးသမိခင်ကြီး ဒီဇိုင်းများ အချိန်မီပြီးစီးသွားကြောင်း၊)

လူတိုင်းမကင်းနိုင်တာ ... ဆိုပြီး အစချီလိုက်ရင် အားလုံးက အချစ်ပဲ ဆိုတာကို ပြေးမြင်ကြတယ်။

အမှန်က အိမ်သာလည်းဖြစ်နိုင်သလို အကြွေးလည်းဖြစ်နိုင်တာပဲ။

ဘာလို့မကင်းနိုင်တာနဲ့ဆိုတာနဲ့ အချစ်ကိုပဲ ပြေးမြင်ကြမှန်းမတွေးတတ်ဘူး။

စတာပါ ....။

တကယ်ပြောချင်တာက တစ်ခုပါ။ ချစ်နေတာကို ဘယ်လိုမြင်ကြလဲမသိဘူး။

ကျွန်တော်ကတော့ ကိုယ့်ကိုယ်ကို သတ်သေမိတဲ့သူ အဖန်ငါးရာငါးကမ္ဘာကျသွားနဲ့တူတယ်လို့တွေးမိပါတယ်။

Performance art ကိုတစ်ခြားမီဒီယာတွေနဲ့ performance လုပ်ကြပါတယ်။ ပန်းချီတွေ၊ ပုလင်းတွေ၊ အိုးတွေ၊ ခွက်တွေ ... (တစ်ချို့ငတိကြီးတွေကြတော့ ယောကျာ်းကြီးတန်မဲ့ ပလတ်စတစ်ရင်ထိုးကြီးတွေနဲ့ ...။)

အခု ကျွန်တော်ကတော့ အဖန်ငါးရာ ငါးကမ္ဘာကို စာနဲ့ပဲ performance လုပ်ထားပါတယ်။

နောက်တော့ စာတွေကိုပဲ ဒီဇိုင်းထည့်ဖို့စိတ်ကူးရတာနဲ့ မလေးရောက် ဒီဇိုင်းဆရာ ပြီတီတီ...sorry .. ပြည်သစ်တည် ရဲ့လက်ရာနဲ့တွဲဖက်လိုက်ပါတယ်။

ကြံဖန်ဂုဏ်ယူချင်ရင်တော့ သက်ရှိမျိုးစိတ်တွေထဲမှာ လူဟာ ပလူပြီးရင် သတ်သေမှုအများဆုံး သတ္တ၀ါဖြစ်နိုင်တာကို ဂုဏ်ယူနိုင်ပါတယ်။ စကားစပ်မိလို့မေးရရင် မီးမတွေ့မီခေတ်က ပလူတွေ နေအထိ ပျံကြမလားဆိုတာကိုပါ ဆက်ပြီးစဉ်းစားကြည့်စေချင်ပါတယ်။

မိဘမေတ္တာ ...နှင့်စပ်လျဉ်း၍

မိဘမေတ္တာ ...နှင့်စပ်လျဉ်း၍

မိဘမေတ္တာနဲ့ပတ်သက်ပြီးနည်းနည်းတွေးကြည့်မလို့ပါ။ မိဘဆိုတာနဲ့ ကိုယ့်အမေအဖေကိုပဲပြေးမြင်ကြတာပါပဲ။ကွက်လပ်ကွက်လပ်သာ အမိ၊ ကွက်လပ်ကွက်လပ်သာ အဖဆိုပြီးဝါဒဖြန့်သူတွေလည်း Form ဖြည့်တဲ့အခါ အဲဒီလိုဖြည့်ကြည့်ပါလား။ အရူးမှန်းသိသွားမှာပဲလေ။ ဒီတော့ကာ ကျွန်တော်တို့တွေမှာ မိဘတွေရှိပြီး .... မိဘတွေကလည်း ကျွန်တော်တို့ရဲ့ မကောင်းမွေဆက်ခံဖို့ ... (သားသမီးမကောင်းမိဘခေါင်းအရယူဆခြင်းဖြစ်သည်။) ဘေးနားမှာ အမြဲအသင့်ရှိနေတုန်းပါပဲ။

မိဘကျေးဇူး ဆပ်ကောင်းပါသလား။ အဲဒီလို ပြောရင်လည်း အတော်လက်ပေါက်ကပ်ပါတယ်။ ဆပ်တယ်ဆိုတဲ့စကားက ချေးထားမှ ပြန်ဆပ်ရတာပါ။ မိဘတွေက ချေးထားတာမဟုတ်တဲ့အတွက် ပြန်ဆပ်စရာတော့လည်း သိပ်မလိုပါဘူး။ နားလည်မှုနဲ့ လျှော်လိုက်ရင်ရပါတယ်။ သံသရာမှာက မိဘတစ်လှည့်စီဖြစ်လာကြတာဆိုတော့ ... ကိုယ့်ဆီမှာ သားသမီးလာဖြစ်မှပဲ ကျေးဇူးဆပ်လိုက်လည်းရလောက်ပါတယ်။ မိဘတွေက ပြောင်းပြန်မစီးတဲ့မြစ်လိုပဲဆိုတော့ကာ ကျေးဇူးပြန်ဆပ်လိုက်တယ်ဆိုရင် ပြောင်းပြန်မစီးတဲ့မြစ်ထဲကိုနောက်ပြန်ခုန်ချသလိုဖြစ်နေနိုင်ပါတယ်။

မိဘထက် တစ်ရက်ကြီးတဲ့ကောင်တွေ။ အဲဒါကိုတောင် နည်းနည်းရှင်းဖို့လိုပါတယ်။ မိဘတွေဟာ သားကြီးသြရသ၊ သမီးကြီး သြရသမ တို့နဲ့အသက်အတူတူပါပဲ။ မိဘဖြစ်လာဖို့ သားသမီးတစ်ယောက်လိုပါတယ်။ သားသမီးမရှိခင်ကလည်း သူတို့ဘာသာသူတို့လင်မယားပဲဖြစ်နိုင်ပါတယ်။ မိဘဖြစ်ခွင့်မရသေးပါဘူး။သားသမီးဆိုတာ မိဘတွေကို မိဘဖြစ်ခွင့်ပြုလိုက်တဲ့ Certificate ဖြစ်ပါတယ်။ အဲဒီတော့ မိဘတွေဟာ သားသမီးထက် အသက်မကြီးပါဘူး။သားသမီးထက် အသက်ကြီးတာက မိဘမဖြစ်ခင်က လင်မယားနှစ်ယောက်ဖြစ်ပါတယ်။ တကယ်ဆိုရင် မိဘတွေဖြစ်လာဖို့ဆိုတာမှာ ... သားသမီးကျေးဇူးအတော်များတာပဲလို့တောင် တွေးမိပါတယ်။ (Btw Dad, မွေးရကျိုးနပ်တယ်နော်။)

အလှူရဲ့အကျိုးကို ငါဘုရားသိသလောက်သာသိမယ်ဆိုရင် နောက်ဆုံးဆွမ်းလုတ်လေးကိုတောင် မလှူဘဲမစားဘူး ဆိုတာလေးကို ကြားဖူးမယ်ထင်ပါတယ်။ မကြားဖူးရင်လည်း လူကြီးတွေလုပ်သလို ခေါင်းကလေးတညိတ်ညိတ်လုပ်နေလိုက်။ အဲဒီလို အလှူရဲ့ကျေးဇူးအရကြည့်ရင်လည်း အရင်က ကပ်စေးနှဲဖြစ်ခဲ့တဲ့မိဘတစ်ချို့ဆိုရင် သား၊သမီးမွေးလာမှပဲ လှူရတန်းရသလို ကျွေးမွေးဖြစ်တော့တယ်။ သားသမီးကိုကျွှေးတယ်ဆိုတာလည်း စိတ်ထားတတ်ရင် ကုသိုလ်အင်မတန်ရတဲ့အလုပ်ဖြစ်ပါတယ်။ မွေးထားမှတော့ကျွေးရတော့မှာပဲဆိုပြီးကျွေးတယ်ဆိုဦးတော့ ကုသိုလ် အနည်းနဲ့အများတော့ရမယ်။ အော် ...ဒီလိုဆိုတော့လည်း သားသမီးတွေကကုသိုလ်ရရာရကြောင်းတောင်ဖြစ်ပြီးကျေးဇူးတောင်များနေပြီ။

ကျွေးတယ်မွေးတယ်ဆိုတာမှာလည်း အတင်းအကြပ်မလုပ်သင့်ဘူး။ မကြိုက်တာတွေအတင်းစားခိုင်းသောက်ခိုင်းတာမျိုးက အင်မတန် ဆိုးတယ်။ ဥပမာ၊ ကျွန်တော့်ကြီးတော်ကြီးဆိုရင် အခု သတ်သတ်လွတ်စားတယ်။ ဒီလိုအဒေါ်မျိုးကို နို့တိုက်ခဲ့တဲ့အဖွားဆို ဘယ်လောက်ဆိုးလဲလို့တွေးမိတယ်။ အမှန်ဆို ပဲနို့တိုက်ရမှာ။ အဲဒါဆိုရင် ကြီးတော်ကြီးက အဖွားကို ပဲနို့တွေပြန်ဝယ်တိုက်လိုက်ရင် နို့ဖိုးပါကျေနိုင်တယ်။

မိဘမျက်ရည်ကျအောင်လုပ်တဲ့သူတွေမချမ်းသာဘူး။ ဒီစကားပုံက ဘယ်လောက်မှန်သလဲဆိုတာသိဖို့ Bill Gates ဆီဖြစ်ဖြစ် စာပို့ကြည့်ရမယ်။ လူကြီးမင်း လူကြီးမင်းရဲ့မိဘတွေ မျက်ရည်ကျအောင်လုပ်မိပါသလား။ အဖြေက Yes ဆိုရင် လူကြီးမင်းချမ်းသာမှာမဟုတ်ဘူးလို့ပြန်ပို့သင့်ပါတယ်။ သားသမီးတွေမျက်ရည်ကျအောင်လုပ်တဲ့မိဘတွေရောချမ်းသာသလား။ဒါကိုလည်း ပြန်စစ်တမ်းကောက်ကြည့်သင့်ပါတယ်။ အချိုးအစားက အတူတူပဲဆိုရင် စကားပုံကိုလည်းနည်းနည်းပြင်သင့်တယ်။

မိဘတွေဟာ ကလေးဘ၀ကိုမေ့သွားတဲ့ လူကြီးတွေပဲ။ အဲဒီအဆိုကို တစ်ယောက်ယောက်ကတော့ပြောဖူးလိမ့်မယ်။ ဘဂျမင်ဖရန်ကလင်လား၊ သူ့ဂျီးဒေါ်နှစ်ဝမ်းကွဲလား ပြောဖူးလိမ့်မယ်။ တကယ်တော့ လူတွေက ကြီးလာရင်ငယ်တုန်းက အကြောင်းကိုမေ့တယ်။ ငယ်တုန်းက ကိုယ်တိုင်ကျောင်းမသွားချင်တာကို ကြီးလာတဲ့အခါကြတော့မေ့လိုက်တယ်။ ကလေးတွေကျောင်းမသွားချင်ဘူးဆိုရင် နားမလည်သလိုနဲ့ကျောင်းသွားမှစာတတ်မှာပေါ့လို့ပြောကြတယ်။ ဆော့ခရေတ္တိရောကျောင်းသွားလားလို့မေးရင် ရှင်းမပြတော့ဘူး။ ကြိမ်လုံးရှာပြီ။ မိဘမေတ္တာနဲ့ရိုက်လည်းနာတယ်။ ကိုယ်တိုင်ကတော့ မိဘတွေက ကံကောင်းထောက်မပြီးမရိုက်တတ်တဲ့သူတွေဖြစ်နေတော့ ဆရာတွေကပဲ နာသုံးနာ၊(လက်နာ၊စိတ်နာ၊၀ါသနာ) နဲ့မိဘတွေလစ်ဟင်းတာလေးတွေဖြည့်စွက်ပေးပါတယ်။ တစ်ချို့ဆရာတွေက ရိုက်ရတာကို ၀ါသနာပါပုံရတယ်။

ကလေးတွေကိုနားလည်တာ ကလေးမရှိတဲ့သူတွေတဲ့။

အဲဒီစကားကို ဆစ်ဂမန်ဖရွိုက်လား၊ သူ့ကို ဆေးလိပ်မီးညှိပေးဖူးတဲ့ စားပွဲထိုးရဲ့သူငယ်ချင်းလားပြောဖူးတယ်။ တကယ်တော့ စဉ်းစားကြည့်ရုံနဲ့ကလေးမွေးရတာအတော်လေးပင်ပန်းမှန်းသိပါတယ်။ မာရီယို game ထဲကလို မှိုလေးတွေကျွေးလို့သူ့ဘာသာသူ ကြီးလာတာမျိုးမှမဟုတ်တာ။ (တကယ်တော့ စမ်းပြီးကျွေးကြည့်ဖို့ကောင်းတယ်။) အဲဒီတော့အမြဲအတူနေရတဲ့မိဘက ကလေးကြောင့်ပိုစိတ်ဆင်းရဲတယ်။ သူတို့မှာက တစ်နေကုန်ထိန်းနေရတာဆိုတော့ မိဘမေတ္တာနဲ့ပဲ နောင်တကြိတ်ရရတယ်။ နောင်တမရဘူးထား၊ ကိုယ့်အမှားကိုယ် ကိုယ်တာဝန်ယူတယ်ဆိုဦးတော့ ကလေးတစ်ယောက် တစ်နေကုန်ထိုင်ငိုနေတာကိုတော့ Yanni Piano တီးနေတာလို့ခံစားလို့မရနိုင်တာအမှန်ပဲ။ အရေးထဲ လူပျိုကြီး အပျိုကြီးတွေက ကလေးမမွေးဖူးပဲ ကလေးတွေကိုစိတ်ရှည်ဖို့လိုအပ်ကြောင်းစာအုပ်တွေရေးလိုက်တဲ့အခါမှာ မိဘလုပ်ငန်း မကျွမ်းကျင်သူတွေခမျာအတော်လေးဒုက္ခရောက်ပါတယ်။ တစ်ချို့သူတွေကလည်း ဘစ်ခ် အမ်ဘီးရှင်းကြီးနဲ့ကလေးများရှိခဲ့လျှင်ထိုသို့ဤသို့ တာဝန်ယူပစ်လိုက်မည် ဆိုတာမျိုးတွေရေးသားလာကြတယ်။ ဟိုတလောကပဲဖတ်လိုက်ရသေးတယ်။ (:P) ကလေးတွေကိုနားလည်တာ ကလေးမမွေးဖူးတဲ့သူတွေပဲ။ အဲဒီလိုနားလည်တာကလည်း သူတို့ကိုယ်တိုင်မမွေးခင်အထိပဲလို့ မိဘတစ်ဦးမှပြောကြားသွားပါတယ်။

မြန်မာကားတွေထဲမှာဆို မင်္ဂလာဆောင်ပြီး ဆယ့်ငါးမိနစ်အကြာလောက်မှာဆို မင်းသမီးက ရှက်တဲ့အမူအယာနဲ့ တိုးတိုးလေးပြော၊ မင်းသားက မျက်လုံးကြီးပြူး။ လက်သီးဆုပ်ပြီး ... အဖေဖြစ်တော့မယ်ကွ ဆိုပြီး အင်မတိ အင်မတန် ဂုဏ်ယူဝင့်ကြွားတဲ့ အပြုံးနဲ့ ထထခုန်တာတွေ့ရပါတယ်။ မြန်မာပြည်က ကလေး ဆယ့်နှစ်ယောက်မွေးထားတဲ့ တက်စီ မောင်းတဲ့လူကြီးဆိုရင် အခုအချိန်အထိ အဲဒီလိုပဲ ထထခုန်သေးသလား မေးကြည့်ချင်ပါတယ်။ ကံကောင်းလို့ အခုခေတ်လို သဘောထားကြီးတဲ့ ဘုရင်လက်ထက်မလို့ပေါ့။ အရင်တုန်းက စစ်သူကြီးမဟာဗန္ဓုလ ...(ဟို ဓနုဖြူမှာ အရေးကြီးတဲ့နေရာကို မကာကွယ်ထားတဲ့စစ်သူကြီးကိုပြောတာမဟုတ်ဘူး။ ဂေါတမမြတ်စွာဘုရားလက်ထက်က စစ်သူကြီးကိုပြောတာ။) ဆိုရင် သားသမီးများလို့ ဘုရင်က ပုန်ကန်မယ်ထင်ပြီး မဟာကရုဏာတော်နဲ့ကွပ်မျက်လိုက်တယ်။ ကံသီပေလို့ အခုခေတ်မှာ ၁၂ ယောက်မွေးပြီး ဘေးကင်းနေတာ။ တကယ်လို့ သားသမီးနှစ်ဆယ့်ခြောက်ယောက်ရှိတယ်ဆိုပါစို့ .... A to Z နာမည်ပေးထားလိုက်ရင်တောင် ရမယ်လို့တွေးမိတယ်။ D က C,G,E,F ကိုကျောင်းမှာဝင်ကြို၊ B က G,H,I,J တို့ကိုစောင့်နေ၊ A ကထမင်းချက်ထား။ စသဖြင့်တွေမှာရမယ်ထင်ပါတယ်။ မိဘမေတ္တာဆိုတာ ကလေးအရေအတွက်ပေါ်မှာမူတည်ပြီး ကျုံ့နိုင်ဆန့်နိုင်သလားဆိုတာကိုလည်း တွေးမိတယ်။

