သေခြင်းနှင့်ကျွန်တော်တို့ကို ဆက်သွယ်ထားသောတံတား

ပြီးခဲ့တဲ့ December 14 ရက်နေ့မှာ ကျရောက်ခဲ့တဲ့ အမေ့မွေးနေ့အတွက် ပေးဖြစ်ခဲ့တဲ့လက်ဆောင်လေးတွေထဲက တစ်ခုပါ။ Feb, Idea မှာပါတဲ့ ၀တ္ထုတိုလေးတစ်ပုဒ်ပါပဲ။ Magazine မှာ စာရိုက်တဲ့သူက စေတနာဗလပွနဲ့ ရေးထားတာကိုပြင်ပေးလိုက်တဲ့အခါမှာ Satan (စာတန်) ကို စာတန်းတွေ စာတမ်းတွေ ဖြစ်ကုန်ပါတယ်။ မြန်မာပြည်မှာ စာစီ/စာရိုက် လုပ်စားနေပြီး စာပေ ဗဟုသုတနည်းတာကိုမကြာမကြာတွေ့ပါတယ်။ စာမဖတ်ချင်ဘဲ စာပေအသိုင်းအ၀ိုင်းထဲမှာလုပ်နေကြရတာသူတို့အတွက်တော့ ချုံ့ထားတဲ့ငရဲဘုံတစ်ခုပါပဲ။ ပိတောက်ပွင့်သစ်မှာ နေထိုင်ကြတယ်ကို ထိုင်နေကြတယ်လို့ ရိုက်လိုက်လို့ ကဗျာတစ်ပုဒ် ရစရာမရှိအောင်ပျက်စီးသွားတာလည်းတွေ့ဖူးတယ်။ မြန်မာပြည်မှာ အပျော်တမ်း ပရိုတွေ သိပ်များနေတယ်။ ကိုယ့်ကို ထမင်းကျွေးတဲ့အလုပ်ကို ဒီလောက်လေးမှ ဂရုတစိုက်မလုပ်နိုင်ဘူးဆိုရင် ဒီလူတွေ Professional ဆိုတာ ဘာလဲဆိုတာကို သိဖို့ အဝေးကြီးလိုပါသေးတယ်။

သေခြင်းနှင့်ကျွန်တော်တို့ကို ဆက်သွယ်ထားသောတံတား

အရူးတစ်ယောက်နေထိုင်သောအခန်းကလေးတစ်ခုအတွင်းသို့ ကျွန်တော်တို့လေ့လာရေးခရီးထွက်ခဲ့ကြသည်။ ခရီးရက်ရှည်ထွက်သွားသော အရူးတစ်ယောက်၏ ကိုယ်ရေးကိုယ်တာ ကိစ္စများကိုမထိခိုက်စေဘဲလေ့လာကြရမည်။ မည်သည့်အထားအသိုမျှမှားခွင့်မရှိ။ အရူးတစ်ယောက်၏ လွတ်လပ်စွာရူးသွပ်ခွင့်ဆိုင်ရာ စာတမ်းအတွက် လွတ်လပ်စွာလေ့လာခွင့်ပေးခဲ့သော အရူးကိုပင်ကျေးဇူးတင်ရမည်။ သူသည် ကျွန်တော်တို့ စာတမ်းနာမည်ကိုမဖတ်မိ၍ ခွင့်ပြုလိုက်ခြင်းဖြစ်ဟန်တူသည်။ သို့မဟုတ် သူနှင့်အလားတူငနဲများကို စာနာပုံပေါက်ခြင်းလည်းဖြစ်နိုင်သည်။ မည်သို့ပင်ဆိုစေ ... ကျွန်တော်တို့ အရူးတစ်ယောက်၏ အခန်းထဲသို့ရောက်ခဲ့ကြပြီ။

အရူးသည် ကိုယ့်အခန်းလို သဘောထားပါလို့ တွင်တွင်မှာသွားသည်။

ဝင်ကစွပ်ဟာခရုခွံကို ချစ်သလို ကျွန်တော့်အခန်းကို ခင်ဗျားတို့ ချစ်ပါ ... ဆိုလားပြောသွားသည်။

လေ့လာရေးအဖွဲ့ဝင်တစ်ယောက်က ဓာတ်ပုံတဖျပ်ဖျပ်ရိုက်သည်။ အရူးဆွဲထားသော အဖြူရောင် ပိတ်ကားပေါ်မှ အဖြူရောင်ချိုးငှက်။ သံလွင်ခက်သည် မည်းမှောင်စိုလက်နေသည်။ ကားနာမည်ကို လွဲချော်မှုဟု အရူးကပေးထားသည်။ ဗင်းဆင့်သည် အရူးဖြစ်သော်လည်း ပန်ချီဆရာတိုင်းရူးနေရန်မလိုအပ်ပါ။ ထိုကိစ္စကို ကျွန်တော်တို့စာတမ်းတွင် အသေးစိတ် ဆွေးနွေးထားပြီးဖြစ်သည်။

