အမှောင်ထဲမှာ နှစ်ဆယ့်ရှစ်
အံတိုနေပါပြီကွာ …. ဆိုပြီး သွားတုတွေချွတ်ပြတတ်တဲ့ လောကကိုပျင်းတယ်။ ……. မိတ်ဆွေ သင့်မျက်နှာ က ဘာလို့ ရန်သူတွေနဲ့သိပ်တူနေရတာလဲ …….။
အလင်းဟာကွေ့ကောက်ပြီးသွားတယ်။ အလင်းဟာ ဘရိတ်မမိတဲ့ကားတစ်စီးလိုထိုးစိုက်လာတယ်။ အလင်းဟာ ကျေးဇူးခံကျေးဇူးစားပါဆိုပြီး တိုက်ခိုက်နေတယ်။ … ဘယ်ကိုမှမသွားချင်တဲ့သူဟာ နေရာတကာကို ရောက်သလိုပါပဲ …………..။ စိတ်တွေအထားအသိုလွဲနေတဲ့အခါ …. ပျော်ရွှင်ခြင်းဟာလည်း အမှိုက်ပုံတစ်ခုမှာ ဘုတ်ခနဲကျလာတဲ့ဖဲပြားကြိုးခွေလို ………..။
အောင်မြင်ခြင်းကို တိုင်းတာတဲ့ယူနစ်ဟာ စိတ်ဆင်းရဲမှုဖြစ်တယ်။ ကိုယ့်လူ ဘယ်လောက်အောင်မြင်ပြီလဲ။ အနာဂတ်မှာ ဘယ်လိုအောင်မြင်အောင် ကြိုးစားမလဲ ….။ ဆွဲကြိုးချမယ့်ကြိုးဟာ ရွှေကြိုးဖြစ်ဖို့လိုသလား။
စက်ဝိုင်းထဲမှာ လမ်းမှားစရာမရှိဘူးကိုယ့်လူ။ သံသရာအ၀ိုင်းပတ်ထဲ စိတ်အေးလက်အေး လမ်းလေးဘာလေးလျှောက် …။ ကျန်းမာအောင်လေ၀၀ရှူ၊ ဘ၀ကို ဘာဝနာနဲ့တွဲ၊ မနက်မိုးလင်းလာရင် နေကောင်းသွားမှာပါ …အဲဒီလိုယုံလိုက်စမ်းပါ။ နှစ်ဆယ့်ရှစ်နှစ်။
ပြန်မရနိုင်တော့ဘူး။ လူငယ်ဘ၀၊ အမှားအယွင်း လတ်လတ်ဆတ်ဆတ်များ၊ မိုက်သွေးကြွချိန်လက်သီးများ၊ ဖြစ်ချိန်တန်ပျက်ခဲ့သောစီးပွားများ၊ အိုရွယ်သော အပြုံးများ၊ လူမှန်းသိတတ်စ လောကပါလတရားများ၊ …. အမှန်တရားတောင် အတုရှိတယ်။
ငါဖြစ်လာမယ့်ငါကို ငါမဖြစ်ခင်ကအနေအထားထိပြန်ရစ်လိုက်စမ်းပါ။ ထာဝရဘုရားသခင်ဟာ ငါ့မျက်နှာမြင်လို့ကြေကွဲရခြင်းအားဖြင့် ပြစ်ဒဏ်ဆပ်ဖြေနေရမှာမလိုလားလွန်းလို့။ ။
Zephyr
No comments:
Post a Comment