သားသမီးယုံ စုံလုံးကန်း။ အဲဒါကတော့ နည်းနည်းဒေါသကြီးတဲ့မိဘတွေက နည်းနည်းပြောကောင်းအောင် ရစ်သမ်ကို အသုံးပြုထားတဲ့ စကားပုံဖြစ်ပါတယ်။ အစကတော့ အဖေတူသား အဖေတူသားဆိုပြီး နောက်မှ ယုံလို့ကိုမရဘူးကွာ ဆိုရင် .... ကြားရတာကိုက သဘောပါကြရဲ့လား တကာကြွယ် ဆိုတာမျိုးဖြစ်နေနိုင်ပါတယ်။ သားသမီးကို ယုံတာမယုံတာနဲ့ ကန်းတာမကန်းတာနဲ့ဟာ သိပ်တော့လည်းမဆိုင်ပါဘူး။ ယုံရမှယုံပေါ့။ မယုံရမှန်းသိရက်နဲ့ယုံရင်တော့လည်း နောက်မှ သားသမီးကို အပြစ်တင်တာတော့ လူကြီးလူကောင်း မဆန်သလိုဖြစ်တယ်။ မွေးထားတုန်းကမွေးထားပြီး မယုံမကြည်ဖြစ်ရတာမကောင်းပါဘူး။ ယုံကြည်လောက်တဲ့သားသမီးမဖြစ်လာဘူးဆိုတာကလည်း မိဘ၀တ္တရားမကျေသလိုဖြစ်ပါတယ်။ စောစောကသိရင် မမွေးပါဘူးဆိုတာမျိုးတွေမပြောပါနဲ့။ စောစောကသိရင် အမွေးမခံပါဘူးလို့ပြန်ပြောနေလိမ့်မယ်။ သားသမီးနဲ့မိဘဆိုတာကတော့ စုံလုံးကန်းလောက်အောင်ယုံကြည်ဖို့ကောင်းပါတယ်။ ယုံကြည်မှလည်း နားလည်အောင်ပြောလို့ရမယ်လို့ထင်ပါတယ်။

မင်း ခွေးဖြစ်မယ့်ကောင်ပဲ။ လို့ ဒေါသကြီးတဲ့မိဘတွေက ကရုဏာဒေါသော ဆိုတာကြီးနဲ့ကိုင်ပေါက်ပါတယ်။ကရုဏာနဲ့ဒေါသဟာ ဘယ်တော့မှ အတူယှဉ်ပြီးမဖြစ်တဲ့စေတသိက်နှစ်ခုဆိုတာကို မသိဘဲနဲ့ ဒေါသကိုပဲလူကြားကောင်းအောင် ကရုဏာနဲ့ယှဉ်တဲ့ဒေါသလုပ်တာကတော့ရယ်စရာကောင်းပါတယ်။ ခွေးဖြစ်မယ့်လူဆိုတာမရှိပါဘူး။ ကိုယ်မျှော်လင့်သလို မဖြစ်တာကို ခွေးဖြစ်တယ်လို့ပြောတာဟာ နည်းနည်းတော့ ပါဝါကို အလွဲသုံးစားလုပ်ရာရောက်ပါတယ်။ ခွေးဖြစ်တယ်ပဲထားဦး ...ကိုယ့်သားကို အယ်ဇေးရှင်းဖြစ်စေချင်တာလား၊ ရော့ထ်ဝီလာဖြစ်စေချင်တာလား၊ စိန့်ဘားနတ်ထ်လား၊ ရှီဇူးလား ဘယ်လိုခွေးဖြစ်မှာလဲသေချာအောင်ပြောလိုက်သင့်တယ်။ အခုတော့ ဘာခွေးဖြစ်မှန်းမသိ သားသမီးတွေမှာသနားဖို့တယ်ကောင်းပါလား။ မိဘမေတ္တာဟာ ဆူပူမှုကို အားပေးသလားလို့တွေးမိပါတယ်။

တစ်ချို့မိဘတွေကြတော့ကိုယ့်တုန်းက မရတာတွေကို သားသမီးအလှည့်မှာရစေချင်တယ်။ သား ... အဖေ့အလှည့်တုန်းက မင်းအမေဆူတာနဲ့ Mac Book Pro မ၀ယ်လိုက်ရဘူး။ သား မူကြိုမှာသုံးဖို့ Mac Book Pro ဆိုပြီးဝယ်ပေးလိုက်ကြတယ်။ အဲဒါဟာ မိဘမေတ္တာလား ကိုယ့်အတ္တကိုယ် အစာပြန်ကျွေးတာလားမသဲကွဲပါဘူး။

မိဘဖြစ်ဖို့ ရက်တိုသင်တန်းမရှိဘူး။ မိဘတွေက ကောင်းမယ်ထင်တာတွေလုပ်ရင်းလွဲလွဲသွားတဲ့ သနားစရာလူရွှင်တော်တွေလည်းဖြစ်တယ်လို့ နသန်နီယလ်ဟောသွန်းလား၊ သူတို့အိမ်ကိုနွားနို့ပို့တဲ့သူလား ပြောသွားဖူးတယ်။ မိဘအလုပ်ကမလွယ်ဘူး ဆိုတာလောက်ကိုသဘောပေါက်ရင် သားသမီးတွေရဲ့စိတ်ပိုင်းဆိုင်ရာအခက်အခဲကို အာဂန္တုဖျားလို သဘောထားပြီး ဆေးမြီးတိုတွေနဲ့ကုတာနည်းလာနိုင်တယ်။ မကြိုက်တာမစားနဲ့ ကြိုက်တာပဲစားဆိုရင် ကျွန်တော်တို့တွေထဲက အများစုဟာ သကြားလုံးနဲ့ချောကလက်ကိုပဲ မနက်စာ၊နေ့လည်စာ၊ညစာ အဖြစ်စားခဲ့ကြမှာပဲ။ အစားအသောက်ကျွေးရတာလည်းမလွယ်ဘူး။ အကောင်သေးသေးလေးတွေရဲ့ခေါင်းထဲမှာ ဘာတွေ ပေါက်ပေါက်ရှာရှာတွေးပြီး၊ ဘာတွေ ကြံကြံဖန်ဖန် တောင်းဆိုမလဲဆိုတာကိုလည်း ကြိုမသိနိုင်ဘူး။

မိဘတွေထဲက ၈၀ရာခိုင်နှုန်းကျော်ဟာ ကလေးတွေရမှပဲ ကိုယ့်မှာ မိဘရှိမှန်းသတိရတော့တယ်လို့ နစ်ရှေးလား နစ်ရှေးတို့လမ်းထဲမှာ ဆိုက်ကားနင်းတဲ့သူလား ...တစ်ယောက်ယောက်ပြောခဲ့ဖူးလိမ့်မယ်။ လူတွေက အတော်လေးရယ်ဖို့ကောင်းတယ်။ မိဘကျေးဇူးကိုမဆပ်ဘဲ သားသမီးကျေးဇူးကိုဆပ်နေတာဆိုတဲ့တရားကိုလည်း နာဖူးတယ်။ သားသမီးရတာကိုကလှလှပပ ၀ဋ်လည်တာလည်းဖြစ်နိုင်တယ်။ ကာလ၀ိပါက်နောက်ပိုးတက်ပြီး ရှေ့ပိုးက ပြန်မဆင်းတာမျိုးလည်းဖြစ်ကောင်းဖြစ်မယ်။

တစ်ချို့တွေကလည်း ကလေးမွေးတာကိုပဲ စားသောက်ဆိုင်မှာ အစာမှာသလို Preference ကြီးနဲ့။ ယောကျာ်းလေးပဲလိုချင်တယ်။ မိန်းကလေးမွေးရင် သူတို့အဖေကိုပဲပိုချစ်နေရင် မွေးထားရကျိုးမနပ်ဘူး ...စသဖြင့်။ တကယ်တော့ ကလေးမွေးတယ်ဆိုတာ စစ်တပ်ထဲမှာ အ၀တ်အစားတွေ ပစ္စည်းတွေထုတ်ပေးသလိုပဲ။ ပေးတာပဲယူရတယ်။ မကျေနပ်လို့ပြန်လဲလို့မရဘူး။ ငုပ်ဗီဇတွေ၊ဘောလောပေါ်ဗီဇတွေ ဆိုတာကရှိသေးတယ်။ ကိုယ့်လို ကိုးလိုးကန့်လန့်တွေဖြစ်လာနိုင်တယ်။ ဘာမှ မသေချာဘူး။ ဆရာဝန်နှစ်ယောက်ရဲ့သား စာမေးပွဲမှာတဖုံးဖုံးကျနေတာဟာ ဥာဏ်ရည်ဟာ မိဘကနေ သားသမီးဆီ တိုက်ရိုက်ကြီးရောက်သွားမယ်လို့ အာမမခံဘူးဆိုတာကို ပြနေပါတယ်။ မိဘတွေက တော်လေလေ သားသမီးမှာဖိအားများလေလေပါပဲ။ ပတ်ဝန်းကျင်ကလူတွေက သာမန်လူတွေထက်ပိုမျှော်လင့်ထားတယ်။ အမှားကို သိပ်ခွင့်မပြုတော့ဘူး။ သားသမီးဖြစ်ရတာလွယ်တယ်မှတ်လို့။

မိဘမေတ္တာဆိုတာ တစ်ချို့က ဘတ်စ်ကားတွေမှာ ရေးထားတယ်ဆိုတာလောက်ပဲသိပါတယ်။ မွေးရင်းဖွားရင်း ဆုံးပါးသွားနိုင်တယ်။ သချိ င်္ုင်းကို မျက်စိစွေတဲ့သူ မျက်စောင်းထိုးထားသလို တော်တော်ကြီး မျက်စောင်းထိုးထားခဲ့ရတယ်ဆိုတာတွေကို ကျွန်တော်တို့ စာစီစာကုံးမှာ အများကြီးရေးဖူးပါတယ်။ ကျွန်တော့်ကို အမေမွေးတုန်းက ဘေးနားက ဗိုက်ခွဲမွေးသူတွေက ဟောတစ်ယောက်ဟောတစ်ယောက် အကင်းမဟုတ်ဘဲ တဖြုတ်ဖြုတ်ကြွေပါတယ်။ အရင်တုန်းက ဆေးပညာဟာ အခုဆေးပညာလိုပဲ အာမခံချက်မရှိပါဘူး။ အခုလည်း ဆေးပညာက အာမခံတာမဟုတ်ဘဲ ဆေးပညာ+Cash ကသာ အာမခံတာဖြစ်ပါတယ်။ မယုံရင် ပိုက်ဆံမပါဘဲ ဆေးရုံကြီးမှာ ဗိုက်ခွဲမွေးကြည့်စေချင်ပါတယ်။ သူငယ်ချင်းရဲ့ အသိ ဗိုက်ခွဲမွေးဖို့ ပိုက်ဆံပြန်ယူနေတာကို ထိုင်စောင့်နေပေးတဲ့ ဆရာဝန်ရှိမှန်း သိခဲ့ပါတယ်။ စိတ်ရှည်တာအံ့ရောလို့တောင်ပြောချင်စရာပဲ။ မတော်တဆ တိမ်းပါးသွားရင် ဘယ်လိုခေါင်းစဉ်တပ်မလဲဆိုတာကိုလည်း စိတ်ဝင်စားမိပါတယ်။ ပိုက်ဆံရမှခွဲမယ်ဆိုတာက ငွေမြင်ရင် လင်လုပ်ပါမည်ဆိုတဲ့ ရေသည်ပြဇာတ်ထဲက ရေသည်မိန်းမပြောတဲ့စကားလို ကြည်နူးစရာမရှိဘူး။ ဆရာဝန်တွေဟာ Hippocratic oath ကို အုတ်၊သဲကျောက်ဆိုင်မှာ ရောင်းလိုက်ပါပြီ။ တစ်ခါတည်းမဆိုပဲ မနက်တိုင်း မောနင်း Prayer လိုဆိုရင် မိဘမေတ္တာပြသခွင့်ရတဲ့ မိဘတွေရှိလာနိုင်ပါတယ်။

အကောင်းအတိုင်းမွေးလာရင်ကို မိဘတွေကို ကျေးဇူးတင်။ အဲဒီစကားကိုပြောတာ ဒေါက်တာနော်မန်ဗက်သွန်းဆိုတဲ့သူအကြောင်းမဖတ်ဖူးတဲ့ သုဝဏ္ဏ က ဆရာဝန်တစ်ယောက်ဖြစ်ပါတယ်။ ကလေးတစ်ယောက်မှာ Down syndrome (DS), ဖြစ်နိုင်ခြေ၊ ကိုယ်လက် အင်္ဂါမပြည့်မစုံဖြစ်နိုင်ခြေဘယ်လောက်များလဲသိနေတဲ့သူတစ်ယောက်ရဲ့စကားမို့အတော်လေး တွေးဖြစ်တယ်။ ကံကောင်းလို အားလုံးပါလာတာ။..... ဗိုက်ထဲကရှောရှောရှူရှူ (ခွဲတာနဲ့ထွက်လာတဲ့အတွက်) ထွက်လာတဲ့အတွက် သားသမီးကိုလည်း မိဘတွေက ကျေးဇူးတင်ပုံရပါတယ်။ အပြန်အလှန် အကျိုးရှိတာ။ ဗိုက်ထဲမှာ ကိုးလလောက်နေပေးလိုက်တာကိုက နည်းတဲ့ ကျေးဇူးမဟုတ်ဘူး။ ဟိုတယ်က အခန်းတွေလို ကျယ်ကျယ်ပြန့်ပြန့်လည်းမဟုတ်၊ ဟိုတစ်ခေါက် အဲဒါကိုပြောတော့ ကျောင်းလှူတဲ့သူတွေက ၀မ်းဗိုက်ထဲမှာကို ဟိုတယ်နှစ်ခန်းစာလောက် အကျယ်ကြီးနေရမယ်ဆိုတာကို အသိဘုန်းကြီးကပြောပါတယ်။ အဲဒီတော့ ဗိုက်ထဲမှာ နေရတာကျဉ်းတယ်လို့ခံစားမိတဲ့သူတွေ ကျောင်းလှူပါ။ ကျောင်းတကာကြီးတွေရဲ့အမေဗိုက်ကတော့ ဟိုတယ်နှစ်ခန်းစာပိုပူနေပါလိမ့်မယ်။ ( စိတ်မကောင်းပါဘူးအမေ ....။ :P)

ထူးအိမ်သင်ရဲ့သီချင်းရှိပါတယ်။ အမေ့ရဲ့ဒုက္ခအိ်ုးလေး။ ကြီးလာတော့ ဒုက္ခအိုးကြီးဖြစ်လာနိုင်ပါတယ်။ သားသမီးမွေးရတာကိုက တွက်ခြေမကိုက်ပါဘူး တွက်ခြေကိုက်ချင်ရင်လည်း သားသမီးမမွေးဘဲ အသားစားကြက်မွေးဖို့အကြံပေးချင်ပါတယ်။ လေးဆယ့်ငါးရက်နဲ့ အကျိုးအမြတ်ရပါတယ်။ သားသမီးကတော့ ၂၈ နှစ်လောက်ကြာတော့ မိဘကျေးဇူးအကြောင်းမဟုတ်တာကနေ စစဉ်းစားပါလိမ့်မယ်။ မိဘမေတ္တာဆိုတာ မျက်စိမမြင်တဲ့သူရဲ့ အလင်းရောင်ကို ရှိရင်းစွဲတန်ဖိုးထက် ပိုမြှင့်ပြီးမျှော်လင့်တာမျိုးလည်းဖြစ်နိုင်ပါတယ်။

တစ်ချို့လူတွေကလည်း သားသမီးကို အတော်လေးမျှော်လင့်တယ်။ သားထောက်သမီးခံမရှိရင် ခက်မယ်လို့ပြောကြတယ်။ ထောက်ထားတဲ့သားသမီးဆိုရင်တော့တော်သေးတာပေါ့။ ကိုယ်လဲလဲရော ရှောင်ပေးလိုက်တဲ့သားသမီးနဲ့တွေ့ရင် ပိုနာနေမယ်။ ကိုယ့်ဘာသာ ဖြည်းဖြည်းချင်းလဲတာကတောင် သက်သာဦးမယ်။ သားသမီးရှိမယ်ထင်ပြီးလဲလိုက်မှ ဆန္ဒန်ဆင်မင်း အစွယ်ပြုတ်ကျသံလို ဗုန်းဗုန်း မြေသို့ကျတွေဘာတွေဖြစ်မယ်။ မိဘတွေက သားသမီးရလာမယ်ဆိုတာ သိပေမယ့် သားသမီးတွေကတော့ မိဘရလာမယ်ဆိုတာ သိပ်သိတာမဟုတ်ဘူး။ အဲဒါကြောင့်လည်း တစ်ချို့ဇာတ်လမ်းတွေမှာ မိဘတွေက သေချင်ယောင်ဆောင်ကြ၊ နှလုံးရောဂါကို ပုံကြီးချဲ့ကြ။ သားသမီးသည် မိဘအုပ်ချုပ်ခွင့်ရ ကိုယ်ပိုင်နယ်မြေဖြစ်သည်တွေဘာတွေဖြစ်ကုန်ရော။ သားသမီးတွေက မိဘကျေးဇူးကို သိတတ်တယ်ဆိုရင်လည်း သူ့သဘောနဲ့သူသိတာက ကောင်းပါတယ်။