အရူးသည် အနုပညာ အားကောင်းသော အရုးဟု အရူးလောကကသတ်မှတ်ထားသည်။ ခေတ်ပြိုင် ဝေဖန်ရေးသမားများသည် အရူးသည် ပါရမီရှင် အရူးစစ်စစ်ဟု မှတ်ချက်ပြုကြသည်။ ထင်ရှားသော စာပေသမားကြီးက အရူးမို့ သူ့မှာ တမူးသာခွင့်ရှိတယ်... ဟူ၍ပြောခဲ့သည်မှာလည်း ဂျာနယ်များရောင်းကောင်းသွားသော သတင်းတစ်ခုဖြစ်ခဲ့သည်။ အရူးသည် အောင်မြင်ကျော်ကြားသော ၊ ခမ်းနားတည်ကြည်သော အာဂ အရူးဘ၀ကိုပိုင်ဆိုင်ထားသည်။

အရူးသည် ဂီတကို မွေ့လျော်ပုံရသည်။ Kitaro ၏ စီဒီများအမြောက်အများတွေ့ရသည်။ အရူးသည် အိပ်ယာအသုံးပြုသူမဟုတ်ကြောင်းအံသြဖွယ်တွေ့ရှိရသည်။ "ကျွန်တော်ပိုင်ဆိုင်တဲ့ညတွေကို ဘာလို့အိပ်ပစ်ရမှာလဲ"ဟု အင်တာဗျူးတစ်ခုတွင်သူပြောခဲ့သေးသည်။ ထိုအချက်ကို အထောက်အထား မခိုင်လုံသေး၍ စာတမ်းတွင် အသေးစိတ်လေ့လာရန်ဟူ၍ ကျွန်တော်တို့မှတ်သားခဲ့သည်။ ဂီတ၀ါသနာပါသော လေ့လာရေးအဖွဲ့ဝင်တစ်ယောက်က အရူးရေးသားခဲ့သည့် ပိုးလမ်းမကြီးတစ်လျှောက် စိတ်နဲ့လျှောက်နေရရင်ဘ၀ကိုကျေနပ်ပါပြီ ဆိုတဲ့အချက်နဲ့ Kitaro ၏ silk road ဆက်နွယ်မှုရှိနိုင်ကြောင်းသုံးသပ်တင်ပြသည်။

အားလုံးမထင်မှတ်ထားသော ကိရိယာတစ်ခုကို အခန်း၏ ပြတင်းပေါက်နားတွင်တွေ့လိုက်ကြရသည်။အာကာသကြည့်မှန်ပြောင်းအကောင်းစား တစ်လက်ဖြစ်သည်။ ASTRO-PHYSICS 140mm f7.5 Starfire EDF – 5.5" aperture: အမျိုးအစားဖြစ်သည်။ အရူးသည် ကြယ်ကြည့်သူတစ်ယောက်ဖြစ်ကြောင်း မည်သူမှထင်မှတ်မထား။ သူကိုယ်တိုင် ထုတ်ဖော်ပြောကြားခြင်းမျိုးလည်းမရှိခဲ့ကြောင်း ကျွန်တော်တို့အဖွဲ့ဝင်များ ပြန်လည်အတည်ပြုကြသည်။ ... အရူးသည် အမှန်တကယ်ရူးနေရဲ့လားဆိုသည့်မေးခွန်းသည် ကျွန်တော်တို့စိတ်ထဲတွင်စတင်အော်မြည်လာသည်။

အရူး၏ ငယ်ဘ၀မှ အမှတ်တရပစ္စည်းများကို ဆက်လက်လေ့လာကြသည်။ ဖယောင်းတိုက်ထားသော သစ်ရွက်များ၊ သစ်ရွက်များပေါ်တွင် နေ့စွဲများ၊ ကဗျာအတိုအစများ၊ ငှက်လှောင်အိမ်အတွင်း သော့ခလောက်လေးတစ်ခုကို ထည့်ထားသော performance အပါအ၀င် အရူးရှစ်တန်းကျောင်းသားဘ၀က ပြုလုပ်ခဲ့သော performance art လက်ရာများ။ အရူးရရှိခဲ့သော အားကစားထူးချွန်ဆုများ။ အရူးအောင်မြင်ခဲ့သော မှတ်တိုင်များ။ အရူးရေးသားခဲ့သော အသည်းကွဲsymphonyသီချင်းစားသားကို ရွှေပြားတွင် ထွင်းထားသည်ကိုလည်းတွေ့ရသည်။

