ကမ္ဘာမှာေ-ာက်ရူးမရှိလို့မဖြစ်ဘူး။

ကမ္ဘာမှာေ-ာက်ရူးမရှိလို့မဖြစ်ဘူး။

မနက်နိုးလာရင် စာဖတ်ရမှ မျက်စိက အာသာပြေတယ်။
မနေ့ညက ကိုယ်ဘာဖတ်ခဲ့လည်းပြန်စဉ်းစားတော့ ဖီလိုဆိုဖီနည်းနည်းလို့ ဦးနှောက်ကအကြောင်းပြန်တယ်။
ကိုယ် ဒါကို ကဗျာလုပ်ချင်တယ်ကွာ ...
ဘယ်သူမှမကန့်ကွက်ဘူး။
ကဗျာကို ကဗျာလိုရေးကွာလို့ ကိုယ့်ကိုယ်ကိုယ်လည်း မဆုံးမတတ်ဘူး။
ခက်ပြီ . အဲဒါဟာ ပြဿနာရဲ့ စလယ်ဆုံးပဲ။
သား၊သမီးဆိုတာ မလိမ်မာဘူး။
လိမ်မာရင် ခြောက်ရင်လည်းခြောက်၊ မခြောက်ရင် ဂေါက်တာပဲလို့ လူငယ်တွေခံပြောနေသလို၊
ကိုယ့်ဦးနှောက်က ကိုယ့်ကို ခံပြောလေ့မရှိဘူး။
ဒါနဲ့ စရေးလိုက်တယ်။ ....

အသက်ကိုဖြည်းညင်းစွာရှူထုတ်ပါ။
နောက်တစ်ခါရှူထုတ်ပါ။
နောက်တစ်ခါထပ်ရှူထုတ်ပါ။
နောက်တစ်ခါလောက် ထပ်ရှူထုတ်ပါ ................။
မွန်းကြပ်မှု ....
အသံဘယ်လောက်ရလဲ ........
မွန်းကြပ်မှု ... စိတ်လိုလက်ရရထားပြီးသား ဒဏ်ရာ။

အသုံးမကျဘူးပြောရအောင်လည်း သူက ပလေတိုဖြစ်နေတယ်။
အသုံးကျတယ်ပြောရအောင်လည်း သူက ကဗျာဆက်မရေးတော့ဘူး။
ဆော့ခရေတ္တိ(၃၆၉-၃၉၉ ဘီစီ)ဟာ ဒီမိုကရေစီအဆိပ်ခွက်ကိုသောက်တယ်။
ပလေတိုက သူ့ဆရာကို သတ်တာ ဒီမိုကရေစီလို့ထင်တယ်။
ပလေတိုဟာ ဆော့ခရတ္တိကိုချစ်လို့ ကဗျာနဲ့ဂီတကိုစွန့်တယ်။
ဆော့ က ဆိုဖီ့ကိုမုန်းတယ်။
ပလေတိုက(၄၂၈-၃၄၇ ဘီစီ) မှာ စဉ်းစားသလိုကြီးနေသွားတယ်။
အသက် ၂၆ နှစ်မှာ ဆော့ နဲ့တွေ့တယ်။
ပထွေးနဲ့နေရတယ်။ သူ့အသက် ၂၈ မှာ ဆော့ သေတယ်။
ကဗျာပြန်မရေးဘဲ ... လျှောက်တွေးနေတော့တယ်။
ပလေတိုကေ-ာက်ရူးတွေနဲ့တော့ ဒီမိုကရေစီဟာ အလကားဆိုတာ အစောဆုံးသိမြင်သွားသူလည်းဖြစ်တယ်။
ပိုက်သာဂိုရပ်စ်ကျောင်းမှာ တြိဂံတစ်ခုသွားတောင်းခဲ့တယ်။
ပါမီနိုင်းဒီးစ်ဆီမှာ သစ္စာ ကမြဲတယ်လို့ ကြားခဲ့ပြီး၊
ဟေရာကလိုက်တပ်စ်ရဲ့ ဘာမှမမြဲဘူးကွလို့ ဘုတောခံခဲ့ရတယ်။
သူရတာလေးနဲ့ လှအောင်ဝတ်တယ်။
ရှိတာလေးနဲ့ဖြစ်အောင်တွေးလိုက်တယ်။
ခြောက်ခြားသွားတယ်။
တုန်လှုပ်သွားတယ်။
ပညာတတ်တစ်ယောက် မေးခွန်းကအစ ကိုယ့်ဘာသာကိုယ်ထုတ်ပြီး
ဘ၀ကို စာမေးပွဲပြန်စစ်ပစ်လိုက်တာ ......မိုက်တယ်။
သားနားတယ်။ ... ဂေါ်တယ်၊ လန်းတယ်။ ဆိုတာတွေထက်လည်းပိုတယ်။
ကံများကောင်းချင်တော့
အရစ်တိုတယ်လို တပည့်ကိုရတယ်။
အရစ်တိုတယ်(၃၈၄-၃၂၂ ဘီစီ) ... ဆရာ့ဆရာကြီးရဲ့ တပည့်တပည့်ကြီးပီပီ
ပြောင်မြောက်တယ်။
တံခွန်ဆောက်တယ်။
မဏ္ဍပ်တိုင်မတက်ဘူး။
ပလေတိုဝါဒကို မွမ်းမံတယ်။
သန့်စင်တယ်။
ပတ်တီးရိုက်တယ်။
အလက်ဇန်းဒါးဆိုတဲ့ ငနဲလေးကို ကျူရှင်ဆရာလုပ်တယ်။
Deductive တွေစပြီး အစထုတ်လာတယ်။ ....
သူ့ပခုံးနဲ့ သူ့ခေတ်ကိုထမ်းတယ်။
သူ့လမ်းမှာ မေးခွန်းတွေပစ်ချထားခဲ့တယ်။ ............
ဆရာကိုအာခံတာတော့မဟုတ်ဘူးထင်တာပဲ၊
ကဗျာလင်္ကာတွေလည်းလုပ်ချလိုက်သေးတယ်။