ကိုယ့်ဘာသာကိုယ်တောင် မိဘမေတ္တာအကြောင်းစဉ်းစားရတာ လုံလုံလောက်လောက် ရှုပ်ထွေးနေပြီးသားကို မနေနိုင်မထိုင်နိုင် Xanthos နဲ့ပြောမိတယ်။ သူကလည်း သူ့ပြဿနာကိုတင်ပြတယ်။ တကယ်လို့ သောတပန်မိဘနှစ်ပါးမှာ အနာဂါမ် သားကြီးမွေးတယ်ဆိုပါတော့ .. သူတို့သားကြီးကို သူတို့က ရိုက်မိတယ်ဆိုပါတော့ ... နည်းတဲ့အကုသိုလ်မဟုတ်ဘူးနော် ..... လို့ပြောပြီး တဟားဟားရယ်နေပါတယ်။( တကယ်တော့ ဒီလိုမမွေးပါဘူး။ သူက အခက်အခဲဖြစ်စေတဲ့အနေထားကိုပဲတွေးကြည့်တာပါ။)

သံသရာအမြင်အရ သူစိမ်းတွေတောင် တစ်ချိန်ကတော့ အမျိုးအရင်းတွေဖြစ်မယ်။ (ကျွန်တော်တို့မုန်းပါတယ်ဆိုတဲ့လူကြီးကလည်း အရင်က ကျွန်တော်တို့ရဲ ဆွေနီးမျိုးစပ်ကြီးဆိုတာကို လက်သင့်ခံဖို့တောင် အတော်အားယူရတယ်။ )အကုသိုလ်များလွန်းလို့ အတူတူ ကျွတ်တန်းမ၀င်သေးဘဲ ကျန်ခဲ့တဲ့သူအချင်းချင်း မာနကြီးနေကြတာလည်းရယ်စရာကောင်းပါတယ်။ ကံသာ အမိ ကံသာအဖ ဆိုရင်လည်း ကံကိုလည်း ကျေးဇူးဆပ်ဖို့လိုကောင်းလိုနေပါလိမ့်မယ်။ လူုအဖြစ်ရဲ့ ရွေးချယ်ခွင့်နည်းပါးမှုတွေထဲမှာ မိဘကိုရွေးချယ်ခွင့်မရတာလည်းပါကောင်းပါမယ်။ သား၊သမီးကို ရွေးချယ်ခွင့်မရတာလည်းပါကောင်းပါနိုင်ပါတယ်။ မိဘမေတ္တာကို မြင်းမိုရ်တောင်နဲ့ယှဉ်ရင် မြင်းမိုရ်တောင်ဟာ နွားချိုပေါက်စလောက်ပဲရှိမယ်၊ မိဘမေတ္တာကို သမုဒ္ဒရာနဲ့ယှဉ်ရင် မဟာသမုဒ္ဒရာတောင် ယုန်ခြေတစ်ထောက်စာလောက်ပဲဖြစ်သွားမယ်ဆိုတဲ့ အတိဿယတွေကို ကျွန်တော်တို့ မကြာမကြာ စာထဲထည့်ရေးပါတယ်။ သားသမီးမရှိတဲ့ အပျိုကြီး ဆရာ၊ဆရာမကြီးတွေတောင် ဒါမှ မိဘမေတ္တာကွ ဆိုပြီး အမှတ်အများကြီးပေးရအောင်ရေးကြပါတယ်။ ... တကယ်တော့ ကျွန်တော်တို့ဟာ For Granted ရတဲ့မေတ္တာတရားတွေကို နားလည်ဖို့ အတော်ကြီး ကွာဝေးနေပါသေးတယ်။ မိဘကလည်း သားသမီးမေတ္တာကို နားလည်ဖို့ကြိုးစားဖို့လိုသလို၊ သားသမီးကလည်း မိဘမေတ္တာကိုနားလည်ဖို့လိုပါတယ်။ တစ်လမ်းမောင်းမေတ္တာဆိုရင် ကွှန်တော်တို့ရဲ့ အပြုံးတွေဟာ အလင်းပြန်နိုင်ကြမှာမဟုတ်ပါဘူး။ ..........

ဒီနေ့အတွက် မေးခွန်းက လွယ်လွယ်လေးပါ။

မိဘမေတ္တာကို သင်နားလည်သလောက် ကိုယ့်ဘာသာကိုယ်ရှင်းပြကြည့်ပါ ဆိုတဲ့မေးခွန်းလေးပါပဲ။

Good Luck Buddies!!!

ခင်မင်စွာဖြင့်

Zephyr

Notes:

အင်မတန်ချစ်ခင်သော မိခင်ကြီးနှစ်ယောက် ရောက်ရာအရပ်များမှ ပြုံးပျော်စေရန်၊

သူငယ်ချင်းများ ရုံးမှနေပြီး မျက်နှာအကြောပြောလျှော့နိုင်စေရန်၊

မိဘမေတ္တာကို ကိုယ်တိုင်ကိုယ်ကျ ပြန်လည်သုံးသပ်နိုင်ရန်၊ အစရှိတဲ့ရည်ရွယ်ချက်များနဲ့ရေးပါတယ်။

စာအုပ်အသစ်တစ်အုပ်ရခဲ့တဲ့နေ့

စာအုပ်အသစ်တစ်အုပ်ရခဲ့တဲ့နေ့


ဒီစာအုပ်ထဲ ဘာရေးရင်ကောင်းမလဲ ........
ရပ်ပစ်ရှစ်ပါး အခန်းဖွဲ့ထားတဲ့စိတ် ... တရိပ်ရိပ် မြန်မြန် တွေးတယ်၊တွေးတယ် ...တွေးတယ်ခင်ဗျ ... တွေးတယ်ခင်ဗျ .............။


ဘာကိုမှ အယုံအကြည်မရှိတဲ့စိတ်ဟာ အားနည်းသတဲ့ ....။ ယုံရမှာပျင်းသူများ အသင်းဖွဲ့ရင်တောင် ပါရမှာပျင်းသူတွေ ... သက်သာသလို နေပါစေလား .....။ စိတ်ချမ်းသာသလိုနေ ... အမှန်တရားကိုချစ် ... ဘ၀ကို ဓာတ်ခွဲခန်းရလဒ်တွေမပါ၊ သချာင်္သက်သေပြချက်မပါ .....၊ တွေးခေါ်မြော်မြင်သူတို့ရဲ့စကားတစ်ခွန်းမပါဘဲနေသွားပါစေလား။ .... ပျော်ရွှင်စွာမဟုတ်ရင်တောင် ..စိတ်မညစ်စွာ။ `


.... အမှားတွေများလာရင် ယဉ်ကျေးမှုဖြစ်သွားသလိုမျိုးကြီး...အသားမကျချင်ဘူး .........။
(သွား)ကိုက်ဖန်များလာရင် ကိုယ့်သွားတောင်နှုတ်ရသေးတယ်မဟုတ်လား။.....


ယုံကြည်တာကိုမှ မရဲရင့်ရင် ဘာမှ ရဲရင့်စရာမရှိဘူး .....။


 ခြေဖျားထောက်ဝင်လာပြီးမှ အိမ်ရှင်မရှိမှန်းသိသွားတဲ့သူခိုးလို .....ဘ၀မှာ မလိုအပ်ဘဲ သတိတွေထားကြ ....စိတ်တွေဖြေလျှော့ကြ ........။ ဟုတ်လှပြီထင်ကြ၊ မဟုတ်သေးဘူးထင်ကြ .....မဟုတ်နိုင်တော့ဘူး နားလည်ကြနဲ့ .....။ ခြောက်ခြားဖွယ်ရာကြီး။


ဟုတ်တယ် ..
ဘ၀မှာ အသက်ရှူဖို့တောင် သတ္တိလိုတယ် .......။


မျက်ရည်တွေအပိုမပါလာတဲ့အတွက် မငိုဖြစ်လိုက်တာကလွဲရင် .... 
စာအုပ်အသစ်ဟာ ကြေကွဲစရာအတိပါပဲ ..........။


Not a poem, but  a brief notes.
Zephyr


Notes:
ငယ်ကတည်းက notes တွေအများကြီးရေးထားတယ်။ ကိုယ်စဉ်းစားထားတာတစ်ခုမှ အမေ့မခံနိုင်ဘူး။ အချိန်ရရင် notes တွေပြန်ဖတ်တယ်။ နောက်တစ်ခါစဉ်းစားတယ်။ ကျွန်တော်တို့ဟာ ဘ၀ကြီးကို လုံခြုံအောင် သေချာကာရံရင်း အကာအရံတွေကြားမှာ ပြန်ပြီး ပိတ်မိသွားတဲ့သူတွေနဲ့တူတယ်။ .. တစ်ခုချင်းစီကတော့ အမှန်တရားပဲ။ အားလုံးပေါင်းလိုက်မှ မှားသွားတယ်။

သဘာဝ

စေတီ... ဆည်းလည်းသံ ..... အမေအို ...ရှိခိုးဦးချ ............

သင့်စိတ်ကိုနာနာကြည့်ပါ .............

တောအုပ်.... သတ်ဖြတ်မှုများ .......သွေးသံရဲရဲ ..... သေဆုံးနေသူများ ........

သင့်စိတ်ကို နာနာကြည့်ပါ ....................။

ကလေးငယ်.......... ရယ်(ရီ)မောနေ ... လက်ကလေးကို ဆန့်တန်းထား .... မိဘရင်ခွင်ဆီသို့ပြေးလာ ........

သင့်စိတ်ကို နာနာကြည့်ပါ ..............

ပိန်လှီညှိုးချုံး ........အေ့ဒ်ကူးစက်ခံ ကလေးငယ် ..........ဆေးရုံရှိ အပေါစားသံကုတင်ပေါ် .......မျှော်လင့်ချက်ကင်းသောမျက်လုံးများ ...........

သင့်စိတ်ကို နာနာကြည့်ပါ .....................။

ကုသိုလ်၊အကုသိုလ်များ၊

ပြုသူ၊ဖြစ်သူများ ........

ကံများ .....

ဝိပါက်များ .......

ပျော်ရွှင်ခြင်း၊ ကြေကွဲခြင်း ခဏငယ်များ ..........

ခံစားသောစိတ်နဲ့ သိသောစိတ်များ ...

သိရုံမျှ ...

ရပ်လိုက်ကြရအောင် ......................သိရုံမျှ ......................................................................

သင့်စိတ်ကိုနာနာကြည့်ပါ။

စိတ်ကို နာနာကြည့်ပါ။

စိတ်ကို စိတ်က သိနေတာကို သိနေပါ။

စိတ်က သူ့အလုပ်သူလုပ်နေတာကို နားလည်ပါ ...........

သဘာဝတရားက သဘာဝတရားထဲ သဘာဝတရားလို နေသွားတာ ..............................။

Zephyr
(သိပ်ကိုမျှော်လင့်ထားတာတွေဟာ အသေးအဖွဲလို၊ ပေါ့တန်တဲ့ကိစ္စလိုဖြစ်သွားရင် လူတွေက ဒဏ်ရာရသွားတယ်။ စိတ်ထဲမှာ ဒဏ်ရာရသွားတယ်။ တစ်ယောက်အတွက် အရေးကြီးတာဟာ တစ်ယောက်အတွက် အပေါ်ယံကိစ္စဖြစ်နေတတ်တယ် .......သိပ်အများကြီးမျှော်လင့်ထားတဲ့သူပဲ ကြေကွဲရတာပါပဲ ....။ စိတ်ထဲမှာ ဒဏ်ရာတွေရှိတယ်။ ဒါပေမယ့် အဲဒီဒဏ်ရာတွေကို ပိုင်ဆိုင်သူနေရာမှာ ကိုယ့်ကိုယ်ကိုမသတ်မှတ်သရွေ့ .....ဒဏ်ရာတွေဟာ မနာကျင်ပါဘူး။ .........မျှော်လင့်ခဲ့ကြတယ်။ ကျွန်တော်တို့ဟာ စိတ်ထဲမှာ ဒဏ်ရာတွေကို နှစ်ပေါင်းများစွာ သယ်ဆောင်သွားလေ့ရှိတဲ့ ..........ခပ်ညံ့ညံ့ကုလားအုတ်တွေပဲ ...........။ ဒီကဗျာကို စိတ်ထဲမှာ ရေးထားတာ လေးနှစ်ရှိပြီ။ အဲဒီတုန်းက သာကေတက မိုးကုတ်ဓမ္မရိပ်သာတစ်ခုမှာ .........။ အဲဒီမှာ ကိုယ့်စိတ်ထဲက ဒဏ်ရာတွေကို ပြန်ရေတွက်တယ်။ လွှတ်ချထားနိုင်တာ လွှတ်ချပြီး မလွှတ်ချနိုင်သေးတာတွေ ဆက်သယ်လာခဲ့တယ်။ တကယ့်ကို အမှတ်တရပါပဲ ........။ ကျွန်တော်တို့ဟာ မကျေညက်တဲ့ သင်ခန်းစာကို ထပ်ခါတလဲလဲ ကြုံရမယ်ဆိုတာကို မေ့နေခဲ့ကြတာပါ။ အခုလည်း သေလာက်တဲ့ ဒဏ်ရာတွေကို အရိပ်တကြည့်ကြည့်မွေးမြူထားတဲ့ ခပ်ညံ့ညံ့ ကုလားအုတ်တစ်ကောင်ဖြစ်နေုတုန်းပါပဲ ..........။ ဆဟားရား (ဆာဟာရ) ကို ချစ်မိကြတဲ့ ကုလားအုတ်တွေရဲ့ တူညီသော ဒဏ်ရာဆိုပါတော့ .............။)

သေသူ၏ မှတ်ချက်များ

သေသူ၏ မှတ်ချက်များ

ဒီလိုပါ ...

ထိချက်တွေများလို့

ဘယ်ဒဏ်ရာက စနာမလဲဖြစ်တာမျိုးပါ။

မှုခင်းရေးရာ ကျွမ်းကျင်သူများ အလိုအရ ..

အသက်ရှူရင်းသေနေပြီလို့သိရတယ်။

ကျွန်တော်ပါ။

ရာဇ၀တ်သားလည်းကျွန်တော်၊

သက်သေလည်း ကျွန်တော်၊

အခင်းဖြစ်ပွားရာလည်းကျွန်တော် ...

အသက်ခံလိုက်ရတာလည်းကျွန်တော်ပဲ။

ဒါပေမယ့် မတော်တဆမှုပါ။

ဘယ်သူ့ကမှ ရုံးချိန်းမခေါ်ပေမယ့်၊

ဘယ်သူကမှလည်း တရားမစွဲပေမယ့်၊

ဘယ်သူကမှလည်း သေစားသေစေမပေးပေမယ့် ...

အဲဒီလမ်းကလေးကို ငေးရင်း ကျွန်တော် ပြစ်ဒဏ်ကျခံပါတယ်။

နှလုံးသားကို လက်ပြန်ကြိုးတုပ်ထားပါတယ်၊

တစ်ချက်တစ်ချက် ..

ကျွန်တော် အဆိပ်ဖြည့်ထားတဲ့ ဆေးထိုးအပ်တစ်ချောင်းကို ဆာလောင်ပါတယ်၊

တစ်ချက်တစ်ချက်

လျှပ်စစ်ကုလားထိုင် လှလှလေးတစ်လုံးကို ဆာလောင်ပါတယ်။

တစ်ချက်တစ်ချက်

ကြိုးတစ်ချောင်းမှာ သစ်သီးတစ်လုံးလို တွဲလွဲခိုနေမယ့် ကျွန်တော့်ခန္ဒာကိုယ်ကြီးရဲ့ ယိမ်းယိုင်နေမှုကို ဆာလောင်ပါတယ်။

ကျွန်တော်ဒီလိုပြောတော့ ... ဆရာဝန်က သနားသလိုကြည့်တယ်။

စိတ်ကိုအေးအေးထားပါဗျာ .... လို့ ကရုဏာသံလို့ သူယုံကြည်ထားတဲ့ အသံမျိုးနဲ့ပြောတယ်။

.........အဲဒီေ-ာက်ရူးကို အခန်းအပြင်ခေါ်သွားလိုက်ပါ ... Please ....။

Agressive လား Territory ကျွန်တော့်ဘာသာကျွန်တော်မသိဘူး။

ကိုယ့်ပိုင်နက်ထဲမှာ Agressive ဖြစ်ပြီး၊

Agressive ဖြစ်နေတဲ့နေရာကို ကိုယ့်ပိုင်နက်လို့ထင်နေတယ်။

ဒရက်ကူး ဘုရင်က ဖောက်ပြန်တဲ့ မုဆိုးမကို အရေခွံချွတ်လိုက်တဲ့ အခန်းကို ကျွန်တော် သုံးကြိမ်ဖတ်တယ်။

မနက်မနက် ကော်ဖီသောက်တယ်။

ဘုရားသခင် ... အဲဒါ ကျွန်တော်နဲ့မတဲ့တဲ့ဆေး ..........။

လူတွေက မရှင်ချင်တဲ့သစ်ပင်တွေကို ရှင်သန်အောင် ကြိုးစားနေသလို ...