ကျွန်တော့်ဘ၀ကို လာရောက်နေထိုင်သွားသူ ဆိုတဲ့ ဒဿနလောကမှာ ကိုးကားစရာဖြစ်ခဲ့တဲ့ အရူးရဲ့ကျမ်းကိုလည်းတွေ့ရသည်။ အရူးတစ်ယောက်ရဲ့ ရူးသွပ်ခွင့်၊ထက်မြက်ခွင့်၊ လင်းပွင့်ခွင့်တွေကို ကွှန်တော်တို့ ခေါင်းချင်းရိုက်ဆွေးနွေးကြသည်။ အမှတ်အသားပြုလုပ်ကြသည်။ မှတ်တမ်းတွေနဲ့တိုက်ဆိုင်စစ်ဆေးကြသည်။ ဒီလို အရူးတစ်ယောက်ကို လေ့လာခွင့်ရလိုက်တာ ကျွန်တော်တို့စာတမ်းကို အများကြီးအထောက်အကူပြုခဲ့ပြီလို့ ကျွန်တော်တို့ပြောဖြစ်ကြသည်။

အရူးဖတ်သောစာအုပ်များကိုဆက်လက်လေ့လာသည်။၊ ဒဿနစာအုပ်များ။ ပညာရှင်အလိုက် မျိုးတူစုခွဲ၍လေ့လာပုံရသည်။ ရှေးခေတ်တွေးခေါ်ရှင်များ၊ အလယ်ခေတ်တွေးခေါ်ရှင်များ၊ မော်ဒန်ခေတ်တွေးခေါ်ရှင်များနှင့် ခေတ်ပြိုင် တွေးခေါ်ရှုင်များဆိုပြီး အကန့်လေးတွေခွဲထားပုံကလည်းစနစ်ကျသည်။

• Metaphysics
• Epistemology
• Ethics
• Political philosophy.
• Aesthetics
• Logic
• Philosophy of mind
• Philosophy of language
• Philosophy of religion စသဖြင့် စနစ်တကျ ခေါင်းစဉ်ရေးထိုးထားသည်။ ကြီးမြတ်သော အရူးတစ်ယောက်၏ စာကြည့်ခန်းတွင် ကျွန်တော်တို့သေးသိမ်သလိုခံစားလိုက်ရသည်။ တစ်ယောက်ကိုတစ်ယောက်ကြည့်ရင်း ..... သက်ပြင်းကိုယ်စီချမိကြသည်။ အရူးတွင် စနစ်ရှိသည်။ အရူးတွင် ထင်မှတ်ထားသည်ထက်ပိုမိုသော လေ့လာဆည်းပူးနိုင်စွမ်းရှိသည်။ ဒီအချက်ကို ကျွန်တော်တို့ အလေးအနက်ထားတင်ပြကြရမည်။

အရူးစာရေးသော စားပွဲခုံလေးပေါ်တွင် အ၀ါရောင်ဖဲကြိူးချည်ထားသော ဘွန်ဇိုင်းပင်လေးတစ်ပင်ကိုတွေ့ရှိရသည်။ ရေလက်စကဗျာစာသားကိုလည်းတွေ့ရသည်။

ရွေးချယ်စရာမရှိတော့ရင်

ငါတို့ဘယ်သူ့ကို ဆဲရေးနေမှာလဲ ..........။

လေ့လာရေးအဖွဲ့ဝင်များတွင် ကဗျာဝါသနာပါသူတစ်ယောက်မှမပါပါ။ ထို့အတွက် .. မည်သူမှ ဒီကဗျာအပိုင်းအစကို ဆွေးနွေးဖို့စိတ်ဝင်စားဟန်မပြပါ။ လေ့လာမှုတွေ့ရှိချက်တစ်ခုအနေနှင့်သာ မှတ်တမ်းတင်လိုက်ကြသည်။