ရီနီကာဒေးကား(၁၅၉၆-၁၆၅၀) က
သူတွေးလို့ သူရှိနေပြန်တယ်။
နောက်ပိုင်းမှာ ဆာ့ထ်လို အငြင်းသမားတွေ ငြင်းရအောင် အစာကြီးကတည်းက
နိသျှည်းကျမ်း (Discourse on method) မှာ ယောဂီနီက သပွတ်အူလှလှလေးဖန်တီးတယ်။
ဟောပြောချက်ကျမ်း( Discourse) ကို ၁၆၃၇မှာ
ဘာဝနာကျမ်း(Meditation)ကို ၁၆၄၁ မှာထုတ်တယ်။
ဘလော့ခ်မရှိလို့ ဘယ်သူမှ ကွန်မန့်မပေးရတာနဲ့ သူ့ခမျာနားအေးရတယ်။

စပင်နိုဇာ(၁၆၃၂-၁၆၇၇)  ...
သူကလည်းမခေဘူး။
ဂျူးဝါဒကိုမယုံလို့ .. တစ်နှစ်တစ်ထောင်ပေးမယ်၊
မယုံလည်း မပြောနဲ့ကွာဆိုတာတောင် မရဘူး ...ဟင့်အင်း ဟင့်အင်း လုပ်လို့ ...
သေကြောင်းကြံခံလိုက်ရသေး။ Ethics, Tractatus- Politicus, Tractatus-Theologico- Politicus ကျမ်း တွေရေးသွားခွင့်ရတဲ့အတွက် ထုတ်ဝေသူကို အဝေးကနေချီးကျူးနေမိတယ်။
ကူးစရာ ဂူဂယ်မရှိဘူး။ ရှေ့ကျမ်းတွေက တစ်ကြောင်းနှစ်ကြောင်းမကူးဘူး ...ကျောင်းတော်(Church)ကို ဘုရင့်လက်အောက်ပို့ဖို့ကြံတယ်။ သူ့ခေတ်သူ့အခါက သူ့ ဘာသူ တော်နေခဲ့တယ်။

လိုင်းဗနီး(ဇ်)(၁၆၄၅-၁၇၁၆)
သူကတော့ နာမ်ကို  မိုနာ့ဒ် (Monad) လို့ခေါ်တယ်။
ဒါကိုဖျက်ဆီးလို့မရဘူးလို့ယုံတယ်။

ဂျွန်လော့(က်) (၁၆၃၂-၁၇၀၄)
သူပြောတာချုပ်ရင် အတွေ့အကြုံအရသိနေတာဟာ မှားနိုင်တယ်။
ဒါပါပဲတဲ့။ ရှင်းတယ်၊ပြတ်တယ်။ ကူလီကူမာမများဘူး။
ဂျွန်လော့(က်)ကို ဦးထုပ်မြှောက်ပြလိုက်တယ်။
လက်မထောင်ပြတယ်။
သူကတော့ ပခုံးတွန့်လို့ ... ဒါပဲတတ်နိုင်တယ်ဆိုတဲ့အထာနဲ့။

ဂျော့ခ်ျဘာကလေ(၁၆၈၅-၁၇၅၃)
သူကတော့ လော့(က်)ကို
ခင်ခင်မင်မင်နဲ့စော်ကားတယ်။ အတွေ့အကြုံကမှန်တဲ့ အသိကိုရမယ်တဲ့။
အာရုံတွေ၊သတိကပ်မှုတွေလည်း သူက နည်းနည်းတော့ ပြောတယ်။
အတွေးအခေါ်သမားဟာ အနေမယ်၊ စာမရေးဘူး၊ အပျင်းလည်းထူမယ်ဆိုရင်
အတော်အခက်အခဲရှိနိုင်တယ်။