ကျွန်တော့်သက်တမ်းကို ဆွဲဆန့်နေကြတယ်။

ဘုရား ဘုရား ... ကျွန်တော် နေရတော့မှာပါလားဆိုပြီး ဇောချွေးတွေပြန်လာတယ်။

လူတစ်ယောက်သေသွားဖို့ မတော်တဆမှုလေးတစ်ခု လောက် ရောက်မလာနိုင်ဘူးလား ....

မလိုအပ်ဘဲခက်နေတာ ဘ၀တဲ။

(ကျွတ်)

(ေ-ာက်အဓိပ္ပာယ်မရှိ)အသုဘခေါင်းတလားကိုလှအောင် ပြင်ဆင်ကြသလို

ကျွန်တော်ခေါင်းဖီးပါတယ်။

မနက်မနက်

ဖော်မလင်ထိုးထားတဲ့ လူသေကောင်ကို မှန်ထဲမှာတွေ့ပါတယ်။

ရေမွှေးဆွတ်ပါတယ်။

မလိုအပ်မှန်းသိပြီး လုပ်နေရတာတွေကို ကျွန်တော်နှစ်သက်ပါတယ်။

ရှင်နေတုန်းက လုပ်ခဲ့တာတွေကို

သေသွားလို့ မလုပ်ဘဲထားလိုက်ရမှာ

ကျွန်တော် ငြင်းဆန်ပါတယ်။

မတော်တဆ ...

ကျွန်တော် ချောက်ကမ်းပါးတစ်ခုထဲ ကားလမ်းချော်ပြီး ကျသွားမလား၊

မတော်တဆ အမူးလွန်ပြီးမောင်းလာတဲ့ ကားတစ်စီးစီးက ကျွန်တော့်ကို တိုက်ချသွားမလား၊

ဦးနှောက်သွေးကြောပြတ်တာမျိုး၊

Terrorist ဗုံးခွဲတုန်းပါသွားတာမျိုး ... တစ်ခုခုပေါ့ ...

တရားနာမလား ...

စိတ်အေးအေးထား

ပြုဖူးတဲ့ ကုသိုလ်တွေတွေး....

(ေ-ာက်ရေးမပါတာတွေ နားညည်းလိုက်တာ) ...

သားလှီးဓားတစ်လက်နဲ့ .. ပန်းပွင့်တစ်ပွင့် လောက်ယူလာပေးပါ .............။

....................................................

ဒီပန်းပွင့်ကို ခုတ်ထစ်ပြီးရင် .......................

တရားပဲနာနာ ..

ပြုဖူးတာပဲတွေးတွေး .....

လေကလေးကို ချွန်လို့ ...............

ကျွန်တော်သွားနိုင်ပါပြီ။ ။

Zephyr

ပရိုင်းမိတ်ဂုဏ်သတ္တိ

ပရိုင်းမိတ်ဂုဏ်သတ္တိ

လူတွေ

ကြံဖန်ပြီးမာနကြီးကြ

...

လူတွေမတိုင်မီ၊

မျောက်တွေ *အော်ရယ်ဆက်စ် နှင့်လေပြီ။

ကမ္ဘာကြီးဆင်ခြင်ဖွယ်၊

ဝေလငါးများ ရေထဲဆင်းသွားကြလေသည်။ ။

Notes:

*အော်ရယ်ဆက်စ်= oral sex

Zephyr

(ခဏလေးဖြတ်ခနဲဝင်လာတဲ့ ကဗျာကို ဖမ်းယူတပ်ဆင်ခြင်း ၁။)

ကဗျာအကျဉ်း

ကဗျာအကျဉ်း

သိပ်ပျော်နေတာနဲ့ ဒီဘက်မှာလာပြီး ကဗျာတွေ ရေးလိုက်တင်လိုက်လုပ်နေတယ်။

ကဗျာတွေ ရောက်မလာတာကြာပြီ။

ရှင့်ကို ကျွန်မ မချစ်တော့ဘူး ဆိုတဲ့ ဇာတ်ဝင်ခန်းထဲက ကောင်မလေးလို ပြောမသွားတာကလွဲရင်။

ဒါမှမဟုတ် ... စိတ်ထဲကို ခေါင်းငုံ့ကြည့်ဖို့ ပျင်းတဲ့ လူတွေနဲ့ ကျွန်မအတူမနေနိုင်တော့လို့ပါ ဆိုပြီး ထွက်သွားတာလား ...တစ်ခုခုပဲ။

ကဗျာထဲမှာ ဘာမှမ ပါဘူး။ စိတ်ထဲက အမှိုက်တွေပါရင်ပါမယ်။

မပါရင်လည်းမပါဘူး ...ခေတ်ကိုလည်းထင်ဟပ်ချင်လည်း ထင်ဟပ်မယ်။ အောင်တိုးတို့၊ ဘိုနီတို့၊ ဘလက်ကီတို့ ၀င်ဟပ်သလို ၀င်ဟပ်မှာတော့မဟုတ်ဘူး။ စိတ်ကျန်းမာရေးအတွက်ဖြစ်ဖြစ်၊ မဂ်ဖိုလ်နိဗ္ဗာန် ရဖို့ဖြစ်ဖြစ်၊ ၀မ်းသွားဖို့ဖြစ်ဖြစ် ကဗျာဖတ်စရာမလိုတာသေချာတာပေါ့။

ကဗျာဖတ်ပြီး ဘာမှလည်း မခံစားရပေါင်ဆိုရင်လည်း ... အဲဒါကမှ ကဗျာရဲ့ ရည်ရွယ်ချက်အစစ်ဖြစ်ကောင်းဖြစ်နေနိုင်တယ်။ ကဗျာဟာ အနုပညာ အစာမကြေ ရောဂါရှိသူတွေကို မူးဝေရာကနေ အော့အန်သေဆုံးတဲ့အထိ ဘေးထွက်ဆိုးကျိုးရှိတယ်။ (ဖတ်ရင် သတိနည်းနည်းထားပါ)။

ကမ္ဘာမှာလည်း ကဗျာရေးသူ၊ ဖတ်သူတွေရှိတယ်။ မြန်မာမှာလည်း ထိုနည်းလည်းကောင်းပဲ။ ကဗျာက ကဗျာအလုပ်ကို လုပ်ချင်လည်းလုပ်မယ်။ သူ့အလုပ်ဘာမှန်းမသိလို့ တ၀ါးဝါးသမ်းဝေချင်လည်း သမ်းဝေနေမယ်။ ကောင်းကင်ကို မော့ကြည့်လို့ ကြယ်တွေမမြင်ရရင် အဲဒီမှာ ကြယ်တွေမရှိဘူးလို့ မဆိုလိုဘူး။ .... ကဗျာတွေကို ငုံ့ကြည့်လို့ .. ကိုယ့်ခြေမပဲကိုယ်မြင်ရတယ်ဆိုရင် ... ခင်ဗျားရဲ့ ခြေမမှာ ကဗျာရှိတယ်မှတ်ပါ။ ။

Zephyr

လမ်းခွဲလဲ့ပြာ

လမ်းခွဲလဲ့ပြာ

ပုလင်းကွဲစများ ... အပြုံးများဖြင့် ကန့်လန့်ဖြတ်အမာရွတ်ဖြစ်သွားသောမျက်နှာ ... ထိထိရှရှဖြစ်စေဖို့မရည်ရွယ်သော လျှာဖျားမှနှလုံးသားဆီသို့ ... အလုံအလောက်သံဆူးကြိုးများ ...။ ထေရီ ... မျက်လွှာချထားသော သူငယ်မသည် ......တိတ်ဆိတ်ငြိမ်သက်လျက်။

သံဆူးပါသော ခုံတစ်ခုံ ...ဖြတ်ခနဲပေါ်လာသောမြင်ကွင်းများ ...ငိုမဲ့မဲ့သူငယ်မလေး ... ငိုမဲ့မဲ့စိတ်ကိုဝတ်ဆင်လျက် ... နောက်ဆုံးပေါက်ကွဲထွက်ရမယ့် အလုံအလောက် မြုပ်နှံထားပြီးသား ... အသေခံဗုံးခွဲသမားရဲ့ အပြုံးတစ်စဟာ လျော့လျော့ကလေး ချိုနေတယ်။ ထေရီ .... မျက်လွှာချထားရာမှ အသက်ကို ရှူထုတ်လိုက်ဟန် .... တည်ငြိမ်သော အကြည့်ကို ရုတ်သိမ်းဟန် .....။ ဖြတ်လတ်ခြင်းကို စွန့်ပယ်ထားသော၊ ကိလေသာနှောင်ကြိုးကို ပယ်ဖြတ်သော၊ ဒဏ်ရာကို အမှတ်ဖြင့်ခွာထားသော အကြည့် .... ။

ဖြတ်ခနဲ လက်နေတဲ့ လရောင် မြစ်ရေ ...။ ခုန်ပျံနေတဲ့ငါးတစ်ကောင်ရဲ့ လက်လက်မွတ်မွတ် အလင်းပြန်မျက်နှာပြင် ........။လရောင်ထဲ ခုန်ဝင်မိတဲ့အခိုက်အတန့် ....ချစ်ခြင်းဖြင့် နေကြတ်ခြင်း၊ လကြတ်ခြင်းများ၊........ တီးတိုးသံေ၀၀ါးချိန် ........... အပြုံးများရှထားသောစိတ်တစ်ခု ဒဏ်ရာမရှိတဲ့ဒဏ်ရာ၊ အလွမ်းမဟုတ်တဲ့အလွမ်း .... ခံစားချက်အစစ်မရှိနိုင်တော့တဲ့ အိပ်ကပ်အလွတ်တစ်လုံး ...ဝေးရမှာကို ကြိုတင်သိနေတတ်တဲ့ အကင်းပါးကျိန်စာ ......။ တချွင်ချွင်မြည်နေတဲ့လက်ကောက်.... လက်ကောက်တွေဟာ တစ်ကွင်းတည်း အသံမြည်လို့မရဘူး .... ရုပ်ကြီးသက်သက်နဲ့ စိတ်ကိုထမ်းပြန်ခဲ့ရခြင်း တစ်စစ်စစ် ......။

ထေရီ .... စိတ်၏ဖြစ်ခြင်းပျက်ခြင်းမှ အပ .....။ ခံစားသူသတ္တ၀ါမရှိသော လောက၊ အရည်ခွံပါးပါး ... အတင်အမြင် ဇာပုဝါကင်းပသောလ၀န်းသို့ ..ရှင်းငြိမ်အေးသက်သော ကိုယ်အမူအယာ .... သင်ငါနှင့် အဝေးသို့ မည်မျှအထိ ............ဆို့နစ်သွားသော စိတ်တွင်းစကားလုံးများ၊ ဆွံ့အသွားသော တစ်ပတ်နွမ်းခံစားချက်များ .... တဖျပ်ဖျပ်ခုန်ကူးနေသော အမျှင်အတန်းတစ်ချို့သည် တိခနဲ ...........။သင်၏လုံလောက်မှုများသည်သာ ကြေကွဲခြင်းတေးတို့၏မြုပ်နှံရဖြစ်ပါရစေ ထေရီ။

ဥပေက္ခာဖန့်ဖန့် လင်းချင်းတောက်ပရုံမျှ ...ပန်းပွင့်များ အသက်ရှုအောင့်ထားကြသလား။ ရနံ့များခြေဖျားထောက်ရပ်နေရာမှ ဖ၀ါးစုံကို ကျကျနနချလိုက်သံ၊ သင့်စိတ်နှင့်ငါသည်၊ သို့တည်းမဟုတ်၊ ငါမဲ့သောသူ၏ ဗလာအကြည့်များသည် ...သင်နှင့်ငါကြားစုရပ်အဖြစ်သတ်မှတ်ထားသောနားလည်မှုသည် ...၊ ငါ၏ ထင်မြင်မှားမိုက်မှုသည်၊ ........ထေရီ၊ ထွက်လေတွင်ပါသွားသော ၀င်လေ၏သက်တမ်းနှင့်ရှင်သန်မှုသည် .... ငါ၏ဘ၀သည်၊ .... အကြည့်အေးအေးများအောက်တွင် .... အလံချသွားသော မျှော်လင့်ခြင်းသည်၊ နောက်ထပ်တစ်ဖန် ထပ်မံသေဆုံးခွင့်ဖြင့် လွတ်ငြိမ်းချမ်းသာသွားသော ၀ိညာဉ်များသည်၊ တောင်ပံမဲ့သော ငှက်များ၏ အိပ်တန်းအပျက်များသည်၊ .... နက္ခတ်များဖြင့်ငြိထွေးပျက်ကျခဲ့သော ယဉ်ယဉ်ကျေးကျေး မတော်တဆမှုများသည် ............ သံသရာကြွေးမြီဟောင်းသည် ၀ဋ်ကောင်အသစ်ဆီသို့တရွေ့ရွေ့ ......................။

ထေရီ ... နိုဝင်ဘာသစ်ရွက်အကြွေလေးတစ်ရွက်ကြွေကျချိန် ......... ........... ............. ...................ဖယောင်းတိုက်ထားတဲ့ညောင်ရွက်လေးထဲက ပြာမှုန်တေးသွား ..........။ အကြင်တရားတို့သည် အကြောင်းကြောင့်ပင်ဖြစ်ကြကုန်၏ .....ကျကုန်ကြ မျက်ရည်။ ... တရားသော အကြင်နာမဲ့မေတ္တာ ...။ ဖြစ်ကြကုန်၏ ထေရီ။ ။

ဒီလိုပါပဲ .. နေရောင်ခြည်အတုဟာ လုံလောက်တယ်။

ဒီလိုပါပဲ .. နေရောင်ခြည်အတုဟာ လုံလောက်တယ်။

ဟ လူမည်းဟာ သမ္မတဖြစ်လာတာ ဘာထူးဆန်းလို့လဲ ငတုံးရ။

အခက်အခဲကာလမှာ ဘယ်လူဖြူကမှ သမ္မတမလုပ်ချင်ဘူးကွ။

မင်းတို့နားမလည်သေးတဲ့ကိစ္စတွေ များပါ့ ….။

ဒီလိုပဲ … ၂၀၁၀ မှာ ဘယ်သူမှအသည်းမကွဲကြတော့ဘူးလို့ စစ်တမ်းတွေထွက်လာ၊

အကြွေးနဲ့ လိင်ကိစ္စအသားပေး ဘ၀နေထိုင်မှုတွေခေတ်စားလာ။

ဘုရားသခင်ဟာ .. သေသလိုလို .. ရှင်သလိုလိုနဲ့ … တစ်ချက်တစ်ချက်ပေါ်ပြူလာ ဖြစ်လာသလိုလို၊

အသားတိုးမွေးမြူထားတဲ့ နောင်တတွေ ဖွံ့ဖြိုးလာခဲ့တယ်။

ရုန်းရင်းဆန်ခတ်ရင့်ကျင့်လာ …။

ဥပေက္ခာအတုတွေနဲ့ မျက်နှာပေါင်းတင်ပြီး …

သံသယတွေနဲ့ နာနာတိုက်ချွတ်ထားတဲ့သွားဖွေးဖွေးတွေလက်ရုံ ပြုံးတုံ့လှယ်ကြ။

သီလကလွဲရင် ကျန်တာတွေလုံတယ်ဆိုတဲ့ အင်္ကျီဟပြဲကိုဝတ်လို့ …

ဟစ်ပ်ဟော့ပ်ဂီတကို နဲ့ ဘိဘောက်စ်စင်း လုပ်လို့ …

ခေတ်ကြပ်ကြီးထဲ တိုးဝှေ့နေကြ ….

ဒါပေမယ့်နွေးတယ်။

ဟေ့ကောင်တွေ .. မူးရင်အိပ် …။

အန်စရာရှိတာအန် …

ပြီးရင် …

ဘ၀ကြီးသာယာတဲ့အကြောင်း ….

သီချင်းဆိုကြရအောင်။

Zephyr

သတိတရ ရေခဲရိုက်ထားသော သတိသံဝေဂတရားတို့သည် .... ကြေကွဲကြကုန်၏

သတိတရ ရေခဲရိုက်ထားသော သတိသံဝေဂတရားတို့သည် .... ကြေကွဲကြကုန်၏

ဟိုးရှေးရှေးတုန်းက

တိမ်တိုက်တွေဟာ အ၀ါ ...

ဆောင်းငှက်ငယ်လေး လည်ပြန်အကြည့် ...

လမ်းဆုံလမ်းခွ မှတ်တိုင်တွေ မြင့်မားရှည်လျားချိန် ...

ခွေးရေပုရပိုဒ် I-Pad

အားလုံးဟာ အ၀ါရောင် သန့်သန့်တွေချည်းပဲ။

နှစ်တွေကို နှစ်တွေက ကြိုးနဲ့ချည်ပြီးဆွဲသွားတယ်။

လတွေကို လတွေက ကွေးညွတ်ဖမ်းဆီးသွားတယ်။

အိမ်မက်အတုနှစ်ခုဟာ အိမ်မက်အစစ်တစ်ခုထက်

အရည်အသွေးရော၊ အလေးချိန်ပါ သာတယ်။

ဒီလိုတောင်တောင်အီအီတွေးရင်း

ပါးကွက်သားတွေ ဖြတ်မယ့်ဦးခေါင်းဆီရောက်သွားတယ်။

ခုတ်ဖြတ်ခံလိုက်ရတဲ့ ခေါင်းပြတ်ကြီးကရော ဘာများပြောချင်ရှာမလဲ ...