အရူး၏ ထမင်းစားပွဲကိုလေ့လာသည်။ ကော်ဖီခွက် အနက်ရောင်တောက်တောက်တစ်ခွက်တွင် 666 ဟုလှပစွာပန်းအက္ခရာဖော်ထားသည်။ 666 သည် စာတန်၏ ကိုယ်ပိုင်အမှတ်အသားဖြစ်သည်။ အရူး အိမ်တွင် ဘုရားစင်လည်းမရှိ။ အရူးသည် စာတန်ကိုးကွယ်သူလား။ သံသယမေးခွန်းများကို ကျွန်တော်တို့ဆွေးနွေးကြသည်။ ထိုင်ခုံပေါ်တွင်တင်ထားသော ဘာသာရေးဆိုင်ရာ ဖတ်လက်စစာအုပ်များအရ အရူးသည် စေတန်ကိုးကွယ်သူလည်းမဟုတ်နိုင်။ အရူးတွင် ဘာသာရှိသလားပြန်ဆန်းစစ်ကြသည်။ အရူးပြောဖူးသော quotes တစ်ခုကို တစ်ယောက်ကရေရွတ်သည်။ ဘာသာရေးဟာ ဆပ်ပြာမှုန့်ဆိုပါတော့ ... ကျွန်တော့်မှာ အ၀တ်အစားမရှိဘူး .........။ထိုစကားသည် လူငယ်များအကြားရေပန်းစားနေသည်။ အရူးသည် လူငယ်များ၏ စိတ်တွင်ဝတ်ဆင်ထားသော 925 များဖြစ်နေပြီလားဟု ကျွန်တော်တို့ ချဲ့ထွင်နှီးနှောကြသည်။

....

ရုတ်တရတ် .........

အခန်းသည် အမှောင်အတိကျသွားသည်။

စူးရှသော ညှော်နံ့ကို ကျွန်တော်တို့ရှူမိလိုက်ကြသည်။ ဗီဇသိအရ ကွှန်တော်တို့ အိမ်ရှေ့တံခါးဆီသို့ပြေးထွက်ကြသည်။ တံခါးသည် ဂျက်ကြနေသည်။ မီးခိုးများပိုမိုများပြားလာသည်။ လောင်ကျွမ်းမှုတစ်ခုဖြစ်ပွားခဲ့ပြီ။ မည်သည့်နေရာမှစတင်၍ လောင်ခဲ့မှန်းမသေချာသော်လည်း လောင်ကျွမ်းမှုသည် လျှင်မြန်စွာကူးစက်လာနေသည်။ ကျွန်တော်တို့အားလုံး စတင်၍ သွေးရူးသွေးတန်းဖြစ်လာကြသည်။ တံခါးကို ကြိုးစားဖွင့်သော်လည်း တံခါးကမပွင့်တော့ပေ။ ဆဲဆိုသံများ စတင်၍ ဆူညံပွက်လောရိုက်လာသည်။ အော်ဟစ်အကူအညီတောင်းခံသံများကွဲအက်ထွက်လာသည်။ တံခါးများအားလုံးပိတ်နေကြပြီ။ ပြတင်းပေါက်တံခါးများကိုတွန်းဖွင့်ကြည့်သည်။ ခိုင်ခံ့သော သံတိုင်များပိတ်ကာထားသည်။ အရူးအခန်းထဲတွင် လောင်ကျွမ်းသေဆုံးရတော့မည်ဟူသော အသိသည် ကြေကွဲဆို့နစ်ဖွယ်ဖြစ်လာသည်။ စိတ်သည် တဖျစ်ဖျစ်မြည်ဟည်းနာကျင်လာသည်။ အခန်းတံခါးဝကိုမီရပ်နေစဉ်တွင် ကူးစက်လာသော မီးတောက်မီးလျှံများသည် အရည်ပြားကို စတင်လောင်ကျွမ်းလာသည်။ ကျွန်တော်တို့အားလုံး နောက်ဆုံးကြားလိုက်ရသော အရူးရယ်မောသံသည် တံခါး၏ အပြင်ဘက်ဆီမှ စိတ်ထဲသို့ ဓားနှင့်ခြစ်လိုက်သလို စူးရှအက်ကွဲဝင်ရောက်ခဲ့သည်။ ။

ရွေးချယ်စရာမရှိတော့ရင်

ငါတို့ဘယ်သူ့ကို ဆဲရေးနေမှာလဲ ..........။ ။

။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

Zephyr

ဒီအကြောင်းကို ကျွန်တော်ပြောပြတဲ့အခါ ခင်ဗျားတို့က လေ့လာသူတွေကို သနားကြလိမ့်မယ်။ မဟုတ်ရင်လည်း အပြစ်မြင်ကြလိမ့်မယ်။ အရူးတစ်ယောက်ရဲ့ အိမ်ဟာ ခင်ဗျားရဲ့ ခန္ဓာဆိုပါတော့ .... မိတ်ဆွေ .. ဒါကို သင်ဘယ်လိုသဘောရသေးလဲ။ ။