တောင်ပေါ်ကဗျာများ .......... (အပိုင်း ၁)

တောင်ပေါ်ကဗျာများ .......... (အပိုင်း ၁)

ရုတ်တရတ် ...........တောင်တန်းဒေသတစ်ခုကို ကျွန်တော်ထွက်ခွာသွားပါတယ်။
ဘာမှကြိုတင်ကြံစည်မထားတဲ့ ခရီးတစ်ခုပါပဲ။
သဘာဝတရားထဲက ထွက်လာခဲ့တဲ့ နှစ်အနည်းငယ်ကြာတဲ့ အချိန်မှာ သဘာဝတရားကို ကျွန်တော်ဆာလောင်လာတယ်။ အိတ်ထဲမှာ On Courage နဲ့ လွတ်လပ်သောစိတ် ဆိုတဲ့ စာအုပ် နှစ်အုပ်၊ ကဗျာရေးဖို့ ဗလာစာအုပ်နဲ့ ဘောပင်၊ ပိုက်ဆံအနည်းငယ်၊ အ၀တ်အစား သုံးစုံ ဒါတွေပဲပါတယ်။ .......ကျွန်တော် တောင်ပေါ်မှာ ကဗျာအနည်းငယ်ရေးဖြစ်ပါတယ်။ ကျွန်တော်တို့ဟာ သဘာဝနဲ့ကင်းကွာပြီးဖြစ်တည်နေတာမဟုတ်ဘူးဆိုတာကို သိဖို့ ကျွန်တော်အားထုတ်ခဲ့ပါတယ်။ ........ အသေကောင်လိုစိတ်နဲ့သွားခဲ့ပြီး၊ ၀ိညာဉ်အသစ်နဲ့ ဆက်လက်ခုတ်မောင်းမယ့်ရထားတစ်စီးလိုကျွန်တော်ပြန်လာခဲ့တယ်။ .... ဒီကဗျာတွေဟာ သိပ်အေးတဲ့လေထုထဲက ကျွန်တော့် လက်ခုပ်နဲ့ဖမ်းခဲ့တဲ့ ကဗျာတစ်ချို့ပါပဲ။ ............

ဇန်န၀ါရီလဟာ ကံဆိုးမိုးမှောင်ကျတဲ့လပဲ။ ........ ဒီလောက်ဆိုးတဲ့လတစ်လကို တစ်ခါမှမရခဲ့ဖူးဘူး ..........။ ဇန်န၀ါရီလ ၁၃ ရက်နေ့မှာကျွန်တော့်မှာ ဘ၀အဓိပ္ပာယ်ရော၊ ဘ၀သစ္စာပါ ပျောက်သွားသလို .. အရာရာ အမှောင်အတိကျသွားပါတယ်။ ၁၄ ရက်နေ့မှာတော့ ကျွန်တော်ဟာ အမြင့်ပေ ၄၅၀၀ ကျော်တောင်တန်းပေါ်မှာ ကဗျာတွေတထိုင်တည်းရေးနေဖြစ်ပါတယ်။ .... ကျွန်တော့်ကိုယ် ကျွန်တော်လည်း နားမလည်မိလောက်အောင်ပါပဲ။ အလှည့်အပြောင်းများလွန်းတဲ့လောကမှာ ကျွန်တော်ရပ်တည်ဖို့ မြေသားနေရာတစ်ခုမလိုချင်ပါဘူး။ မြေသားကိုလည်းစိတ်မချပါဘူး။ ကျောက်သားမျက်နှာပြင်ကိုလည်းစိတ်မချပါဘူး။ ကျွန်တော်စိတ်ချရမှာပါကဘာလဲ ......ကဗျာတွေရေးရင် အပြင်းအထန် ဆင်ခြင်မိတယ်။ ............။ ကဗျာတွေရေးရင်း အပြင်းအထန်ရှာဖွေမိတယ်။ တစ်ခုခုရှိရင် ကျွန်တော်နေလို့ရပြီဆိုရင် အဲဒီတစ်ခုခုဟာ ဘာဖြစ်နေသင့်လဲ။ ဘာဖြစ်နေရမှာလဲဆိုတာကို ကျွန်တော်စမ်းစစ်ပါတယ်။ ........... ကဗျာတွေဟာ ကျွန်တော့်အတွက် လမ်းခရီး၊သမ္မာတရားနဲ့အသက်ပါပဲ။ ....... Oneness, Nothingness, Aloneness ဆိုတာတွေကိုလည်း ပြန်ကုတ်ခြစ်ကြည့်ပါတယ်။ ဘယ်လက်က ညာလက်ကို မယုံကြည်ရတဲ့လောကမှာ ကျွန်တော်နေထိုင်ပါတယ်။ ....... ဘာပဲဖြစ်ဖြစ် ကျွန်တော် ကဗျာကိုတော့ ယုံကြည်ခဲ့ပါတယ်။

Zephyr

အမြင့်ပေ ၄၅၀၀

မွန်းကြပ်တဲ့ လူအဖွဲ့အစည်းရဲ့အထက်
အမြင့်ပေ ၄၅၀၀ ကျော်မှာ
ကျွန်တော်ရောက်နေတယ်။

တိမ်ခိုးဝေတဲ့တောင်တန်း
လက်ဖက်စိုက်ခင်း
သဘာဝနေရောင်ခြည်
အေးမြတဲ့လေထု
ဒါတွေပဲရှိတယ်။

မနက်ဖြန်အကြောင်းတွေးဖို့
မနေ့က ကိစ္စဆွေးဖို့
ကျွန်တော်လာခဲ့တာမဟုတ်ဘူး။

အမြင့်ဆုံးတောင်တွေပေါ်က
အောက်ဆီဂျင်အနည်းငယ်နဲ့ရှင်တဲ့
သစ်ပင်ပုလေးတွေဆီက
ကဗျာဘယ်လောက် စစ်ထုတ်ယူနိုင်မလဲသိဖို့
ကျွန်တော်လာခဲ့ပါတယ်။ ။

>>>>>>>>>>>>>>>>>>>>>>>>>>>>>>>>>>>>>>>>>


တောင်တက်လမ်းများ


ကွေ့ဝိုက် ....
ဒဏ်ရာအနာတရဖြစ်မှုကိုသပ်ရပ်အောင်၊
အထက်ကိုတက်ဖို့
အောက်ကိုဆင်းဖို့
လမ်းက သူ့သဘောသူဆောင်နေ၊

လမ်းကိုမုန်းတဲ့ကားတွေ ချောက်ထဲမှာ ........။
လမ်းကိုချစ်တဲ့သူတွေရော ဘယ်ရောက်ကုန်ကြလဲ ..........
အပြင်းအထန်သိချင်နေမိတယ်။ ။

>>>>>>>>>>>>>>>>>>>>>>>>>>>>>>>>>>>>>>>>>

ရေညှိပင်များ
်
သိပ်မြင့်တဲ့ သစ်တောတွေမှာ
ရေဓာတ် ၇၀ ရာခိုင်နှုန်းပါတဲ့ ရေညှိပင်တွေ လွှမ်းနေတယ်။
ရေဓာတ် ၉၀ ရာခိုင်နှုန်းပါတဲ့ ရေညှိပင်လည်းရှိတယ်။
ကျယ်ကျယ်လောင်လောင်မအော်ဘဲ
ရေညှိပင်လေး သစ်တောထိန်းသိမ်းနေတာ
ချစ်စရာကောင်းလိ်ုက်တာ။ ။