ခေါင်းပြတ်ကြီးထဲ ပါသွားတဲ့လျှာ ...

ရည်မှန်းချက်ထဲပါသွားတဲ့ သက်တမ်းဝက် ...

ဘာအသံမှ မထွက်နိုင်ခဲ့ပါဘူး။

တိတ်ဆိတ်ခြင်းမှာ ရစ်သမ်ရှိတယ်။

ငါတို့မကြားရတာကလွဲရင် ...

ရဲရဲရင့်ရင့် ....

နှလုံးသားကို ပန်းလိုဖွင့်ပစ်လိုက်ရင် ဘာများဖြစ်သွားမလဲ ...

ခေါင်းပြတ်ကြီးထဲပါသွားတဲ့မျက်လုံး .... အချစ်၊ အမုန်း စုံလုံးကန်းနေတာပဲ။

အရင်က လည်ပင်းနဲ့ခေါင်းဟာ တစ်ဆက်တည်းရှိခဲ့တယ်။

အသက်လည်းရှိခဲ့တယ်။

အခု လည်ပင်းနဲ့ခေါင်း အိုးစားကွဲပြီ။

အသက်လည်းအိုးစားကွဲပြီ။။

ရောက်တတ်ရာရာစဉ်းစားတယ်။

အောက်ဆီဂျင် ကုန်ခါနီးဆဲလ်တစ်ချို့တစ်လေ ဖောက်ပြန်နေလို့ .......။

အချစ်ကြီးပြီး အမြတ်နည်းနေလို့။

မဟုတ်သေးဘူး ... လွင့်သွားတဲ့ ခေါင်းပြတ်ကြီးနောက် အမှီလိုက်နေလို့ .......။

ခေါင်းပြတ်ကြီး လေထဲဝဲနေတယ်။

တစ်ခါတော့ပြန်ကျလာမှာပါ ...

ပြန်ကျလာမှာပါ ....၊

သူ့ဆီက ဘာမှမမျှော်လင့်မှန်း

ဂဃနဏ ကြီး နားလည်သွားတဲ့ခေါင်းပြတ်ကြီး

လေထဲမှာ ......။

ချစ်သူခင်သူတွေဟာ သိပ်ချစ်တယ်လို့ပြောကြတယ်။

ခေါင်းပြတ်ကြီးက လေထဲမှာ ...

တကယ်လို့ သိပ်ချစ်တယ် နှစ်ခုကြား ခေါင်းပြတ်ကြီး ပြန်ပြုတ်ကျလာရင် ဘယ်လိုဖြစ်မလဲ ...

ငါတွေးတယ်။

ငါတွေးလို့ကို ငါမရှိဘူး။

အတွေးနှစ်ခုကြား ခေါင်းပြတ်ကြီး ပြန်ပြုတ်ကျလာရင်ခက်ပြီ။

သက္ကရာဇ်တွေ တိုက်စားသွားတယ်။

ခေါင်းပြတ်ကြီးကို မော့မော့ကြည့်ရတုန်းပဲ။

ပြန်တော့ကျလာမှာပါ ...၊

ခေါင်းပြတ်ကြီးလေထဲမှာ ...

ကျီးလန့်စာစားဘ၀ကြီး ...

ခေါင်းပြတ်တ၀ဲဝဲ ဘ၀ကြီး

တက်ခေါက်လည်း အပိုပဲ။

ဆဲရေးလည်းအပိုပဲ .......။

အခုလည်း ...

ဘာမှမတတ်နိုင်ဘူး ...၊

ရေးလက်စကဗျာထဲ ခေါင်းပြတ်ကြီးပြုတ်ကျနေပြန်ပြီ။ ။

Zephyr

Notes:

စိတ်ထဲကို ၀င်ဝင်ရှုပ်နေတာကြာပြီ။

အခုတော့ ဒီခေါင်းပြတ်ကြီးကို ခင်ဗျားတို့ကို လက်ဆောင်ပေးလိုက်ပါတယ်။

ရာဇ၀င်တွေဖြတ်ကျော်သွားလိုက်၊ပြန်လိုက်လုပ်နေခြင်းဟာလည်း(သောက်) ဒုလ္လဘ

စကားချီးစ်

အမေ့မွေးနေ့မှာ အမှတ်တရတွေ တော်တော်များများစဉ်းစားပါတယ်။ ပျော်ရွှင်ဖွယ်သားအမိတွေထဲမှာ ကျွန်တော်တို့လည်းပါပါတယ်။ များသောအားဖြင့် ထုံးစံအတိုင်း အမေတွေ စိတ်ရှည်တာကိုသိနိုင်ဖို့ဟာ သားသမီးတွေ သိပ်မလိမ္မာဖို့လိုပါတယ်။ ကျွန်တော်ကလည်း အတော်လေးဆိုးပါတယ်။ လူများတွေနဲ့မဆိုးသမျှ အမေ့ကိုဆို ဆိုးပါတယ်။ ပြောစကားလည်း နားထောင်ဖို့အတော်ခက်တဲ့အမျိုးအစားထဲမှာပါပါတယ်။ အငယ်ကောင်လေးကလည်း ပါရမီမနည်းပါဘူး။ ဆိုးတဲ့နေရာမှာ နှစ်ယောက်စလုံး သူမသာ၊ကိုယ်မသာရှိပါတယ်။ ဒီလိုသားမျိုးတွေနဲ့ အသက်ရှည်ရှည်နေဖို့ဆိုတာ အမေ့အတွက် အတော်လေးတွေးကြောက်စရာ အခက်အခဲလည်းဖြစ်ကောင်းဖြစ်နေနိုင်တယ်။ အမေကတော့ အမေပီပီ သားသမီးတွေကို မကောင်းလည်းမမြင်ပါဘူး။ ဆိုိးလည်းဆိုးတဲ့အတိုင်း ချစ်ခင်တာပါပဲ။

အခုလည်း အမေ့မွေးနေ့မှာ ကဗျာတစ်ပုဒ်ရေးပါတယ်။
ကဗျာလည်းမရေးဖြစ်တာ အတော်လေးကြာပါပြီ။ ကဗျာမှာလည်း (သောက်)ဆိုတာတွေ ခဏခဏပါပါတယ်။ ကြီးလာမှ ပိုပြီး ရိုင်းလာတယ်ထင်ပါတယ်။ စိတ်အခြေခံကိုက ဒေါသများရတဲ့အထဲ ... အခုတလောလည်း နေမကောင်းဖြစ်နေတာနဲ့ စိတ်က သိပ်မရှည်လို့ပိုများဒေါသထွက်လာသလားထင်ရပါတယ်။ အမေဖတ်ဖို့ ရေးလိုက်တဲ့ကဗျာဖြစ်တဲ့အတွက် အမေကတော့ နားလည်ပါလိမ့်မယ်။ အမေ့မွေးနေ့ဖြစ်တဲ့အတွက် ပျော်ပျော်ရွှင်ရွှင်နဲ့ ဘ၀ကို ဖရီးကစ်ကန်သလို အဝေးကနေ ကွေ့ဝိုက်ကန်သွင်းကြည့်တာမျိုးပါ။

အခုလောလောဆယ် အိုရှိုရဲ့ Courage ဆိုတဲ့စာအုပ်လေးကိုဖတ်ရင်း ဘ၀ကိုတစ်ခေါက်ထပ်သုံးသပ်ပါတယ်။ အသက်နှစ်ဆယ့်ကိုးပြည့်ခါနီး ဘ၀ကြီးဟာ အရောင်ပြောင်းလာတယ်လို့ခံစားရပါတယ်။ သတ္တိအကြောင်းကိုလည်းပိုစဉ်းစားဖြစ်တယ်။ ဘ၀ကြီးကို ဖြတ်သန်းနေကြတဲ့သူတိုင်းဟာ သတ္တိအတော်ကောင်းတာပဲလို့တွေးမိတယ်။

အမေ့မွေးနေ့မှာ အမေ အေးချမ်းပျော်ရွှင်ပါစေ။
မပျော်ရွှင်ရင်တောင် စိတ်ချမ်းသာပါစေ။
သားတွေနဲ့အတူ ဘ၀ကြီးကို ငြိမ်းချမ်းစွာဖြတ်ကျော်သွားနိုင်ပါစေ။

Mom, peace B upon U ..dear.


ရာဇ၀င်တွေဖြတ်ကျော်သွားလိုက်၊ပြန်လိုက်လုပ်နေခြင်းဟာလည်း(သောက်) ဒုလ္လဘ

မနက်မိုးလင်းလာတာ၊
မဟုတ်ဘူး၊ အရုဏ်အလင်းဟာ အစာရှာထွက်နေတာ။
တစ်နေ့တာအတွက် မင်္ဂလာပါ ...၊
လှူပါတန်းပါ၊
ရေစက်ချ အမျှဝေပါ ......
ကြေကွဲခြင်းတေးသံတွေကို ခဏလေးမေ့ကြစို့....
ယဉ်ယဉ်ကျေးကျေး မေတ္တာပို့ဖို့ပါ ....
လောကကြီးကို ခဏပိတ် ...
စိတ်တွေကို စိတ်နဲ့ချိတ်ပိတ်ထားလိုက်ပါ။

ဟိုဘက်ကမ္ဘာတခြမ်းက ယမ်းနံ့ဟာ
ဒီဘက်ကမ္ဘာမှာ အသက်ရှူမ၀ဘူး ..................။

အဖြူရောင်ကို ဘာနဲ့ပဲရောရော၊ အဖြူအတိုင်းပြန်မရတော့ဘူး။
အရောင်ကန်းလောကကြီးထဲ ပစ်ချခံထားရတဲ့ ...
ဖြူဖြူစင်စင်စိတ်ကလေး ...
အဲဒီစိတ်ကလေး နာကျင်အော်မြည်နေတာ ...
သင် ကြားရရဲ့လား။

ထွက်ပေါက်တစ်ခုပါမလာတာကလွဲရင်၊
လောကကြီးဟာ နေပျော်ပါတယ်။
သေပျော်ပါတယ်။
ဘာမဆိုပျော်ပါတယ်။

သေချာခြင်းနဲ့လွပ်လပ်ခြင်းကို တစ်ခုပဲရမယ်လို့ *အိုရှိုကပြောတယ်။
ဘာကိုရွေးချယ်ကြမှာလဲ ရဲဘော်တို့ ....။
မသေမချာဘ၀ကြီးမှာ ...
လွတ်လပ်စွာ ...
ဒုက္ခတွေကို ရင်ဆိုင်ခွင့်ကြီး ........
အဲဒီ ဒုလ္လဘကြီးကို .............။

နေ့လည်ရောက်ပြီ။
(သောက်)ဘ၀က မနေရသေးဘူး ...တစ်ဝက်ကျိုးပြီ။
ဇာတိ၊ဇရာ၊မရဏ
ရထားဟာ ထင်သလောက် ဝေးဝေးမသွားတော့ဘူး။
အခုလိုခေတ်ကြီးမှာ ...
နိယာမတရားတွေကွေးကောက်၊
(သောက်)အမှန်တရားကိုတောင် ပြန်ပြန်ဖြောင့်ယူကြရတယ်။

မွန်းတည့်ချိန်ဟာ ကြာတယ်။
လက်ပံပွင့်ချိန်ကြီး လာမွေးခံကြရတဲ့ငါတို့ ...
ကံပေါ့ကွယ်။

မွန်းတည့်တုန်းဘာလုပ်ကြမလဲ။
(ဆေးရိုးလှမ်းမလား။)
တရေးအိပ်မလား။
စပါးလှမ်းမလား။
*မဆာ:ခ်ျ သွားမလား
ခေတ်ကြီးက ရွေးစရာများပါတယ်။

ငါတို့ရဲ့သိမှုဟာ မောဟ။
ကျန်တာတွေမပြောနဲ့ဦး .....
"ရေခမ်းနေတာတောင် ရေလိုက်လွဲနေတဲ့ငါးဟာ ဘယ်လိုခြေကုန်လက်ပမ်းကြနေမှန်းကို မဖော်ပြတတ်လောက်အောင်ပဲ။"
အထက်ပါဝါကျအတွက်ရော မောဟဘယ်လောက်လိုမလဲ။

သံသရာဟာလည်တယ်။
ကမ္ဘာဟာလည်တယ်။
ဝဋ်ဟာ လည်တယ်။
အဲဒီလို လည်နေတဲ့လောကကြီးမှာ .........
မလည်သူတွေ သေသွားတာ ဆန်းသလား။

ဒိုင်နိုဆောတွေ မျိုးတုံးသွားသလို၊
လင်းပိုင်ရဲ့ လက်တွေတိုဝင်သွားသလို၊
လူရဲ့ခြေထောက်တွေခိုင်မတ်လာသလို၊
သောက်ရူးလောကကြီးမှာ
အနူမြူလက်နက်တွေ သူ့အလိုလိုပျောက်မသွားနိုင်ဘူး။

ညရောက်ပြီ .........
ကြယ်ကလေးတွေ၊
ဆောင်းရာသီ သစ်ရွက်ဖျားမှာ တွဲလွဲခိုနေတဲ့ ရေစက်ကလေးထဲကို အလည်လာတဲ့ကြယ်လေးတွေ ....
Sweet December ...
Bitter Memories ...
ညီမျှခြင်းရဲ့တစ်ဖက်တစ်ချက်မှာ နေထိုင်ခွင့်ရသူတွေ၊
..........
ငါပိုင်ဆိုင်တဲ့ညတွေမို့
မအိပ်စက်ပစ်လိုက်နိုင်ဘူး ..................။

*အိုရှို=Osho

*မဆာ:ခ်ျ=massage=အနှိပ်ခန်း

Notes:

လူအဖြစ်မှာ သပိတ်ဝင်အိတ်ဝင်ရခဲ့တဲ့နောင်တတွေ ပြောင်စင်အောင်ပွတ်တိုက် ...

စိတ်မိုက်တို့သွားရာလမ်းသို့မလိုက်ပါစေဘဲ..... ကဗျာရေးခြင်းဖြင့်သာ ပြစ်ဒဏ်ဆပ်ဖြေနေရတဲ့ဥခွံလို အမိုက်မှောင် ... စီစီရီရီဖြန့်ကြဲထားသော ခရမ်းရောင်မွဲမွဲတိမ်တိုက်တွေ .........ငုံ့မိုးကိုင်းအုပ် အမှောင်ကို လက်ပြန်ကြိုးတုပ်ထားတဲ့အလင်းဖန့်ဖန့်တစ်မျှင်တစ်လေ .....

အလှထားဖို့လောက်သာကောင်းတဲ့ ဘုရားစင်ပေါ်က ကျည်ဆံခွံ ပန်းအိုးတွေ .......

Pain is good ဆိုတဲ့ အလွမ်းတွေ လက်တန်းစပ်ဆိုနေတဲ့ သာသာယာယာ နာကျင်မှုတွေ၊

မနက်ဖြန်မှာဆက်လက်မလိုအပ်တော့တဲ့အရောင်ဟာ ဘာအရောင်ဖြစ်မလဲ။ စိတ်ကို ထိုးခွဲ... ဒဏ်ရာတွေကို နှိုက်ယူသွားတဲ့လက်ဟာ ဘယ်လို လက်မျိုးဖြစ်မလဲ ....။ ကောင်းကင်မှာလောင်နေတဲ့မီးကို ဘာနဲ့ငြှိမ်းရမလဲ ....။မေးခွန်းတိုင်းမှာ မေးခွန်းပါလို့စိတ်ကို လှုံ့ဆော်လိုက်တာလေး ဘာလို့ ပါမသွားတာလဲ။

Zephyr

Elder Son of Manorhary

အသက်မပြည့်မီရေးဖြစ်လိုက်သောကဗျာ

အသက်မပြည့်မီရေးဖြစ်လိုက်သောကဗျာ

သို့ Snow

ငါတို့ ချစ်ခြင်း ... စသဖြင့်

ခရေပန်းတွေ သီထားမယ် ... မနက်ဖြန်မနက်

ဘုရားကျောင်းဆင်းရင် ပြုံုးလိုက်ပါ .........မဟုတ်ဘူး .... ကားပေါ်ကနေ ... လှည့်ကြည့်ပါ။

မဟုတ်ဘူး ...... ကျမ်းစာထွက်ဖတ်ရင် ငါ့ကိုတစ်ချက်ကြည့်ပါ။

ငါတို့ ...

ဘုရားစကားသင်တန်း ......လှေကားထစ်မှာ ...

တစ်ယောက်နဲ့တစ်လောက် ၁၇ လက်မအကွာမှာထိုင်နေရင်း

တစ်ယောက်စိတ်နဲ့တစ်ယောက်စိတ် ... ဘယ်လောက်ထပ်တူဖြစ်နေလဲ ...။

သတိမထားမိဘူး ............

Snow ... ငါတို့ရဲ့ puppy love ... မဟုတ်ဘူး

နှလုံးသားကိုဗဟိုပြုသော ငလျင် ......