နောက်တော့ အိပ်ငိုက်လာတော့
ကျော်ဖတ်တယ်။
ကန့်၊ဟေဂယ်၊ကားမတ် အားလုံးကျော်ပစ်လိုက်တယ်။
သူတို့ဘာလုပ်သွားသလဲ။
တွေးတော့တွေးသွားလိမ့်မယ်။
ဆိုက်ကားသမားဟာ ဆိုက်ကားနင်းရသလို၊
မြွေဟာ လျှာကို တစ်လစ်တစ်လစ်လုပ်ရသလို၊
အတွေးအခေါ်ပညာရှင်ဆိုသူတွေလည်းတွေးရလိမ့်မယ်။
တွေးပြီးရင် ဘာလုပ်မလဲကျွန်တော်တွေးကြည့်တော့၊
ပြောရလိမ့်မယ်လို့အဖြေထွက်တယ်။
သူတို့ပြောခဲ့ကြလိမ့်မယ်။
ပြောခဲ့ရင် ကြားတဲ့သူတွေရှိမယ်။
တစ်ခုခုကြားရရင် သုံးစုကွဲမယ်။
ယုံတဲ့သူသပ်သပ်၊ မယုံတဲ့သူသပ်သပ်၊ ယုံတာလည်းမဟုတ်၊မယုံတာလည်းမဟုတ်က သပ်သပ် သုံးစုကွဲမယ်။
အပြန်အလှန်ငြင်းခုန်မယ်။
စေ့စပ်ဆွေးနွေးမယ်။
တံထွေးနဲ့ထွေးမယ်။
အဲဒါတွေ တစ်ခုခုလုပ်ခဲ့ကြမယ်။

နှစ်ဆယ့်တစ်ရာစုမှာ ကျွန်တော်တို့ ယန်ပေါဆာ့ထ်ကိုရတယ်။
ဖြစ်တည်မှုဝါဒကိုရတယ်။ Being And Nothingness ကိုရတယ်။
လူဟာ လူကိုဖန်ဆင်းတဲ့အတွက်
ဘုရားသခင်က သူ့မခေါ်တော့ဘူး။ မကြည်မသာအရိပ်အမြွက်တော့ပြတယ်။
ဒါပေမယ့်သူမကြားဘူး။မမြင်ဘူး။
လူဟာ လူ့အနာဂတ်ကိုပိုင်တယ်လို့ဆက်ပြောတယ်။
ဒီလိုနဲ့ သူဟာ ဘုရားသခင်နဲ့မတည့်တော့ဘူး။

ကျန်တာတွေကို ငိုက်တယ်။ ဘာထရန်ရပ်ဆဲလ်လိုလို ကော်ဆဲဆိုလိုလို ကြားတယ်။
ရပ်ပြီးဆဲတာနဲ့ ကလော်တုတ်တာနဲ့ အော်ဆဲတာ ဘာကွာလဲ။ ဖြစ်လာတယ်။
အိပ်ငိုက်လာတာဖြစ်မယ်။
ခေါင်းကအလုပ်မလုပ်တော့ဘူး။

အချစ်ကလည်း စောစောမအိပ်ရင် သတ်မယ်လို့ပြောတယ်။
ပေါင် ၉၀ထဲနဲ့များ
နျူကလီးယားပိုင်တဲ့ နိုင်ငံလို ခြိမ်းလားခြောက်လားလုပ်တယ်။
အဲဒီနုတ်စ်ကို ကဗျာလို့ပြောချင်တယ်ကွာ။

ခင်ဗျားဘယ်လိုသဘောရလဲ။
ခင်ဗျားအစစ်ကို မေးနေတာမဟုတ်သေးဘူး။
ခင်ဗျားလို့ ကိုယ်စားပြုနေတဲ့ ကိုယ့်ကိုယ်ကိုမေးကြည့်ရသေးတယ်။
ဟာကွာ ... မဖြစ်သေးပါဘူး။
ဒါ ကဗျာမဟုတ်ဘူးကွာ ...ဒါဟာတခြားတစ်ခုခုဖြစ်မှာပါ.. ငါထင်နေတယ်။

ဒါဆိုရင်လည်း ကဗျာလို့ပဲထားလိုက်မယ်ကွာ။
တစ်နေ့နေ့ကြရင် ကဗျာကို ကဗျာလို့မထင်တဲ့သူတစ်ယောက်က
ကဗျာလို့ ငါတို့မထင်တာကို ကဗျာပါလို့ သူပြောပေးမှာပါ။
အေးကွာနော်။
ထားလိုက်ကြတာပေါ့။

ဒီလိုနဲ့ပဲ ကဗျာတစ်ပုဒ်လို့သိပ်မယုံကြည်ရသေးတဲ့ကဗျာတစ်ပုဒ်ကိုကျွန်တော်ရလာတယ်။

ကျွန်တော်မရေးလိုက်တဲ့ကဗျာတွေထက်၊
ရေးလိုက်တဲ့ကဗျာတွေက ပိုညံ့တယ်။

အဲဒါလေးကို သက်သေပြဖို့၊
ကဗျာနည်းနည်းရေးဖြစ်ပါတယ်။                ။