မဟုတ်ဘူး ... အသိဥာဏ်နဲ့သိပ်မပတ်သတ်တဲ့ အိမ်စာတွေ ...။

်

ကျောင်းမှန်းကန်းမှန်းသိအောင်

လွမ်းပစ်လိုက်တယ်။

ဆောင်းရာသီများစွာ ...

... ဘာလို့လဲ ..............

ငါတို့ ...............ခွဲရမယ် .......သန်ဘက်ခါ ...........

ဘယ်တော့လဲ .............ပြန်မတွေ့ရရင် ပြန်လာမှာလား ...........မသိဘူး ..........

ဘုရားသခင် အလိုတော်အားဖြင့် ... ငါနင့်ကို နမ်းလိုက်ရမှာလား။

Excuse Me , snow ... ကျေးဇူးပြုပြီး မငိုလိုက်နဲ့နော် ....................။

ထွေရာလေးပါး ......

မဟုတ်ဘူး ရောက်တတ်ရာရာ ..........

နင့်ကိုသတိရတဲ့အခါ ရေးဖို့ဆိုတဲ့စာအုပ် အလွတ်လေးထဲမှာ ..........

အခုအထိလည်းဗလာ၊

အဝေးကြီးကိုငေးရတာကြာတော့ ...........အဝေးကြီးဆိုတာဘယ်နားလဲ ........မျက်တောင်တဆုံးလွမ်းတတ်သူတွေ အမနာပပြောသလို ..........

နှလုံးသားခဲတစ်ပစ်စာ အကွာအဝေးလား ...........

ရိုသေစွာဖြင့်ရေးလိုက်သော စာတွေလား .............

ကျောင်းသွားရင်း ရထားပေါ်မှာ အိပ်ပျော်တယ်ဆိုတဲ့ စာတွေလား .......

ငါနင့်ကို လွမ်းတယ်ဆိုတဲ့ စာတွေလား ...........

မသိဘူး ........ ပြန်လာလို့ရရင်ကောင်းမယ်။

စိတ်ထဲမှာ

ဘုရားကျောင်းလှေကားမှာ ...

ခရေပန်းပင်အောက်မှာ ...

အရိပ်တွေသွားသွားကောက်တယ်။

စာအုပ်ထဲကိုထည့်တယ်။

အဲဒီအလုပ်ကိုပဲ နှစ်နှစ်ဆယ်လုပ်ကိုင်တယ်။

Snow...

ပြန်တွေ့တဲ့အခါ ..........

R.I.P...........

နင့်ကိုနမ်းရမလား ........

အဲဒီ ငြိမ်သက်စွာလဲလှောင်းနေတဲ့ကောင်မလေး၊

သွေးပြန်နွေးလာတဲ့အထိ ............

အပြာဖျော့ဖျော့ အုတ်ဂူလေး ........

ပြီးတော့ အပြုံးဖျော့ဖျော့နဲ့ကောင်မလေး ...........

ငါ့ကို သတိရကြောင်းတစ်ချို့တစ်လေနဲ့ ဒိုင်ယာရီ ......

ကားကိုဖြေးဖြေးမောင်းပါ......

ငါ့ဆီကိုပြန်လာဖြစ်တဲ့အခါ ........

ဘုရားသခင်နာမတော်အားဖြင့်

ငါနင့်ကိုနမ်းလိုက်ပါရစေ။ ။

Notes:

Dedicated to Snow .

puppy love ဆိုတာကတော့ ငယ်ရွယ်သူတွေ ငယ်တုန်းမှာ အချစ်ဆိုတာကို ရှိတယ်ထင်ပြီး အထင်မှားပြီး၊ (တစ်နည်း) ယုံကြည်ပြီး၊ နှလုံးအခုန်မြန်တာကို အချစ်လို့ထင်ပြီး၊ အလွန်အကျွံ လေးနက်လိုက်တာမျိုး။

ကြီးလာတော့ အချစ်ဆိုတာ လိုအပ်ရင် နားလည်ခြင်းတွေဆီကနေ ချေးငှားယူလို့ရတဲ့ မနှုတ်လောက်တိုင်း ချေးလို့ရနေတဲ့ ကိန်းရင်းတစ်ခုလောက်ပါပဲ။ အတိတ်ကို အတိတ်မှာ၊ပုလိပ်ကိုဂိတ်မှာ ...ထားနိုင်ရင်ကောင်းတယ်။ မထားနိုင်ရင် ခံစားချက်ဆိုတဲ့ အသုံးမ၀င်သလောက် ဒုက္ခပေးတဲ့ အူအတက်လို အရာတွေ စိတ်ထဲမှာဖောင်းပွလာနိုင်တယ်။

မချစ်ရရင်သေမယ်၊ဘာမယ်ဆိုတာတွေမကြားရတာကြာပြီ။ ကဗျာထဲတွေမှာလောက်ပဲတွေ့ရတော့တယ်။ အခုဆို ကဗျာထဲတောင်မပါရှာတော့ဘူး။ အဲဒီလို အယူမှားတွေကင်းစင်ဖို့ အချစ်ကို လိုတာထက် တန်ဖိုးမမြှင့်ထားဖို့၊ လိုတာထက်ပိုပြီး မပြောထားဖို့လိုတယ်။

တကယ်လည်း ဘယ်လောက်ချစ်ချစ်၊ သူ့မိဘလောက်တော့ကိုယ်က အရိပ်တကြည့်ကြည့် ကောင်းနိုင်ဖို့မလွယ်ဘူး။ အားလုံးထက်ပိုချစ်မယ်၊ဘာညာတွေကလည်း နားထောင်ရင်သာ သဘောကျစရာလိုလိုဘာလိုလိုနဲ့ အမှန်က ကြော်ငြာဆန်တယ်။ .... အမှန်တရားကို တန်ဖိုးမထားတတ်တဲ့နေရာမှာပဲ လိမ်ညာပြောတဲ့ ယဉ်ကျေးမှုထွန်းကားလိမ့်မယ်။

အချစ်ဆိုတာ တစ်ချိန်က ကိုက်သွားတဲ့ခြင်ကိုက်ဖုလေးတစ်ခုလောက်ပါပဲ။

အဲဒီတုန်းကတော့ အရိပ်တကြည့်ကြည့်ပေါ့ ....။

ဒီထက်မပိုပါဘူး။

ခဏခဏ ကုတ်ကုတ်ပြရင်တော့ ... အကျင့်ပါနေတာဖြစ်မယ်။

ဒီပြဇာတ်ဟာ ပြင်ဆင်လို့မရတော့ဘူးမေမေ …။

ဒီပြဇာတ်ဟာ ပြင်ဆင်လို့မရတော့ဘူးမေမေ …။

၁။

မေမေ …
မေမေ …
မေမေ ….. ဒီလိုတိုးဖွဖွလေး …
ခေါ်နေခွင့်ရချင်တယ် …………………မေမေ။

မေမေ့ဝမ်းဗိုက်မှာ …
ချုပ်ရာ တစ်ဆယ့်သုံးချက် …
မေမေ့ရင်ဘတ်ထဲမှာရော … သားအတွက် ဒဏ်ရာဘယ်နှစ်ချက်ထပ်ရခဲ့လဲမေမေ …။

၂။

မေမေ …
သားကဗျာတစ်ပုဒ်ရေးနေတယ်။
မေမေ့ကို သတိရတဲ့အကြောင်းတွေရေးမယ် …၊
ကြယ်တွေကြွေသွားတိုင်း ကောက်ထားချင်တဲ့သားက
အမေ့ကို လွမ်းမိတဲ့တရားမှာ …နာဖျားခဲ့မိသလောက်ပေါ့မေမေရယ် ….။

မေမေ …
အေးချမ်းနေတဲ့ မိုးမခပင်ကြီးတစ်ပင်ဟာမေမေပဲပေါ့ …
သူ့အရိပ်နဲ့ သစ်မြစ်လေးတွေလုံအောင် …
နေပူထဲမှာ ခါးကိုင်းရပ်နေရှာတယ်။

မေမေ ..
အမေဖြစ်ရတာ တွက်ခြေမကိုက်ဘူးနော် …၊
အဲဒီလိုမေးတိုင်း မေမေရယ်နေခဲ့တယ်။

၃။

မေမေ …
သစ်ပင်တွေဘာလို့စိုက်တာလဲမေမေ …
သူတို့ကို ဂရုစိုက်နေရတာမေမေ မပင်ပန်းဘူးလား …။
သားကရော မေမေစိုက်ထားတဲ့သစ်ပင်တစ်ပင်လားမေမေ ….
… မေမေ … ဒီအပင်ကအသီးလည်းမသီးဘူးမေမေ … ခုတ်လိုက်ကြရအောင် …
မေမေ … ဒီအပင်က ဆူးတွေ အနာလိုပေါက်နေတယ် ….
မေမေ … သစ်ခွပင်လေး ဖူးနေပြီ … ပွင့်ရင် ရောင်းလိုက်ရအောင်နော် …
မေမေ … ပန်းအလှပြင်တာ ပိုက်ဆံမရဘူးနော် … ပိုက်ဆံရတာ တစ်ခုခုပြောင်းလုပ်ကြရအောင်။
… မေမေက ရယ်ပဲရယ်နေတာပဲ …..။

၎။

မေမေ … အမြန်ပြန်လာခဲ့တော့ …သားဒီမှာ နေမကောင်းဘူး။
မေမေက စာမတတ်သေးလို့ သူတို့က ပညာတော်သင်ပို့ထားတာမဟုတ်လား … စာတွေရပြီလားမေမေ ….။
နှင်းတွေယူခဲ့ပါမေမေ …
သားကိုထားခဲ့တဲ့အတွက် မေမေ့ကို နည်းနည်းမုန်းနေတယ်။
ဒီနေ့ သား တင့်ကားပုံဆွဲတတ်သွားပြီ …
မေမေ စစ်တိုက်စရာရှိရင်ပြောနော် ….
God Bless U mummy.
မေမေ ငိုမနေနဲ့ဦးနော် ….။

၅။

မေမေ … သားကိုကျောပိုးထားရတာ ညောင်းလား။
သားကြီးလာရင် မေ့ကို ပြန်ပိုးမယ်နော်။
မေမေ … သားကိုလွမ်းနေတာလား …
မိုးကာအသစ်ဝယ်ပေးနော် …
ဒီနေ့ဟင်းကောင်းကောင်းချက်ထားရဲ့လားမေမေ၊
ဒီနေ့ကျောင်းမှာစာတွေအများကြီးသင်တယ်မေမေ၊
အိမ်ရောက်မှ သားပြန်ဆိုပြမယ်နော်
သားပညာတတ်ကြီးဖြစ်ရင်မေမေပျော်မှာလား …
မေမေ … သားကိုဖက်ထားနော် …။
မေမေက အမြဲနွေးနေတာပဲ …။
သိပ်ချစ်တယ် မေ့ကို …..။

၆။

မေမေ …တိမ်တွေကိုချစ်တယ်မလား။
သားလည်းတိမ်တွေကိုချစ်တယ် ….။
သားတို့နေ့တိုင်းလာကြည့်လို့ရမလား။
မေမေ ဟိုးက နွားတွေက မြက်စားနေတာလားမေမေ။
သူတို့ရော အစားစားခါနီး ဘုရားစာဆိုလား။
မေမေ … တိမ်တွေက သားတို့ကိုပြုံးပြနေတယ်နော် …။
သားတို့ ပြန်ပြုံးပြ ကြရအောင်နော် …။

၇။

မေမေ …
ကြယ်တွေကြွေတယ်မေမေ ….
ပန်းတွေလည်း ကြွေတယ် …
…
………
……………..
အခုသား ကြီးလာပြီမေမေ …
မေမေ့ကို ပြန်ချီပိုးမယ်မေမေ …
မေမေ့ကို ပြန်စိုက်ပျိုးမယ် …
…..
………..
………………
သားကို ထားသွားခဲ့လို့ မေ့မေ့ကိုနည်းနည်းမုန်းနေတယ်မေမေ ….။ ။

Zephyr…
Composed not by words but by teardrops …

မေ့ထားလိုက်ကြရအောင်လား ....

မေ့ထားလိုက်ကြရအောင်လား ....

အနမ်းများမရှိခဲ့သလို.... အနမ်းတစ်ခုမှာ ကိုယ်ချစ်မြတ်နိုးကြောင်းမပါဝင်ခဲ့သလို .....
ဖြစ်တန်စွမ်း အရ ကောင်းကင်က ကျလာတဲ့ တံပိုးပေါက် မျက်မမြင်လိပ်ကြီးရဲ့ခေါင်းမှာစွပ်တယ်ဆိုတဲ့ဆိုရိုးစကားလို ... ငါ့ရင်ခွင်ဘယ်ဘက်ခြမ်းတစ်ခုလုံး ရုတ်တရတ် အရည်ပျော်ကျသွားတဲ့ ဝေဖာခွက်ထဲက ရေခဲမုန့်တွေလို ...... မင်းမျက်လုံးထောင့်စွန်းက မျက်ရည်စတွေမကျခဲ့သလို ................. အဲဒီလိုမျိုးနဲ့အလားတူ ကိစ္စတစ်ခုလို ....ထားလိုက်ကြရအောင်။
ခဲရာခဲဆစ်ယူခဲ့တဲ့ဒုက္ခတွေ အချိုကုန်သွားတယ်လို့သဘောထားကြည့်မယ် .......။ လာရာလမ်းအတိုင်းပြန်ဖို့မဖြစ်နိုင်တဲ့အခါ ...တစ်ယောက်တစ်လမ်းစီသွားကြမယ် .....။ တစ်ယောက်လမ်းမှာ တစ်ယောက်မရှိတော့သလို ...တစ်ယောက်ကိုတစ်ယောက်က သာမန်မိတ်ဆွေတွေလို ...တစ်ယောက်ရဲ့ အနွေးဓာတ်အတွက် တစ်ယောက်က ပူလောင်အိုက်စပ်နေသလို ...တစ်ယောက်ကိုတစ်ယောက်မေ့လိုက်တာသေချာလို့ .... စိတ်ထဲကို ငုံ့ကြည့်မိတိုင်း ဗလာ .............။ အမြန်သွားနေတဲ့ရည်ရွယ်ချက်ဟာ ဘာလဲလို့ မေ့လျော့ခြင်းတွေကို မေးတယ်။ အမြန်သွားနေတဲ့ရည်ရွယ်ချက်ဟာဘာလဲလို့ မျက်ရည်စီးကြောင်းကိုမေးတယ် .....။ အမြန်သွားနေတဲ့ရည်ရွယ်ချက်ဟာ ဘာလဲလို့ စက်တင်ဘာကိုမေးတယ်။ ဆန့်တန်းထားတဲ့လက်တံတွေကို ခွေလိပ်လိုက်ကြရအောင်။ ကွဲတတ်တဲ့ဖန်ခွက်ကလေးကို လက်ဆောင်မပေးဖြစ်တဲ့စိတ်၊ အခိုးအငွေ့ ပြာမှိုင်းမှိုင်းတွေနဲ့စက်တင်တစ်ခုရဲ့ လူရိုးခေါင်းခွံလေးကို ခေါက်လို့ထွက်လာတဲ့အသံကို တမြည့်မြည့်ဝမ်းသာနေတဲ့ အရူးတစ်ယောက်လို ........... အကြောင်းမရှိဘဲ ရယ်ရင်းမောနေတယ်။ .... ခွက်ထိုးခွက်လန်ကြေကွဲနေတဲ့အခါ ........ မော့သောက်မိခဲ့တဲ့ မိုးခါးရည်အရေအတွက်ကို မေ့ထားချင်တယ်။
တရွေ့ရွေ့ ...........
အဲဒီအကွာအဝေးကို အကွာအဝေးတွေနဲ့မြှောက်ပြီး ကွာဝေးလိုက်တယ်။
ဒီတစ်ခါနောက်ဆုံးဆိုပြီး တစ်ယောက်ကိုတစ်ယောက် ကြက်ခြေခတ်တွေကိုကြည့်သလိုကြည့်ခဲ့ကြ။
နောက်ဆုံးရဲ့နောက်မှာ ဘာမှမရှိတော့ဘူးဆိုတာသိနေရတာလေးကို ပြန်မေ့ထားရင်းသိနေကြတယ်။
ကြေကွဲနေတယ် ........။ စိတ်တွေကလည်း ကွဲကြေလို့ ...........။ စိတ်တွေကို ဘယ်သူခွဲသွားသလဲ ..........။ စိတ်တွေကရော ကြေကွဲလွယ်မှန်းသိရင် လုံလုံခြုံခြုံထုပ်ပိုးထားခဲ့ဖို့ကောင်းတယ် .......။ နှလုံးသားအစစ်တွေအတွက်တော့ အလွမ်းအစစ်နဲ့ပဲသင့်တော်တယ် .... အိပ်မပျော်တဲ့ည ...ငါတကိုယ်တည်းရေရွတ်တယ် .....။ အိမ်မက်တစ်ခုတည်းရှိလို့ တစ်ယောက်တစ်ခြမ်းစီပဲမက်ခဲ့ရတယ် ......။ အနမ်းတစ်ခုတည်းရှိလို့ တစ်ယောက်ကိုတစ်ယောက်က နမ်းခဲ့ကြတယ် .....။ ကောင်းကင်ကိုမော့မကြည့်ချင်ရုံသက်သက်နဲ့ .... မြေကြီးတွေကိုငုံ့ကြည့်နေလိုက်တယ် ........။ စက်တင်ဘာတစ်လလုံး ....။ စက်တင်ဘာတစ်သက်လုံး ..........။စက်တင်ဘာ သံသရာတစ်လျှောက်လုံး ......။

တိမ်ခရီးသွားများနှင့်အတူ

တိမ်ခရီးသွားများနှင့်အတူ

အလောတကြီး ........

ကသုတ်ကရတ် ..... နောက်ကျမှာစိုးလို့ အပြေးတပိုင်းနှင်နေသလို ......... အပြာရောင်နောက်ခံရှေ့က ဖြတ်ပြေးသွားတဲ့ ကြွက်ဖြူလေးတွေလို .... ။

သူတို့နဲ့အတူ အိမ်ပြန်သွားတဲ့စိတ် ....

အခုလောက်ဆို အမေ့အိမ်ရောက်ပြီ။ ။

Zephyr

Notes:

ဘ၀မှာ အရေးအကြီးဆုံးတွေကိုရေတွက်တိုင်း အမေ့ကို ရှေ့ဆုံးမှာထားမိတယ်။

ဘ၀ထဲက ထွက်ခွာသွားတဲ့အမေ၊ ဘ၀ထဲကို ၀င်ရောက်လာတဲ့အမေ ...အမေ အမျိုးအစားခွဲလို့မရအောင်ပဲ အမေ့ကို အမေလိုချစ်တယ်။

အမြဲတမ်းလိုလေးသေးမရှိ ဂရုစိုက်တတ်တဲ့အမေ့ကို သတိတရနဲ့ ကောင်းကင်ကိုမော့ကြည့်နေမိတာ အတော်လေးကြာပါပြီ။ ........ဒီလိုနဲ့ ........တိမ်တွေဖြတ်ပြေးတဲ့ညနေလေးမှာ ဒီကဗျာလေးကို ရလိုက်ပါတယ်။

အကွာအဝေးတွေဘယ်လောက်ပဲရှိရှိ ... အမေ့မေတ္တာနဲ့ နွေးထွေးလုံခြုံတယ်လို့ အမြဲခံစားရတယ်။

အမေတွေဟာ အပြောင်းအလဲမရှိတဲ့ရေစီးကြောင်းလို တစ်လမ်းမောင်းမေတ္တာတွေနဲ့ ...........။ ကျွန်တော်တို့ရဲ့ တလွဲတချော်မာနတွေကို ဖျောင်းဖြနှစ်သိမ့်ဖို့ အပြုံးအေးအေးတွေနဲ့ .....။ အမေတွေကို ကျွန်တော်တို့မလိုအပ်တော့ဘူးလို့ ပြောရမယ့်နေ့တစ်နေ့ဟာ သံသရာတစ်လျောက်လုံးဘယ်တော့မှရောက်မလာပါဘူး။

ကျွန်တော်တို့ဟာ မိဘမေတ္တာကို For granted ရခဲ့လို့တန်ဖိုးမထားတဲ့သူတွေ မဖြစ်စေရဘူး။ .... ဒီကဗျာလေးမှာ ကျွန်တော့်အမေကို ကျွန်တော်သတိရကြောင်းပါတယ်။ ........... အိမ်ပြန်နေတဲ့တိမ်တွေဟာ ကျွန်တော်တို့ရဲ့စိတ်တွေနဲ့အတူတူပဲ ..........။ ကျွန်တော်တို့ပြန်ပြေးရမယ့်နေရာဟာ အမေ့အိမ်ပဲရှိတယ် ..........။ ကျွန်တော်တို့ဘ၀ရဲ့ နောက်ဆုံးခံတပ်ဟာ အမေ့ရင်ခွင်ပဲဖြစ်လိမ့်မယ် ...............။

I love you so much mom .... :)

Peace B Upon U ..................

သားZ

အိမ်ပြန်ချိန်တိမ်တိုက်များနှင့်ပတ်သက်

အိမ်ပြန်ချိန်တိမ်တိုက်များနှင့်ပတ်သက်၍

အိမ်ပြန်ခက်တဲ့ရောဂါ ....

ညနေခင်းတိုင်း .... အဖျားတက်သလို .......၊

မျက်တောင်လေးကိုငေးရင်း နာရီတွေ အပြေးမြန်လာတာလားလို့တွေးတယ် ........။

ခဏလောက်ဖြစ်ဖြစ် အချိန်ကုန်အောင် မြေပေါ်မှာလူးလှိမ့်ပြတဲ့ ဘောလုံးသမားကိုမုန်းတယ်။

နာရီတီထွင်သူတွေကိုမုန်းတယ်။

MRT ကိုမုန်းတယ်။

ခွင့်ပြုချက်မရဘဲ တို့နှစ်ယောက်ကြားဖြတ်သန်းတိုက်ခတ်သွားတဲ့ လေပြည်ညင်းကိုလည်းမုန်းတယ်။

အရှေ့အရပ်မှာနေထွက်သတဲ့လား ....။

လွန်သွားတဲ့ဘူတာတွေများပြီ ...............။

မနက်ခင်းမှာ .....

ညနေခင်းမှာ ......

နှလုံးခုန်ချက်တိုင်းမှာ .... အိမ်ပြန်ခက်တဲ့ရောဂါ .... Home sick လိုလို ... Love sick လိုလို ......။

အိမ်ပြန်ဖို့လက်တွဲဖြုတ်လိုက်တဲ့တဒင်္ဂမှာ ...

လွမ်းဆွတ်ခြင်း ရာသီ ဟာ တွားသွားဝင်ရောက်လာတယ်။

နောက်ဆုံးထွက်တဲ့ရထားမှာ နောက်တစ်နေ့စာ အိမ်မက်တွေနဲ့ ...

အိမ်မက်တွေရဲ့နောက်မှာ တယ်လီဖုန်းဆက်ဖို့ကြိုးစားနေတဲ့လူတစ်ယောက်လည်းပါတယ်။ ။

Zephyr

မနက်ခင်း ဆင်မ်ဖိုနီ

အချစ်ကဗျာ ဓာတ်ခံက သိပ်မရှိတော့ .. မိသားစုက ချီးကျူးတယ် ... ကိုကိုက The worst poem တဲ့ ...။ သူကတော့ အခုအထိ တစ်ပုဒ်မှမရေးသေးဘဲ ပက်ပက်စက်စက်ဝေဖန်သွားတယ် ....။ အခု ဆယ်နှစ်သားအရွယ်မှာ ပြောထားဦးပေါ့လို့ မပြောလိုက်ရဘူး။ အမေကတော့ ရည်းစားစာကြီးနဲ့တူနေတယ်တဲ့ ....။ အဲဒါကြောင့်ပြောပါတယ် ....။ အချစ်နဲ့ပတ်သက်ရင် ကဗျာလေးတောင်မှ ကောင်းကောင်းမရေးနိုင်တဲ့ဘ၀ပါလားနော် ....။ ဒါပေမယ့်မလျှော့သေးပါဘူး .. ထပ်ပြီး ရေးကြည့်ပါဦးမယ် ....။ Prose Poetry အမျိုးအစားထဲကတစ်ခုကို သဘောကျနေလို့ အဲဒီပုံစံမျိုးရေးပါတယ် .....။ ..... ပျော်ပျော်ပါးပါးသဘောထားပြီးဖတ်သွားလိုက်ပါဦး ....။

မနက်ခင်း ဆင်မ်ဖိုနီ

ကိုးနာရီပန်းတွေဟာ နေရောင်ကိုမော့ကြည့်နေတယ် ….။ နေရောင်ခြည်ဟာ ကိုးနာရီပန်းပွင့်လေးကို ငုံ့ကြည့်နေတယ်…. တိမ်တွေတွဲထားတဲ့လက် … အဲဒီမနက်လေးတစ်ခုစာလွမ်းတယ်။

ဆန်စေ့လေးကိုက်ချီနေတဲ့ ငှက်သေးသေးလေးတစ်ကောင်ရဲ့ ဖျတ်လတ်မှုတွေ … မျက်တောင်လေးတစ်ချောင်းရဲ့ဖျတ်လတ်မှုတွေ …. အကြည့်တစ်ချက်နဲ့တင်သေအံ့မူးမူး .. ရူးရူးဝေေ၀ အခိုက်အတန့်တွေ … ကိုယ့်နှလုံးသားကိုယ်ပြန်ငုံ့ကြည့်တိုင်း မွန်းတည့်နေတယ် ကောင်မလေးရယ်။

သတိရခြင်းနဲ့ထုံဆေးပေးထားတဲ့အချစ်တွေ …. စေတသိက် ၅၂ ခုလုံးနဲ့ချစ်တဲ့သမုဒယတွေနဲ့ … သံသရာရှည်ကြောင်းအပြုံးတွေ သုံးမိနစ်တစ်ခါပြုံးဖို့ပဲမျှော်လင့်နေတော့တယ်။

အချစ်ဦးဆိုတာမငြိမ်းသောမီးမဟုတ်လား လို့ တိုးတိုးလေးကိုယ်ပြောရင် ရယ်သံဖွဖွလေးနဲ့ကိုယ့်ကိုလှောင်လိုက်မှာစိုးတယ် ….။ ကြယ်တွေ အတူကောက်ဖို့ ချစ်သောလက်တွေ သန်မာပါစေ အချစ်ရယ်။

မမြင်ရသေးတဲ့မနက်ဖြန်တစ်ခုမှာ ….

ကိုးနာရီပန်းတွေ နေရောင်ခြည်ကိုမျှော်နေသလို …

နွေးထွေးတဲ့ အနမ်းတစ်ခုစာ ဆောင်းရာသီ အလွမ်းတွေနဲ့

ကိုယ့်ရဲ့ တစိသီး ပုဂ္ဂလနေရောင်ခြည်လေးကို မျှော်နေမိပါတယ် …..။

ငြိမ်းချမ်းပါစေ အချစ်ရေ ….

ကိုယ်တို့ တွဲထားတဲ့လက်မှာ သစ္စာတရားကလွဲရင် သစ္စာတရားပဲပါတယ် ……………….။ ။

Zephyr

29th July 2010,

*ဆင်မ်ဖိုနီ-symphony

ပျောက်သောသူ ....။

ပျောက်သောသူ

စိတ်ထဲမှာဝပ်ပြီးပုန်းနေတဲ့
ငြိမ်းချမ်းမှုလေးကအော်တယ်
တူပြီတဲ့ ...

ဒါနဲ့ ...
ငါပြန်လိုက်ရှာနေခဲ့တာ ..
ရက်လပေါင်းများစွာ ..
နှစ်ပေါင်းများစွာ ...

ငါပေးထားတဲ့ ပန်းတွေကို
သူ မကြားသေးတာတစ်ခုထဲနဲ့ ဘယ်လောက်ကြာကြာ ... ရှာနေရဦးမလဲ ....။

Zephyr

>>Notes:
I need nothing but PEACE.
For Everyone or everything that can make me unpeaceful, I will stay away from him/her/it without ifs or buts.

စစ်တုရင် ကစားခြင်း

စစ်တုရင် ကစားခြင်း

ကိုယ့်ကိုယ်ကို ဖွင့်တော့ ..
ကိုယ့်ဧရိယာ ၆၄ ထဲ ရန်သူက တစ်ဝက်တိတိ …
အိပ်မက်နဲ့ စိတ်နဲ့ အကွာအဝေးလို ..
အဖြူနဲ့အဖြူ အနက်ခြားနေလေရဲ့ ..။

ကံကြမ္မာ သားတစ် တစ်စ အတွက် …
စီးချင်းထိုးကြည့်ရင်ကောင်းမလား …
အဖြူယူပြီး ရှေ့ကဦးဆောင်
အနက်ယူပြီး ကျစ်လျစ်စုစည်း …
မာန နဲ့ မာနကြားမှာ အနက်ကွက်တွေခြားနေဆဲပဲ …။

ငါရဲ့ ဗဟိုကွက်တွေထဲမှာ
ငါ့သက်တမ်း သုံးပုံတစ်ပုံနစ်နေတာလေးနဲ့
ငါ့ကို မစတေးခဲ့ပါနဲ့ …
ငါ့မှာ လွတ်ကျွတ်ပွန်း တကောင်
ချစ်ခြင်းတရားဆီသို့ ဦးတည်ရင်း ကျန်နေခဲ့နိုင်သေးတယ်လို့
ဘာလို့ လျှော့မတွက်ခဲ့တာလဲ ….။
အချစ်နဲ့ အချစ်ကြားမှာ အနက်ရောင် ထောင့်ဖြတ်လိုင်းတစ်လိုင်းခြားနေတယ်။

ငါက အကန့်အသတ်နဲ့လှုပ်ရှားရတဲ့ဘုရင်တပါးပါ …
ဘုရင်မလေးလို မင်းက အဝေးအထိထွက်ပြေးတဲ့အခါ …
ငါ တရွေ့ရွေ့လိုက်မမီခဲ့ဘူး …
ဘ၀အာမခံချက်ဆိုတဲ့ ငါ့မြင်းသည်တော်ဟာ …
မင်းရဲ့သံသယတွေနဲ့ လဲလိုက်ရတာ နည်းနည်းတော့ နှမြောတယ် …။
ငါ့ရဲ့ ရဲတိုက်တွေဟာ … ကံကြမ္မာ နဲ့ပိတ်နေတတ်လို့ပါ …
ငါဟာ သရေခံကစားနေတဲ့ သွေးကြောင်တဲ့ ဘုရင်တပါးပါ …

စစ်သည်တော်တွေလဲကျရှုံးနိမ့်သွားသလို
ငါ့ ယုံကြည်မျှော်လင့်ခြင်းတွေ
လဲကျသေဆုံးသွားတယ် …
ဟင်းလင်းပြင်ထဲမှာ လမ်းပျောက်သွားတဲ့ တိမ်တစလို ..
ငါ လည်း တကိုယ်တည်းကျန်ခဲ့တယ် …
ငါ့ကိုယ်ထဲမှာစီးနေတဲ့သွေးကို
ဆူညံလွန်းလို့ …
တိုးခိုင်းခဲ့ရတယ် …
ရန်သူ့တပ်သားတွေဝိုင်းရံခံနေရသလို …
လွမ်းဆွတ်ခြင်းဟာ နောက်ကျောကို အတိအကျ ထောက်ထားလေရဲ့ …

…ကောင်မလေးရေ ..
မင်းနဲ့ငါကြားမှာ မဖြစ်နိုင်ခြင်းအနက်ကွက်တွေ ခြားနေတာ…
သိလိုက်ရတော့ ..
ငါ့ ဘုရင်လေး လဲကျသွားတော့တယ် …
ငါ့ စိတ်လေး လဲပြိုသွားတော့တယ် …
ငါ့ အိပ်မက်လေး လဲအက်သွားတော့တယ်ကွယ် …….။

Zephyr
Idea Maganize, July 2010

Notes:
ငယ်တုန်းက ကျောင်းမှာ စစ်တုရင် ချန်ပီယံကို ချန်ပီယံမှန်းမသိဘဲစိမ်ခေါ်မိပြီး ပွဲတိုင်းရှုံးသွားလို့ စစ်တုရင်ထိုးခြင်းကလည်း အနားယူခဲ့ပါတယ်။ ကဗျာလေးကတော့ ချစ်တဲ့သူတစ်ယောက်က ချစ်တဲ့သူတစ်ယောက်ကို ပြောပြတဲ့ စကားလုံးတစ်ချို့ပါ။ စစ်တုရင်စကားတွေဖြစ်နေလို့ နည်းနည်းလေးသည်းခံပြီးဖတ်ကြည့်ပါ။ ဥပမာ စတေးကစားတယ်ဆိုရင် စစ်တုရင်မှာ အနိုင်ရဖို့ ကစားရုပ်တွေ အဆုံးခံလိုက်တာပါ။ အကွက်ဆင်ဖို့ နဲ့ အနိုင်အရှုံးပြတ်သားဖို့အသုံးပြုပါတယ်။ လွတ်ကျွတ်ပွန်းဆိုတာကတော့ ပန်းဝင်တဲ့အထိ တောက်လျှောက်သွားဖို့ လွတ်သွားတဲ့ ဘာမဆိုဖြစ်နိုင်တဲ့ ပွန်းတစ်ကောင်ပါ။ အနောက်တိုင်းစစ်တုရင်မှာ ဘုရင်က တစ်ကွက်ချင်းပဲသွားလို့ရပြီး ဘုရင်မရုပ်ကတော့ အဝေးဆုံးကို လျှင်လျှင်မြန်မြန်သွားနိုင်ပါတယ်။ ဗဟိုကွက်တွေဆိုတာတော့ အချက်အချာကျတဲ့နေရာတွေပါ။ ... ဘ၀ရဲ့ ငယ်ရွယ်ပြီးထက်မြက်တဲ့အရွယ်မှာ အလုပ်မရှိ အကိုင်မရှိနေခဲ့ရတဲ့နေ့တွေအတွက် ဘ၀ရဲ့ သက်တမ်း သုံးပုံတစ်ပုံနစ်နေတဲ့ ဗဟိုကွက်တွေလို ရေးထားတာပါ။ အရင်က အကြိုက်ဆုံးကဗျာတစ်ပုဒ်ပါ။

နှလုံးသားသို့ တိုက်ရိုက်ခေါ်ဆိုမှု

အကြင်တရားတို့သည် အကြောင်းကြောင့်ပင်ဖြစ်ကြကုန်၏။

စွဲလန်းမိသော အချင်းအရာသည် ငါ့စိတ်၌ ထင်ရှားဖြစ်ပေါ်၍လာသည်။

တစ်ဆစ်ခြင်းပွင့်နေသော ပန်းတစ်ပွင့်သည် အချစ်အကြောင်းကိုမသိ။

တစ်ဆစ်ခြင်းလွမ်းဆွတ်ချင့်စဖွယ် ညနေရီသည်လည်း အချစ်အကြောင်းကို မသိ။

တစ်ဆစ်ခြင်း ရူးသွပ်စပြုလာသော နှလုံးသားငယ်သည်လည်း အချစ်အကြောင်းကို မသိ။

ချောက်ကမ်းပါးထိပ်၌ ရေတံခွန်ကို ချစ်သော ရေများ အရှိန်အဟုန်ပြင်းစွာ ...

ပြတ်ရှဒဏ်ရာ တစ်ခုမှ သွေးများ အရှိန်အဟုန်ပြင်းစွာ ....

ထိုနည်းတူ သူမ နှုတ်ခမ်းများသည်လည်း အရှိန်အဟုန်ပြင်းစွာ ...။

ချစ်နေရခြင်းတွင် ကုံလုံပြည့်ဝနေသော ရောင့်ရဲမှုတို့ကိုသာ အမျှဝေပါမည်။

နောက်ထပ် ထပ်မံမလိုအပ်ခြင်းများကို စံပယ်တစ်ကုံး ဖန်ဆင်း၍ သူမအား လက်ဆောင်ပေးလိုပါသည်။

ဖြစ်နိုင်လျှင် .... သူမကိုယ်သင်းနံ့ဖြင့်သာ စိတ်ကို ထုံမွှမ်းထားလိုပါသည်။

္က္စ

...

...............

တစ်ခုသော စက်တင်ဘာတွင် ကျွန်တော်တို့ နှလုံးခုန်သံများကို အချိန်တိုက်ထားလိုက်မိပါသည်။

ထိုအချိန်မှစ၍ နှလုံးခုန်သံ တစ်ချက်တိုင်း တစ်ယောက်ကို တစ်ယောက် သတိရနေမိပါသည်။

မကြာခဏအေးစက်နေတတ်သော သူမခြေဖျားမှ အေးစက်မှုကို ကျွန်တော့်နှလုံးသားမှ သိနေပါသည်။

သူမနေမကောင်းဖြစ်သောအခါများ၌ ကျွန်တော်အိပ်မပျော်တတ်ပါ။

သူမပြုံးနေသော အခါ ကျွန်တော်ပြုံးမိပါသည်။

မြောက်ဝန်ရိုးစွန်းနှင့် တောင်ဝင်ရိုးစွန်းကို သံလိုက်များဆက်လက်မညွှန်ပြသည့် အချိန်မျိုးတွင်ပင်

ကျွန်တော့်နှလုံးသားသည် သူမအားညွှန်ပြနိုင်ပါလိမ့်မည်။

စိတ်ကို ဖြတ်သန်းသွားသမျှသည် စိတ်ကို ပင်ပန်းစေသည်ဟု ကျွန်တော်သိပါသည်။

ဘယ်ဘက်ရင်အုံမှ သူမအပြုံးများသည် ကျွန်တော်လှိမ့်တင်ထားသော ကျောက်တုံးများဖြစ်ပါသည်။

ထိုအချင်းအရာကိုထောက်ဆလျှင် သူမသည် ချစ်ဦးသူဖြစ်ကြောင်း သင်ရိပ်မိပါလိမ့်မည်။

ထိုအရာသည် မှန်ကန်ခဲ့သည်ဟု ကျွန်တော်ထင်ပါသည်။

ချစ်သူကို နမ်းရှိုက်ခဲ့သောအနမ်းအရေအတွက်သည် သင့်တစ်သက်တာ နေ့ရက်များထက် ပိုခဲ့သည်ရှိသော် သင်လည်း ကံကောင်းသည်ဟု ကျွန်ုပ်က ဆိုချင်ပါသည်။

စွဲလန်းမိသော အချင်းအရာသည် ငါ့စိတ်၌ ထင်ရှားဖြစ်ပေါ်၍လာသည်။

ထိုကြောင့် ... ပယ်အပ်သော သမုဒယကို ကဗျာအဖြစ် ကျွန်ုပ် စွန့်ပယ်ခဲ့ပါသည်။ ။

Zephyr

ရတီမဂ္ဂဇင်း၊ ၂၀၁၀ ဇွန်လ

ဒီကဗျာလေးကို တော်တော်လေးသဘောကျပါတယ် ....။ ရတီမှာပါလာလို့လည်းပျော်ပါတယ်။ နောက်အချိန်ရတဲ့အခါကြရင် ရွတ်ပြီးတင်ထားမယ်လို့စိတ်ကူးပါတယ်။ ကဗျာပို့ပေးတဲ့ အမေ့ကိုကျေးဇူးတင်ပါတယ် ....။ ကဗျာရေးလို့ ရတဲ့ပိုက်ဆံကို ရေအတွက် လှူလိုက်ပါတယ်။ ...

ကိုယ်ရေးရာဇ၀င်

ကိုယ်ရေးရာဇ၀င်

ခြေလှမ်းလေးကပြောတယ် ….
ငါက ထွက်သွားတော့မှာတဲ့ …………။

သစ်ရွက်တွေထဲမှာ သစ်ပင်ကို ပြန်ရှာတယ်။
မောတယ်။
ဘ၀ဟာ မောတယ်။
ဘ၀မှာမောတယ်။ မနေ့က အတွေးတွေနဲ့ ဒီနေ့ကိုနေသူလို မောတယ်။

ပြက္ခဒိန်တစ်ရွက်ကို လှန်လိုက်သလို …
အတိတ်ကို ဖျပ်ကလှဲ လှန်ပြီး နောက်ထဲထိုးထည့်ထားလိုက်တယ်။
ပြန်မဆုံတဲ့ ခြေလှမ်းတွေ တစ်နေ့နေ့ …..။

Zephyr ….

တံထွေးလိုအပ်မှု

ကဗျာလေးတစ်ပုဒ်ရေးဖြစ်ပါတယ်။

တံထွေးလိုအပ်မှုလို့ နာမည်ပေးထားပါတယ်။

စာရွက်ပေါ်မှာ စာမရေးတာ လေးနှစ်ပြည့်ခါနီးမှာ ..... အမှတ်တရပြန်ရေးတဲ့အတွက် မြင်ရတဲ့အတိုင်း တောင်တက်တောင်ဆင်းဖြစ်နေတာကိုတွေ့ရပါမယ်။

အမေရိကန် အက်ဆေးတွေဖတ်ရင်း အေးအေးဆေးဆေးနားနားနေနေ နေနေရာက ရုတ်တရတ် ရေးမိတဲ့ကဗျာဖြစ်ပါတယ်။

ကဗျာကို ရွတ်တာ အဆင်မပြေဖြစ်နေတာနဲ့ မပြေတဲ့အတိုင်းထားလိုက်ပါတယ်။ နားနည်းနည်းပိုကောင်းတဲ့သူတွေနားထောင်နိုင်ပါတယ်။ မကြားရရင်တော့ ကံကောင်းတာဖြစ်ပါလိမ့်မယ်။

The Need of Saliva

ရင်ခုန်နေရတဲ့ မျက်တောင်လေးတစ်ခုအကြောင်း ….

ဒီတစ်ခါ ချစ်စရာကောင်းတဲ့ ကဗျာလေးတစ်ပုဒ် တင်လိူက်ပါတယ်။

ပျင်းနေတာနဲ့ ကဗျာကို အိပ်ချင်မူးတူးရွတ်ထားတဲ့ အသံနဲ့ပါ တင်လိုက်ပါတယ်။ နောက်ခံသီချင်းက Olivia ရဲ့ I honestly love you ဖြစ်ပါတယ်။

ရင်ခုန်နေရတဲ့ မျက်တောင်လေးတစ်ခုအကြောင်း ….


မလှမ်းမကမ်း အကွာအဝေး …
မျက်တောင်လေး မြင်နေရရုံနဲ့
လူ့ဘ၀ဟာ ဒုလ္လဘ …။
သက်တစ်ရာတမ်းလုံး ထိုင်ကြည့်နေချင်တဲ့ မျက်တောင်လေး…
ဖြောင့်ချက်ပေးထားတဲ့ နှလုံးသားရုံးချိန်းတွေဝင်နေရသလို ပ၊
စိတ်ထဲပွင့်ခွင့်ပြုလိုက်တဲ့စံပယ်စိုစွတ် ညနေဖျော့….
လွမ်းနေရတာက မျက်တောင်လေးတစ်ခုဆိုတော့ …
မြေက ရယ်မှာစိုးတယ်။

မျက်တောင်လေးရဲ့
အလင်းပြန်ဆုံမှတ်ဟာ နှလုံးသားတစ်ခုဆိုပါတော့ ..
အဲဒီနေရာလေးမှာ ကံ့ကော် တစ်ပင် စိုက်ခွင့်ရချင်တယ်။
သိပ်လှတဲ့ ကံ့ကော်ရွက်နုလေးတွေဟာ မျက်တောင်လေးတစ်ခုရဲ့ ကယုကယင် အမူအယာ …
သိပ်နူးညံ့လွန်းလို့ စိတ်နဲ့ပဲကြည့်နေလိုက်ရတယ်။

ဘဒ္ဒကမ္ဘာထဲမှာ မျက်တောင်လေးတစ်မျှင်ကို ချစ်ကြင်နေသူတွေဘယ်လောက်များခဲ့လဲ …………။ … မျက်တောင်ကလေး အဖူးရစေ …ဆိုတဲ့ ကျိန်စာတွေကိုကြောက်ရွံ့ခဲ့ …၊
မျက်တောင်လေးနဲ့ ပိုမို နီးကပ်မသွား .. ပိုမိုဝေးကွာမသွား …
လက်တစ်ကမ်းအကွာမှာ သံလမ်းတွေကျိန်စာသင့်ခဲ့သလိုမျိုးပါပဲ။

မျက်တောင်လေးဟာ
ကျွန်တော်အိပ်နေတုန်း ဘုရားသခင် ထုတ်ယူသွားတဲ့ မျက်တောင်လေးပဲဖြစ်တယ်။
မျက်တောင်လေးဟာ
မိုးစွေငှက်ကလေးရဲ့ ဖျတ်လတ်မှုတွေနဲ့
သဘာဝတရားထဲ စူးစမ်းရှာဖွေလေ့လာသူ၊
မျက်တောင်လေးဟာ ကျွန်တော့်နှလုံးခုန်သံတွေကို
နားကြပ်တပ်မထားဘဲကြားနေလိမ့်မလား …
ဇီဇ၀ါပန်းတွေပွင့်တဲ့လမ်းမှာ
ကျွန်တော်တွေးနေမိတယ်။

ကိုယ်ဆိုတဲ့သီချင်းကိုယ်ပြန်သာယာနေတဲ့ ငှက်ကလေးတစ်ကောင်လိုပါပဲ …
သတိရနေတဲ့စိတ်ဟာ သတိရနေခြင်းကို သာယာနေမိတယ်။
မျက်တောင်လေးငြိမ်းချမ်းပျော်ရွှင်နေကြောင်း …
မြက်ခင်းမှာနားနေတဲ့ သပိတ်လွယ်ငှက်ကလေးပြောပြတဲ့အခါ …
ကျွန်တော်နဲ့အတူ …. ကံကော်ရွက်နုလေးတွေလည်း နားကိုစွင့်လို့ပါပဲ …..။ ။

ခင်မင်စွာဖြင့်
Zephyr

download Poem mp3 from Media Fire

ချစ်သောမြွေမလေး

ချစ်သောမြွေမလေး

ငါ့ကိုနမ်းနိုင်မလား
ရင်ခုန်နေတဲ့မြွေဟောက်လေးလို . . .
ချစ်သူရှေ့မှာငါ . . လျှာထုတ်ပြမိတယ် . . .
လျှာနှစ်ခွဖြစ်နေလား အချစ်နှစ်ခွဖြစ်နေတာလား
သူရယ်လိုက်ရုံနဲ့ပဲ အဆိပ်တက်တက်လာတယ် . . ငါ့ကိုမလှောင်ပါနဲ့ကွယ် . . .
လှောင်အိမ်နဲ့လည်းမလှောင်နဲ့ အပြုံးနဲ့လည်းမလှောင်ပါနဲ့ . . .
ငါက မင်းရှေ့မှာ အဆိပ်ထုတ်ထားတဲ့ အဆိပ်ထုပ်ပါ . . .
ငါ့ရင်ခုန်သံက ရေမြွေတွန်သလို . . .
မင်းငါ့ကိုရင်မခုန်ရင်တောင်
ရင်ခုန်နေတဲ့ငါ့ကိုမလှောင်ပါနဲ့ . . .။
………..(မြွေမလေးရယ်သံ). ……………..

စိမ်းမြနေတဲ့မြက်ခင်းလေးမှာ ….
ငါမင်းကိုပေါက်သတ်ချင်လိုက်တာ ………
အသည်းယားနေတဲ့မြွေဟောက်လို အံကြိတ်မိတယ်……..
ချစ်စရာကောင်းလွန်းတာကို
ငါဒီထက် မဖွဲ့တတ်တော့ဘူး……
ငါမှာ အရည်ခွံလဲထားတဲ့မေတ္တာနဲ့ …… အရည်ခွံလဲမရတဲ့ လွမ်းဆွတ်မှုရှိတယ်…
ငါ့ကို မနမ်းရင်တောင် မျက်စောင်းမထိုးပါနဲ့ …….
ငါကမင်းနှလုံးသားရဲ့ မျက်စောင်းထိုးမှာနေနေရတာ မွန်းကြပ်လို့ပါ ……
…………(မြွေမလေးရယ်သံ) ……….

ငါတွန်နေတာ ချစ်လို့ပါ …….
ငါပါးပျဉ်းခွက်နေတာကို မကဲ့ရဲ့ပါနဲ့ ……….
ငါ့အချစ်တွေ ပြားကပ်နေတယ်လို့ မပြောလိုက်ပါနဲ့ ………..
ငါယိမ်းနေတာ ချစ်လို့ပါ …….
ငါအယူတိမ်းပြီး ယိမ်းနေတာမဟုတ်ဘူး ………
အသည်းကွဲပုလွေသံလည်း ငါမကြားချင်ဘူး
မင်းငါ့ကို မနမ်းရင်တောင် မနမ်းခင်ပြုံးလိုက်သလို ပြုံးပြပါလား ………
…………..(မြွေမလေးရယ်သံ) ………

ငါ ဟာဖြေဆေးထိုးထားတဲ့ အဆိပ်ပြင်းပြင်းမြွေပါ
ငါ့ကိုမနမ်းရင်တောင် ………. မင်းထွက်မပြေးပါနဲ့ ……..
ငါ့ကိုမနမ်းရင်တောင် မင်းဝင်မပြေးပါနဲ့ ……..
ငါ့ကိုပေါက်မယ်ဆိုရင်တောင် မင်းမမဲ့လိုက်ပါနဲ့ ………..
ငါ့ကိုပေါက်မယ်ဆိုရင်တောင် မင်းမမဲ့ပြန်ပါနဲ့ …………..
ငါဟာ မြွေယောင်ဆောင်ထားတဲ့ မြွေယောင်ယောင်ပါ ………..
အဲဒီလိုမင်းမြင်ရင်တောင် ငါ့ကိုမင်းမမြင်ဘူး ……….
ငါတို့ နှလုံးသားမှာ အမြေးပါးတစ်ခုခံနေတယ် ………
မင်းငါ့အချစ်ကို မမြင်သေးသရွေ့……….
တွေ့သမျှအရိပ်တွေ ငါပေါက်သတ်မယ် ………..
တွေ့သမျှငါပေါက်သတ်နေတာ အရိပ်တွေ့လို့ မင်းရယ်မနေပါနဲ့
ငါ့ကိုမနမ်းရင်တောင် ………..။
………… (မြွေမလေးရယ်သံ) …………..

ငါဟာ ခပ်တုံးတုံး မြွေတစ်ကောင်ပါ ……..
မင်းရဲ့အနမ်းကို ပခြုပ်လိုယက်ပြီး ………..
တစ်သက်လုံးဝင်ခွေနေချင်တာ တစ်ခုတည်းနဲ့၊
ငါ့ကိုမရယ်လိုက်ပါနဲ့ ………..
ငါ့ကိုမရယ်သွားပါနဲ့ …………….
ငါ့ကိုမရယ်ပြေးပါနဲ့……………
……….
…………….(မြွေမလေးရယ်သံ) …………

ချစ်သောမြွေမလေးရေ ……….
ငါ့ကိုမနမ်းရင်တောင် ………
ငါကမင်းကိုချစ်နေတာကို
မင်းငါ့ကိုပြန်မချစ်တာနဲ့
မချေလိုက်ပါနဲ့ ……….
ချစ်သောမြွေမလေးရေ ………
ငါ့ကိုမနမ်းရင်တောင် …... ………. ……….။
………….(မြွေမလေးရယ်သံ) ………..
………….(မြွေမလေးရယ်သံ) ……….
Zephyr

Idea Magazine 2009, August